|
|
|
|
|
|---|---|---|---|
| 45701 | नसच्छेदन | ना. | परिवार नियोजनको उद्देश्यपूर्तिका लागि स्त्री-जातिमा गर्भ नरहने बनाउन शल्यक्रियाद्वारा पुरुषहरूको शुक्रवाहिनी नली छेदन गर्ने काम; नसबन्दी (भ्यासेक्टोमी)। |
| 45702 | नसनाता | ना. | जन्म वा विवाह आदिबाट भएको सम्बन्ध; नाताकुटुम्ब; नातापाता। |
| 45703 | नसबन्दी | ना. | नसच्छेदन। |
| 45704 | नसल | ना. | हे. नस्ल। |
| 45705 | नसावरोधन | ना. | १. धमनी वा शिरामा आकस्मिक अवरोध वा बाधा हुने प्रक्रिया। |
| 45706 | नसावरोधन | ना. | २. नसामा अवरोध पैदा हुनाले रक्तसञ्चार बन्द हुने प्रक्रिया। |
| 45707 | नसिप/नसिब | ना. | सुख वा दुःखको भागी गराउने पूर्वनिश्चित दैवी विधान; भाग्य; नियति; प्रारब्ध; निसिप; किस्मत। |
| 45708 | नसियत / नसिहत | ना. | १. कसैले नहुने कुनै कामकुरा गरेमा वा कुनै काम बिगारेमा आइन्दा यसो नगर्नू भनी दिइने चेतावनी। |
| 45709 | नसियत / नसिहत | ना. | २. हप्की; खप्की। |
| 45710 | नसी | वि. | ख्याउटी; दुब्ली। |
| 45711 | नसो | ना. | १. शरीरका अङ्गप्रत्यङ्गमा रक्तसञ्चालन हुने तन्तु; रक्तवाहिनी नाडी। |
| 45712 | नसो | ना. | २. शरीरका मांसपेसीहरूलाई जोड्ने तन्तु। |
| 45713 | नसो | ना. | ३. सागपातहरूमा फिँजिएर रहने तन्तु। |
| 45714 | नस्तक | ना. | पशुहरूको नाथ्रामा धातुको मुन्द्रा लगाउन पारिने प्वाल। |
| 45715 | नस्तर | ना. | १. अरूले सुइँको नपाउने किसिमले गरिने कामकुरो; गोप्य रूपमा गरिने कार्य; गुप्त व्यवहार। |
| 45716 | नस्तर | ना. | २. सुराग; सूत्र। |
| 45717 | नस्तर | ना. | ३. चिरफार गर्ने सानो चक्कु। |
| 45718 | नस्ता | ना. | नाथ्रीमा पारिएको प्वाल। |
| 45719 | नस्ल | ना. | सन्तति; वंश; जाति; नसल। |
| 45720 | नस्ल सुधार | ना. | कुनै प्राणीविशेषको सन्तति वा वंशलाई सुधार्ने काम। |
| 45721 | नहर | वि. | भर्खरै फुलेको (रुख); जोत्ने बेला भएको (गोरु)। |
| 45722 | नहर | ना. | गाईबस्तुका ढोडनसाबाट बनाइएको, जुत्ता सिउने बलियो धागो। |
| 45723 | नहर | ना. | तासका पत्तीहरूमध्ये नौ फुट्टी भएको पत्ती; गन्जिफा आदिको पत्ती। |
| 45724 | नहर | ना. | सिँचाइ, जलपथ वा दुवै कामका निम्ति बनाइएको, नदीजस्तो पानीको स्रोत; ठुलो कुलो। |
| 45725 | नहर अधिकृत | ना. | नहर, पैनी आदिको व्यवस्था मिलाउन खटिएको राजपत्राङ्कित कर्मचारी; नहरको रेखदेख गर्ने अधिकारी। |
| 45726 | नहर योजना | ना. | नहर वा बाँधपैनीसम्बन्धी कार्यको योजना। |
