|
|
|
|
|
|---|---|---|---|
| 29851 | जन्तेसिलोक | ना. | बिहामा यज्ञमण्डपमा दुलहीतर्फका घरगाउँलेहरू र दुलाहातर्फका जन्तीहरूबिच प्रश्नोत्तरका रूपमा भनिने प्रतिस्पर्धात्मक श्लोक; बिहाको सिलोक। |
| 29852 | जन्त्र | ना. | जन्तर। |
| 29853 | जन्म | ना. | १. प्राणीका स्वभाव र आवश्यकताअनुसार न्यूनतम गर्भमास पूरा भएपछि आमाका गर्भबाट भ्रूण बाहिर निस्कने कार्य; प्रसव; पैदा। |
| 29854 | जन्म | ना. | २. जीवन; चोला; जिन्दगी। |
| 29855 | जन्म | ना. | ३. कुनै संस्था वा निकायको आरम्भ। |
| 29856 | जन्मकुण्डली | ना. | ज्योतिषशास्त्रअनुसार बालकको जन्मसमयका सबै ग्रहगतिको स्थिति देखाइएको चक्र; जन्मपत्रिका; चिना; टिपन। |
| 29857 | जन्मकैद | ना. | १. ठुला अपराधीलाई जनमभर थुनामा राख्ने सजाय; आजीवन कारावास। |
| 29858 | जन्मकैद | ना. | २. नेपालको हाल प्रचलित कानुनअनुसार बिस वर्षमा नबढाई ठुला अपराधीलाई दिइने सजाय। |
| 29859 | जन्मकैद | ना. | ३. त्यस प्रकारको दण्ड वा सजायको भुक्तानी। |
| 29860 | जन्मक्षेत्र | ना. | जन्मथलो; आफू जन्मेको ठाउँ; जन्मभूमि। |
| 29861 | जन्मगत | वि. | जन्मसम्बन्धी; जन्मसिद्ध; जन्मजात; जन्मँदैदेखिको। |
| 29862 | जन्मगति | ना. | जनसङ्ख्याको औसत वृद्धि वा ह्रासको गति। |
| 29863 | जन्मजन्मान्तर | ना. | १. पुनर्जन्मवादका अनुसार मरेपछि फेरिफेरि पनि जन्मँदै जाने अनन्त प्रक्रिया। क्रि.वि. |
| 29864 | जन्मजन्मान्तर | ना. | २. जन्मजन्मान्तरसम्म; अनन्त कालसम्म। |
| 29865 | जन्मजन्मान्तरीय | वि. | १. जन्मजन्मान्तरसम्बन्धी; जन्मजन्मान्तरको। |
| 29866 | जन्मजन्मान्तरीय | वि. | २. कहिल्यै नटुङ्गिने। |
| 29867 | जन्मजयन्ती | ना. | १. कुनै संस्था वा व्यक्त को योगदानलाई कदर गर्दै उसका जन्मदिनमा मनाइने उत्सव। |
| 29868 | जन्मजयन्ती | ना. | २. जन्मोत्सव। |
| 29869 | जन्मजात | वि. | १. कुनै व्यक्ति वा वस्तुले जन्मैदेखि साथ लिएर आएको; जन्मैदेखिको; जन्मगत; जन्मसिद्ध। |
| 29870 | जन्मजात | वि. | २. आनुवंशिक। |
| 29871 | जन्मतिथि | ना. | जन्मेका दिनको तिथि; जन्मदिन। |
| 29872 | जन्मथलो | ना. | आफू जन्मेको ठाउँ, गाउँ वा क्षेत्र; जन्मभूमि; जन्मक्षेत्र। |
| 29873 | जन्मथात | ना. | हे. जनमथात। |
| 29874 | जन्मदाता | ना. | जन्म दिने पुरुष; पिता; बाबु। |
| 29875 | जन्मदात्री | ना. | जन्म दिने नारी; जननी; आमा। |
