|
|
|
|
|
|---|---|---|---|
| 37701 | तामसिक | वि. | तमोगुणसम्बन्धी; तमोगुण भएको। |
| 37702 | तामसी | वि. | तमोगुणी; अभिमानी। |
| 37703 | तामा १ | ना. | १. तरकारी खाइने अमिलो स्वाद भएको एक थरी बाँसको कलिलो टुसाको चकना। |
| 37704 | तामा १ | ना. | २. हाँगा र पात नआउन्जेलका अवस्थाको बाँसको टुसो वा मुनु। |
| 37705 | तामा २ | ना. | थोरै रातोरातो रङको हुने एक प्रसिद्ध खनिज धातु; ताम्र; ताँबा। |
| 37706 | तामाकोसी | ना. | भोटमा मूल भएको, नेपालको पूर्वी पहाडी क्षेत्रमा बग्ने सप्तकोसीमध्येको एक नदी। |
| 37707 | तामाङ | ना. | प्रायः नेपालको उत्तर पूर्वी पहाडी भागमा बस्ने एक जाति। |
| 37708 | तामाङ सेलो | ना. | तामाङ जातिले गाउने, चरणमा सात वा आठ अक्षर भएको लोकगीतको एक लय। |
| 37709 | तामाबाँस | ना. | तामाका चकना बनाइने कलिलो बाँस; एक प्रकारको बाँस। |
| 37710 | तामिल / तामिली | ना. | हे. तामेल। |
| 37711 | तामे | वि. | १. तामा धातुको वा तामाजस्तो; ताम्रसम्बन्धी। |
| 37712 | तामे | वि. | २. तामाको जस्तो रङ भएको। |
| 37713 | तामे ढुकुर | ना. | प्वाँखमा राताराता छिर्का हुने ठुलो जातको ढुकुर। |
| 37714 | तामेल | ना. | १. कामको समाप्ति; तयारी; तामिल / तामिली। |
| 37715 | तामेल | ना. | २. आज्ञापालन। |
| 37716 | तामेली | ना. | तामेल गर्ने काम वा अवस्था; काम पूरा भएको स्थिति; तामिली। |
| 37717 | तामेस | ना. | मुजुरका पुच्छर झैँ उठेको, गजाले रेटेर बजाइने पन्ध्रवटा तार लागेको, इसराजजस्तो एक तारबाजा। |
| 37718 | तामो | ना. | ताम्र; ताँबो। |
| 37719 | तामोतुलसी | ना. | धर्म सम्झिँदा वा भाक्दा हातमा लिइने तामाको द्रव्य र तुलसीको पत्र। |
| 37720 | ताम्बा काइतेन | ना. | बिहे, भोजभतेर आदिमा गाइने धार्मिक विषयवस्तु भएको तामाङ जातिमा प्रचलित एक लोकगीत। |
| 37721 | ताम्बुल | ना. | १. खयर, चुना, सुपारी, मसला आदि हालेर बनाइने पानको बिडा। |
| 37722 | ताम्बुल | ना. | २. पानको पात वा लहरो। |
| 37723 | ताम्बुल वल्ली | ना. | पानको लहरो। |
| 37724 | ताम्बुल वीटिका | ना. | पानको बिडा। |
| 37725 | ताम्बूलिक | वि. | पान बेच्ने (व्यक्ति); बरही। |
| 37726 | ताम्र | ना. | १. एक किसिमको थोरै रातो खनिज धातु। |
| 37727 | ताम्र | ना. | २. एक किसिमको कुष्ठरोग। वि. |
| 37728 | ताम्र | ना. | ३. तामाले बनेको; तामाका रङको। |
| 37729 | ताम्रक | ना. | ताम्र; तामा। |
| 37730 | ताम्रकार | ना. | तामा, पित्तल आदिका भाँडाकुँडा बनाएर जीविका गर्ने जाति वा व्यक्ति; तमौटे। |
| 37731 | ताम्रपट्ट पत्र | ना. | दानपत्र आदि लेखेर दिइने अक्षर कुँदिएको तामाको पातो। |
| 37732 | ताम्र पत्र | ना. | तामाको पातामा लेखिएको अभिलेख; तामापत्र। |
| 37733 | ताम्रपल्लव | ना. | अशोक वृक्ष। |
| 37734 | ताम्रयुग | ना. | मानिसले तामाका भाँडाकुँडा, हतियार आदि उपयोगमा ल्याउन थालेको, ढुङ्गे युगपछिको प्राचीन समय। |
| 37735 | ताम्रवर्ण | वि. | तामाका रङको, रक्तवर्णको। |
| 37736 | ताम्रवल्ली | ना. | रत्नाउलो झारविशेष। |
| 37737 | ताम्रिङ | ना. | मुजुरा लागेको, खैँजडीका ढाँचाको ठोकेर बजाइने एक प्रकारको बाजा। |
| 37738 | ताम्लो | ना. | गुरुङ जातिका स्त्रीहरूले कम्मरमुनि गुन्यूँमाथि लाउने, कालो मखमलको तीनकुने वस्त्र; कर्मु। |
| 37739 | तायजात / तायदात | ना. | १. फौज्दारीसम्बन्धी गहन अपराधका अभियुक्तको अपराध सिद्ध भएमा वा कसैले सरकारी धनमाल मासेर खाएमा सरकारद्वारा निजहरूको सम्पत्ति जफत गर्ने काम; जायजेथा; सर्वस्व। |
| 37740 | तायजात / तायदात | ना. | २. सङ्ख्या; गन्ती। |
| 37741 | तायदाती | वि. | तायदातसम्बन्धी; तायदातको। |
| 37742 | तायदाती फाराम | ना. | तायदात गर्दा राखिने सम्पत्ति वा धनमालको विवरण; मुद्दासम्बन्धी प्रयोजनीय कागतपत्रको पञ्जिका। |
| 37743 | तायो | ना. | घाँटीमा लगाइने एक प्रकारको गहना। |
| 37744 | तार्नु | स.क्रि. | १. नदीनालाहरूमा कुनै वस्तु; मानिस आदि वारिपारि पुऱ्याउनु; पार लगाउनु। |
| 37745 | तार्नु | स.क्रि. | २. दुःखसङ्कटबाट उद्धार गर्नु; उतार्नु। |
| 37746 | तार्नु | स.क्रि. | ३. पितृहरूलाई मुक्त पार्नु। |
| 37747 | तार्नु | स.क्रि. | ४. पानी नहालीकनै घिउ, तेल आदिमा तरकारी आदि भुट्नु वा पकाउनु। |
| 37748 | तार १ | ना. | १. धातुको मसिनु डोरो। |
| 37749 | तार १ | ना. | २. दूरसञ्चारका माध्यमले आउने खबर। |
| 37750 | तार १ | ना. | ३. त्यस्तो सञ्चारका निम्ति प्रयोग गरिने सङ्क्षिप्त नाम। |