| 45727 | नहर विभाग | ना. | नहरसम्बन्धी काम गर्ने विभाग। |
| 45728 | नहरनी | ना. | नङ काट्नका लागि नाऊहरूद्वारा प्रयोग गरिने एक किसिमको सानो हतियार; नङ काट्ने साधन। |
| 45729 | ना | वि. बो. | निषेध वा अस्वीकृतिसूचक शब्द, न, नाहिँ, नाइँ (कुनै भाषिकामा मात्र सीमित, जस्तै- ना, म यो के पत्याउँथेँ!)। |
| 45730 | ना | पू. स. | निषेध, निरोध, विपरीतता आदि बुझाउने एक उपसर्ग (नासमझ, नामन्जुरी, नातागत इ. )। |
| 45731 | नाइँ | वि. बो. | निषेध, असहमति, अस्वीकृति, निरोध आदि बुझाउने शब्द; अहँ; नाहिँ। |
| 45732 | नाइँनाइँ | वि. बो. | १. हुँदै होइन; कुनै हालतमा पनि हुँदैन; मान्दै मान्दिनँ। ना. |
| 45733 | नाइँनाइँ | वि. बो. | २. उग्र अस्वीकृति; स्पष्ट अस्वीकार। (उदा.- नाइँनाइँ भन्दाभन्दै गुन्डाहरूले जबर्जस्ती अबलाको इज्जत लुटे)। |
| 45734 | नाइँकार | ना. | नाइँकार्ने काम; नाइँ नाइँ; अस्वीकार; नामन्जुर। |
| 45735 | नाइँकार्नु | स.क्रि. | १. अस्वीकार वा नामन्जुर गर्नु; नाइँ नाइँ भन्नु। |
| 45736 | नाइँकार्नु | स.क्रि. | २. असहमति जनाउनु। |
| 45737 | नाइँनास्ति | ना. | निषेध; बेमन्जुरी; अस्वीकृति; नामन्जुरी। |
| 45738 | नाइकिनी | ना. | १. नाइकेकी स्त्री; नइकेनी; नैकिनी। |
| 45739 | नाइकिनी | ना. | २. नाइके स्त्री। |
| 45740 | नाइकिनी | ना. | ३. भान्साकी नाइके स्त्री। |
| 45741 | नाइके | ना. | १. ज्यामी, खेतालाहरूलाई काम लगाउने वा निर्देशन दिने व्यक्ति। |
| 45742 | नाइके | ना. | २. कुनै पनि कामको अगुवा; नायक। |
| 45743 | नाइके | ना. | ३. कुनै दल वा समूहको प्रमुख व्यक्ति; नेता। |
| 45744 | नाइके | ना. | ४. झ्यालखानामा अन्य कैदीहरूको देखरेख गर्ने काममा खटाइएको कैदी; दाइ नाइके। |
| 45745 | नाइके | ना. | ५. दाइ नाइकेभन्दा एक तहमुनिको कैदी; भाइ नाइके। |
| 45746 | नाइकेनी | ना. | हे. नाइकिनी। |
| 45747 | नाइटे | वि. | १. नाइटो बाहिर निस्केको; नाइटो उछिट्टिएको; ठुलो नाइटो भएको। |
| 45748 | नाइटे | वि. | २. नाइटो प्रस्ट देखिने। |
| 45749 | नाइटे ज्यामिर | ना. | चुच्चो आकारको नाइटो स्पष्टै देखिने र भित्र प्रायः खोटेत्रो भएको, अमिलो स्वादको काठे ज्यामिर। |
| 45750 | नाइटो | ना. | १. जरायुज प्राणीको गर्भावस्थामा नाल जोरिने, पेटको शिशुलाई खाद्य प्रदान गर्ने तर जन्मिएपछि भने कुनै खास उपयोगमा नआउने पेटका माझको खाल्टो। |