| 29876 | जन्मदिन | ना. | १. सौरमानअनुसार प्रत्येक वर्ष घुमेर आइपुग्ने आफू जन्मेको महिना वा गते। |
| 29877 | जन्मदिन | ना. | २. चान्द्रमानअनुसार त्यसरी आइपुग्ने आफू जन्मेको महिना र तिथि। |
| 29878 | जन्मदिन | ना. | ३. जन्मदिवस। |
| 29879 | जन्मदिन | ना. | ४. जन्मजयन्ती; जन्मोत्सव। |
| 29880 | जन्मदिवस | ना. | १. जन्मदिन। |
| 29881 | जन्मदिवस | ना. | २. जन्मोत्सव। |
| 29882 | जन्मनक्षत्र | ना. | जन्मेका समयमा परेको नक्षत्र; जन्मदिनको नक्षत्र; जुन नक्षत्रमा जन्म भएको छ त्यही नक्षत्र। |
| 29883 | जन्मना | क्रि.वि. | जन्मले; जन्मदेखि; जन्मका हिसाबले वा दृष्टिले; जन्मतः। |
| 29884 | जन्मनिरोध | ना. | जन्मनियन्त्रण गरिने विभिन्न उपाय; सन्ततिनिरोध; गर्भनिरोध। |
| 29885 | जन्मनु | अ.क्रि. | १. आमाका गर्भभित्रको भ्रूण गर्भमास पूरा भएपछि पैदा हुनु; चोला लिनु; जन्मिनु; जन्म हुनु। |
| 29886 | जन्मनु | अ.क्रि. | २. उत्पन्न हुनु; पैदा हुनु। |
| 29887 | जन्मनु | अ.क्रि. | ३. खडा हुनु; समस्या आइपर्नु। |
| 29888 | जन्मनु मर्नु | अ.क्रि. | जन्मनु र मर्नु; त्यस्तो क्रम चल्नु। |
| 29889 | जन्मपत्र / जन्मपत्रिका / जन्मपत्री | ना. | जन्मसमयको लग्न पत्ता लगाई ग्रहहरूको अवस्थिति कहाँकहाँ छ सो स्थान स्पष्ट जनाउन तयार गरिएको कुण्डली; जन्मपत्र; जन्मकुण्डली; चिना; टिपन। |
| 29890 | जन्मभूमि | ना. | १. जन्मेको ठाउँ; जन्मस्थान;जन्मथलो। |
| 29891 | जन्मभूमि | ना. | २. जन्मेको देश। |
| 29892 | जन्मभूमि | ना. | ३. आफ्ना पुर्खाहरूले बसोबास गरेको देश। |
| 29893 | जन्मराशि | ना. | चान्द्रमासअनुसार बाह्रवटा राशिहरूमध्ये जन्म भएका बेलाको राशि। |
| 29894 | जन्मरोगी | वि. | जन्मैदेखि रोग लिएर आएको; जन्मँदै रोगी जन्मेको; जन्मभरको रोगी; आजन्म रुग्ण; गर्भे रोगी। |
| 29895 | जन्मलग्न | ना. | जन्मँदाखेरि परेको लग्न; बाह्र लग्नमध्ये जन्मँदा परेको लग्न। |
| 29896 | जन्मवार | ना. | जन्मेका दिन परेको वार; जन्मेको वार। |
| 29897 | जन्मवृत्तान्त | ना. | १. जन्म भएका बेलाको यथावत् विवरण; जन्मभरका यावत् कुराकानी; इतिवृत्त; जीवनका आद्योपान्त घटनाको वर्णन। |
| 29898 | जन्मवृत्तान्त | ना. | २. जीवनी; गाथा; चरित। |
| 29899 | जन्मसिद्ध | वि. | जन्मका साथै पाएको; जन्म पाउँदा नै प्राप्त हुने; जन्मबाटै सिद्ध भएको; जन्मजात (उदा.- जन्मसिद्ध अधिकार, जन्मसिद्ध नागरिक इ.)। |
| 29900 | जन्मस्थान | ना. | जन्मेको ठाउँ; जन्मभूमि। |