|
|
|
|
|
|---|---|---|---|
| 45851 | नागरिकता | ना. | २. कुनै राष्ट्रले आफ्नो संविधानअनुसार त्यस राष्ट्रमा बस्ने व्यक्तिलाई वंशजका नाताले वा निश्चित अवधिदेखि बसोबास गरेका नाताले दिने नागरिक अधिकार। |
| 45852 | नागरिकता | ना. | ३. कुनै राष्ट्रले आफ्नो संविधानअनुसार त्यस देशमा बस्ने व्यक्तिलाई देशप्रति कर्तव्यपरायण भएमा उमेरको निश्चित तहमा पुगेपछि दिने नागरिक अधिकार। |
| 45853 | नागरिकता निलम्बन | ना. | कसैलाई अस्थायी तवरले वा अवस्था हेरी स्थायी तवरले नै पनि नागरिक हकबाट वञ्चित गराउने कार्य। |
| 45854 | नागरिकता परित्याग | ना. | १. कुनै राष्ट्रको नागरिकद्वारा त्यस राष्ट्रको नागरिकतालाई कारणवश छोड्ने काम। |
| 45855 | नागरिकता परित्याग | ना. | २. कुनै राष्ट्रको नागरिक त्यस राष्ट्रको संविधानबमोजिमको अधिकार र कर्तव्यबाट मुक्त हुने स्थिति। |
| 45856 | नागरिकता प्रमाणपत्र | ना. | कुनै राष्ट्रमा बस्ने व्यक्तिलाई वंशजका नाताले वा निश्चित अवधिदेखि बसोबास गरेका नाताले त्यस राष्ट्रको नागरिक हो भन्ने प्रमाणित गरी सरकारी कार्यालयद्वारा दिइने पत्र। |
| 45857 | नागरिकता प्राप्ति | ना. | कुनै राष्ट्रमा बस्ने व्यक्तिले वंशजका नाताले वा निश्चित अवधिदेखि बसोबास गरी नागरिकताप्राप्तिका लागि निर्धारित औपचारिकता पूरा गरेपछि त्यस राष्ट्रको नागरिकता पाएको वा नागरिक बनेको स्थिति। |
| 45858 | नागरिकता लोप | ना. | कुनै राष्ट्रको नागरिकताप्राप्त व्यक्तिको नागरिकता कुनै कारणवश नरहेको वा गुमेको स्थिति। |
| 45859 | नागरिकता हरण | ना. | खास कारणवश नागरिकताबाट कसैलाई सरकारी आधारबाट हटाउने कार्य। |
| 45860 | नागरी | ना. | १. सहरमा बसोबास गर्ने स्त्री; सहरिया स्त्री। |
| 45861 | नागरी | ना. | २. स्त्री; नारी। |
| 45862 | नागरी | ना. | ३. देवनागरी लिपि। |
| 45863 | नागल | ना. | थाम, निदाल, खसिपा आदिका छेउमा कुना मारेर पारिने खोल्सो। |
| 45864 | नागलोक | ना. | पुराणअनुसार पृथ्वीभन्दा तल्तिर छन् भनी विश्वास गरिएका सात लोकमा सबभन्दा तल्लो लोक; नागहरूको बस्ने ठाउँ; पाताल। |
| 45865 | नागवल्लरी / नागवल्ली | ना. | १. नागबेली। |
| 45866 | नागवल्लरी / नागवल्ली | ना. | २. ताम्बूल लता; पानको लहरो। |
| 45867 | नागह्रद | ना. | नेपालको राजधानी काठमाडौँमा रहेको चार भन्ज्याङभित्रको खाल्टो विशाल दह छँदाको प्रागैतिहासिक नाम; नागदह। |
| 45868 | नागा | ना. | १. सधैँ नाङ्गा रहने एक थरी शैव वा जैन सम्प्रदायका जोगी। |
| 45869 | नागा | ना. | २. जोगीका भेषमा रहेका फौजी जवानहरू (दिव्य.)। |
| 45870 | नागा | ना. | ३. अविवाहित जवान पुरुष। |
