|
|
|
|
|
|---|---|---|---|
| 40601 | दलविहीनता | ना. | दलविहीन हुनाको भाव, अवस्था वा किसिम। |
| 40602 | दलहन | ना. | दालजातका अन्नहरूको समूह (मास, मसुरी, चना, रहर, केराउ आदि)। |
| 40603 | दला | ना. | खुकुरी, तरबार आदि राख्ने छाला वा काठको दाप; म्यान। |
| 40604 | दलाइ | ना. | दल्ने क्रिया वा प्रक्रिया। |
| 40605 | दलाइनु | क.क्रि. | दल्न लाइनु। |
| 40606 | दलाई लामा | ना. | चीनको स्वशासित प्रान्तमा परिणत हुनुभन्दा पहिलेको तिब्बत राज्य व्यवस्थाका धर्मगुरु र मुख्य प्रशासक; अवतारी लामा; औतारी लामा। |
| 40607 | दलाउनु | प्रे.क्रि. | दल्न लाउनु। |
| 40608 | दलाढ्य | ना. | नदीका छालले भर्खर मात्र छोडेको हिलो; दलदले; धाप;भास। |
| 40609 | दलान | ना. | गारोको सट्टा थामहरू राखेर, आउने जानेहरूलाई बस्न हुने गरी बनाएको खुला छिँढी, सिकुवा। |
| 40610 | दलाल | ना. | कुनै वस्तु किनबेच गर्दा किन्ने र बेच्नेका बिचमा कुरा मिलाई नाफा खाने व्यक्ति। |
| 40611 | दलाली | ना. | १. दलालको काम वा पेसा। |
| 40612 | दलाली | ना. | २. दलालको काम गरेवापत पाउने नाफा। वि. |
| 40613 | दलाली | ना. | ३. दलालले पाउने वा लिने। |
| 40614 | दलाली दस्तुर | ना. | प्रतिशतका हिसाबमा वा अन्य कुनै प्रकारले दलालले पाउने पारिश्रमिक; दलालले पाउने ज्याला वा रकम। |
| 40615 | दलाहा | वि. | दल्न स्वभावको;मिचाहा;अटेरी;सताउने। स्त्री. दलाही। |
| 40616 | दलित | वि. | १. फग्ल्याँटैफग्ल्याँटा पारिएको; दलिएको। |
| 40617 | दलित | वि. | २. दमन गरिएको; थिचिएको; कुल्चिएको। |
| 40618 | दलित | वि. | ३. विध्वंस गरिएको;नष्ट गरिएको। |
| 40619 | दलित वर्ग | ना. | समाजमा हक, इज्जत र प्रतिष्ठा समान रूपले पाउन नसकेको जाति वा समूह; सामाजिक व्यवस्थाको असमानताले सोसिएको वा पछि परेको जनसमुदाय। |
| 40620 | दलिन | ना. | घरको तला छाप्न निदालमाथि तेर्स्याएर राखिने लामो काठ। |
| 40621 | दलिन गन्नु | टु. | उत्तर दिन नसक्नु; नाजवाफ हुनु। |
| 40622 | दलिनु | क.क्रि. | दल्ने काम गरिनु; दाल पारिनु। |
| 40623 | दलिल | ना. | १. आफ्नो पक्ष प्रबल बनाउन आवश्यक पर्ने तर्क वा युक्ति। |
| 40624 | दलिल | ना. | २. वादविवाद; तर्कवितर्क; छलफल; बहस।३. विचार; सोच। |
| 40625 | दली | वि. | १. दल वा पत्र भएको; दलयुक्त। |
| 40626 | दली | वि. | २. दलबलसहितको; दल भएको। |
| 40627 | दली | वि. | ३. नेवारजातिको एक थर। |
| 40628 | दलीय | वि. | १. दल वा पत्र हुने; दलसम्बन्धी। |
| 40629 | दलीय | वि. | २. दलगत विचार भएको; त्यस्तो राजनीतिक सिद्धान्तलाई मान्यता दिने; पार्टीप्रति झुकाउ भएको। |
