|
|
|
|
|
|---|---|---|---|
| 37951 | तितीक्षा | ना. | १. जस्तोसुकै सुखदुःख; घामपानी आदि भोग्नुपरे तापनि सहने शक्ति; सहिष्णुता। |
| 37952 | तितीक्षा | ना. | २. शान्ति; क्षमा। |
| 37953 | तितीक्षु | वि. | सहन सक्ने; सहनशील। |
| 37954 | तिते | ना. | १. काँक्राको भेट्नुपट्टिको तितो हुने भाग। |
| 37955 | तिते | ना. | २. भटमासका जस्ता पात हुने र फापरका जस्ता गेडा फल्ने एक जातको दुधिलो झार। |
| 37956 | तितेकरेला / करेलो | ना. | घिरौँलाका जस्ता पात हुने, लहरामा लाम्चा फल फल्ने, बाहिरी सतह एकैनास नभएका, भित्र राता बियाँ हुने र तितो स्वाद हुने, करेलाको एक जात। |
| 37957 | तिते गोलकाँक्री | ना. | तितो स्वाद हुने एक जातको गोलकाँक्री। |
| 37958 | तिते घाँस | ना. | सानोसानो बुटो हुने, तितो स्वादको एक जातको घाँस। |
| 37959 | तितेचिराइतो | ना. | ठुल्ठुला लाम्चा पात हुने, तुलसीको जस्तो फूल फुल्ने र रातो डाँठ हुने एक जातको चिराइतो; किराततिक्त। |
| 37960 | तितेझार | ना. | सुल्टोपट्टि हरियो र उल्टोपट्टि प्याजी रङको हुने, तितो स्वादको, विषमज्वरमा ओखतीका निम्ति उपयुक्त मानिने बुटीझारविशेष |
| 37961 | तितेतुम्बा | ना. | तितो स्वाद हुने एक जातको तुम्बा। |
| 37962 | तितेपाती | ना. | गोदावरीका जस्ता पात हुने, मञ्जरीका रूपमा फूल फुल्ने, चर्को गन्ध आउने, तितो स्वादको झारविशेष। |
| 37963 | तितेफापर | ना. | फापर जस्तै तर खाँदा अलि तितो हुने एक प्रकारको फापर। |
| 37964 | तितेमाछो | ना. | भेलमा बगेर आउने, तितो स्वाद हुने, एक किसिमको माछो। |
| 37965 | तितेनी | वि. | तीतेपातीको घारी। |
| 37966 | तितो | वि. | १. करेलो, नीम, चिराइतो आदिका स्वादको; तिक्त। ना. |
| 37967 | तितो | वि. | २. छ रसमध्ये एक रस; तितो स्वाद । |
| 37968 | तितौरा | ना. | १. भिजाएको चना, मास, मुगी, आलु आदि पिँधेर हुँडली बनाएको लेदाको ससाना डल्ला पारी सुकाइएको तरकारीविशेष। |
| 37969 | तितौरा | ना. | २. आँप, अमला, लप्सी आदिको लेदोमा नुन, मसला वा चिनी हालेर मट्याङ्ग्राजस्तो पारी सुकाई बनाइएको खानेकुरा। |
| 37970 | तितौरी | ना. | सानो वा स्नेह जनाउँदा तितौरालाई भन्ने शब्द। |
| 37971 | तितौली | ना. | काँक्राको अलिअलि तितो हुने भेट्नुपट्टिको अंश। |
| 37972 | तित्तिरि | ना. | १. नृत्यमा पाउ राख्ने एक प्रकारको चाल। |
| 37973 | तित्तिरि | ना. | २. यजुर्वेदको एक शाखा। |
| 37974 | तित्तिरि | ना. | ३. त्यस शाखाका प्रवर्तक ऋषि। |
| 37975 | तित्तिरि | ना. | ४. तित्रो। |
| 37976 | तित्रा पङ्खी | वि/ ना. | हे. तितरीपङ्खी। |
| 37977 | तित्री | ना. | खँदिलो साह्रो काठ हुने अमलाका जस्ता पात हुने, कोसाभित्र काँचो छँदा अमिलो र पाकेपछि अमिलो र गुलियो गुदी हुने फल फल्ने बोट; त्यसै बोटको फल; अमिली। |
| 37978 | तित्रे | वि. | तित्रोजस्तो; तित्राका ढाँचाको। |
| 37979 | तित्रे बादल | ना. | तित्राका पखेटाको बुट्टाजस्तो परेको बादल; तित्रापङ्खी वा तितरीपङ्खी बादल। |
| 37980 | तित्रो | ना. | छिरबिरे रातो चुच्चो र रातै खुट्टा भएको, निकै जोडले कुद्ने, उड्दा भ्याटाटा आवाज आउने र बास्दा तीनताराचित्रिक् गरेको सुनिने, च्याखुरोजो चरो। |
| 37981 | तिथि | ना. | १. चान्द्रमानका गणनाअनुसार आउने तथा घटबढ हुने शुक्लपक्ष र कृष्णपक्षका कुनै पनि दिन; परेवादेखि औँसी वा पूर्णिमासम्मका दिन। |
| 37982 | तिथि | ना. | २. श्राद्ध गर्ने दिन; मिति। |
| 37983 | तिथित | वि. | कुनै तिथि वा महिनाको गते, वार आदि तोकिएको; दिनाङ्कित (पत्रादि )। |
| 37984 | तिथिपत्र | ना. | पञ्चाङ्ग; पात्रो। |
| 37985 | तिथिमिति | ना. | चान्द्र दिन तथा सौर दिन, महिना, गते, वार आदि। |
| 37986 | तिन | सर्व | ती' शब्दको विभक्ति प्रत्यय लाग्दा हुने तिर्यक् रूप, उन। |
| 37987 | तिनाधान | ना. | पानी भएको जमिनमा उम्रने, लामालामा जुँगा हुने एक जातको जङ्गली धान। |
| 37988 | तिनिमुनी | ना. | धुन्या बाजासमूहमा बजाइने र भजनहरूमा सहायक ताल बाजाको रूपमा प्रयोग गरिने, फलामको सानो डन्डीले पिटेर बजाइने फलामकै तीनकुने बाजा। |
| 37989 | तिन्छु | ना. | झ्याली परिवारको सबैभन्दा सानो एक बाजा। |
| 37990 | तिप | ना. | माछा मार्न प्रयोग गरिने चोयाले बुनेको साधन; खोँगा। |
| 37991 | तिब्बत | ना. | नेपालको उत्तरी सिमानामा रहेको जनगणतन्त्र चीनको एक स्वशासित प्रदेश। |
| 37992 | तिब्बती | वि. | तिब्बतमा बस्ने वा हुने; ब्बतसम्बन्धी; तिब्बतको। |
| 37993 | तिब्बती शाखा | ना. | युरेसिया खण्डका विभिन्न भाषिक परिवारमध्ये एक शाखा। |
| 37994 | तिब्री | ना. | पहाडको चुचुरो; टाकुरो; टिउरी। |
| 37995 | तिब्रीकोट | ना. | कर्णाली अञ्चलअन्तर्गतको एक जिल्ला। |
| 37996 | तिमि | ना. | १. ज्यादै ठुलो आकारको एक जातको समुद्री माछो। |
| 37997 | तिमि | ना. | २. समुद्र। |
| 37998 | तिमिर | ना. | १. अँध्यारो वा धमिलो। |
| 37999 | तिमिर | ना. | २. फलाममा लागेको खिया। |
| 38000 | तिमिर | ना. | ३. रतौँधी। |