| 45871 | नागा | ना. | ४. भारतको उत्तरपूर्वी क्षेत्रमा रहने एक जाति; नागाल्यान्डको जाति। |
| 45872 | नागार्जुन | ना. | १. भारतको विदर्भ प्रदेशमा जन्मेका बौद्ध दर्शनका प्रमुख आचार्य। |
| 45873 | नागार्जुन | ना. | २. काठमाडौँको उत्तरतर्फ रहेको बालाजुबाट सुरु भई आर्यश्वरमा टुङ्गिने एक डाँडो। |
| 45874 | नागार्जुन | ना. | ३. चौरासी सिद्धमध्ये एक। |
| 45875 | नागिनी | ना. | १. पोथी सर्प; सर्पिणी। |
| 45876 | नागिनी | ना. | २. पिठिउँको बाङ्गोटिङ्गो, सर्पाकार रोमरेखा भएकी स्त्री; पिठिउँमा नागबेली परेका रौँ भएकी स्त्री। |
| 45877 | नागी | ना. | १. विकलाङ्ग शिशु नजन्मून् र जन्मेका शिशुलाई रोग नलागोस् भनी गरिने ( राई-लिम्बू समाजमा प्रचलित) एक प्रकारको पूजा। |
| 45878 | नागी | ना. | २. बुकीझार हुने लेकाली डाँडा वा चउर। |
| 45879 | नागी | ना. | ३. पहाडको ठुलो र फराकिलो खुइले चउर। |
| 45880 | नागीयुँ | ना. | १. चौँरी गाई चर्ने ठाउँ; हिमाली पाटन। |
| 45881 | नागीयुँ | ना. | २. नागी चौर। |
| 45882 | नागेश | ना. | १. सर्पहरूका राजा; शेषनाग। |
| 45883 | नागेश | ना. | २. नव्य- व्याकरणका प्रसिद्ध आचार्य; पतञ्जलि। |
| 45884 | नागेश्वरी | ना. | हे. नागकेशर। |
| 45885 | नागो | वि. | स्वास्नी, छोराछोरी कोही पनि नभएको अविवाहित (पुरुष); एक्लो; नाङ्गो; ठिङ्गो। |
| 45886 | नाघ्नु | स.क्रि. | १. सजीव वा निर्जीव कुनै वस्तुलाई आफ्नो मुनि पारेर जानु वा उड्नु; सोझै माथिबाट जानु; फड्कनु। |
| 45887 | नाघ्नु | स.क्रि. | २. कुनै नियम, मर्यादा आदिको विपरीत आचरण गर्नु। |
| 45888 | नाघ्नु | स.क्रि. | ३. भनेको नमान्नु; नटेर्नु। |
| 45889 | नाघ्नु | स.क्रि. | ४. क्रमभङ्ग गर्नु; सिलसिला तोड्नु। |
| 45890 | नाघ्नु | स.क्रि. | ५. कसैलाई उछिन्नु; अघि जानु वा अघि हुनु। |
| 45891 | नाघिनु | क.क्रि. | नाघ्ने काम गर्नु; फड्किनु। |
| 45892 | नाङ्गिनु | अ.क्रि. | नाङ्गो हुनु; नङ्गिनु। |
| 45893 | नाङ्गे | वि. | नाङ्गो। |
| 45894 | नाङ्गे झार | ना. | धनसम्पत्ति केही नभएको; श्रीसम्पत्ति गुमाइसकेको; निर्धन; हरिकङ्गाल। |
| 45895 | नाङ्गो | वि. | १. जिउमा लुगाफाटो केही नलगाएको; नग्न, निर्वस्त्र। |
| 45896 | नाङ्गो | वि. | २. जहान, परिवार कोही नभएको; ठिङ्गो; नङ्गा। |
| 45897 | नाङ्गोबुङ्गो / भुतुङ्गो | वि. | शरीरमा कत्ति पनि लुगाफाटो नभएको; एकदमै नाङ्गो। |
| 45898 | नाङ्ली | ना. | सानो नाङ्लो। |
| 45899 | नाङ्ले | वि. | १. नाङ्लोसम्बन्धी; नाङ्लाको। |
| 45900 | नाङ्ले | वि. | २. नाङ्लामा मालसामान राखेर बेच्ने; सडकवरिपरि बसेर सानोतिनो व्यापार गर्ने। |