| 40630 | दलीयता | ना. | १. दल वा पत्र हुनाको भाव वा स्थिति। |
| 40631 | दलीयता | ना. | २. दल वा पार्टीसम्बन्धी तत्त्व हुनाको भाव वा अवस्था; दलीय भावना। |
| 40632 | दलेल | ना. | सेनामा भर्ना भएका नयाँ जवानहरूलाई दिइने तालिम; सिपाहीहरूको तालिम; कवाजको अभ्यास वा प्रशिक्षण। |
| 40633 | दलेल भर्ती | ना. | सेनामा नयाँ जवान भर्ती गरिने काम; सिपाहीको भर्ती। |
| 40634 | दलेली | ना. | १. सैनिक शिक्षाको अभ्यास; सिपाहीको तालिम। |
| 40635 | दलेली | ना. | २. अभ्यास; रफत। |
| 40636 | दवाई | ना. | ओखती; औषधी। |
| 40637 | दश | ना. | १. नौभन्दा पछि आउने सङ्ख्या; १० को अङ्क; सयको दसौँ भाग। वि. |
| 40638 | दश | ना. | २. नौभन्दा पछिल्लो सङ्ख्याको; नौ र एक जोड्दा हुने अङ्कको। |
| 40639 | दशक | ना. | १. दश दश वर्षको समूह। |
| 40640 | दशक | ना. | २. कुनै पनि दशवटा वस्तु समूह। |
| 40641 | दशकन्धर | ना. | रावण। |
| 40642 | दशकर्म | ना. | १. वैदिक विधिअनुसार ब्राह्मणका गर्भाधानदेखि लिएर विवाहपर्यन्तका दश संस्कार; गर्भाधान, पुंसवन, सीमन्तोन्नयन, जातकर्म, निष्क्रमण, नामकरण, अन्नप्राशन, चूडा, उपनयन र विवाहसम्मका दश कर्म। |
| 40643 | दशकर्म | ना. | २. खनजोत, मलजल, गोडमेलजस्ता बाली लागेदेखि थन्क्याउन्जेल गर्नुपर्ने खेतीपातीका काम। |
| 40644 | दशगजा | ना. | दुई देशका बिचको सिमाना छुट्ट्याउने क्षेत्र वा भूमि; दुवै देशका बिच कसैको पनि अधिकारक्षेत्रभित्र नपर्ने मानिएको चौडाइमा दशगज बराबर हुँदै लम्बिएको सीमा क्षेत्र। (उदा.- नेपाल र भारतको सिमानालाई दशगजाले छुट्ट्याएको छ )। |
| 40645 | दशगात्र | ना. | १. मृतकको उद्धारका निम्ति मरेका दिनदेखि दश दिनसम्म गरिने मृतकसम्बन्धी कर्म; प्रेतकर्म। |
| 40646 | दशगात्र | ना. | २. मरेका दिनदेखि दसौँ दिनसम्म ढिकुरामा दिइएका पिण्डद्वारा बन्ने शिर, आँखा, कान, नाक आदि कल्पना गरिएका शरीरका दश अङ्ग। |
| 40647 | दशग्रीव | ना. | दशवटा टाउका भएको, रामायणको प्रतिनायक पात्र; दशकन्धर; रावण। |
| 40648 | दशदान | ना. | विभिन्न ज्ञातअज्ञात पापबाट मुक्ति पाउने हेतुले मरणासन्न अवस्थामा पुगेपछि वा केही सरसौँदो छँदैमा गरिने गाई, तिल, सुन, भूमि, घिउ, कपडा, चाँदी, नुन, सखर र फलाम गरी दशवटा चिजहरूको दान। |
| 40649 | दशदिक्पाल | ना. | दिशाका अधिष्ठाता मानिएका देवता; इन्द्र (पूर्व), अग्नि (आग्नेय), यम (दक्षिण), निर्ऋति (नैर्ऋत्य), वरुण (पश्चिम),मरुत् (वायव्य) कुबेर (उत्तर), ईश (ईशान), ब्रह्मा (ऊर्ध्वदिशा) र अनन्त (अधोदिशा) - यी दश देवता। |
| 40650 | दशदिने | वि. | १. दश दिनसम्म जुठोसूतक लाग्ने (बन्धुबान्धव)। |