|
|
|
|
|
|---|---|---|---|
| 46201 | नामाङ्कित | वि. | २. कुनै सङ्घ-संस्थाको सदस्यताका निम्ति वा कुनै पदका निम्ति उमेदवारका हैसियतले नाम प्रस्तुत भएको। |
| 46202 | नामानुशासन | ना. | नामहरूको अर्थ र प्रयोगसम्बन्धी कुराको बयान भएको शास्त्र; नामहरूको शब्दकोश। |
| 46203 | नामान्तर | ना. | १. मुख्य नामभन्दा अतिरिक्त अर्को नाम। |
| 46204 | नामान्तर | ना. | २. उपनाम; अवान्तर नाम। |
| 46205 | नामावली | ना. | एक किसिमका व्यक्ति वा वस्तुहरूको कुनै उद्देश्यले तयार पारिएको नामको सूची; नामहरूको तालिका। |
| 46206 | नामावली प्रकाशन | ना. | परीक्षामा उत्तीर्ण छात्रहरूको, कुनै पदका प्रत्याशीहरूको र अरू कार्यमा संलग्न हुन चाहने वा संलग्न भएका व्यक्तिहरूको नामको सूचीको प्रकाशन; सम्बन्धित नामावली बाहिर टाँस्ने काम। |
| 46207 | नामिक | ना. | नामसँग सम्बन्धित; नामसम्बन्धी; नामको। |
| 46208 | नामिक पद | ना. | नामवाचक पद; नामसम्बन्धी पद। |
| 46209 | नामिक पदावली | ना. | नामको अर्थ जाहेर गर्ने पदावली (नाउन फ्रेज)। |
| 46210 | नामी | वि. | १. निकै प्रसिद्धि पाएको; कहलिएको; नाम चलेको; नामुद; प्रसिद्ध। |
| 46211 | नामी | वि. | २. उत्तम खालको; राम्रो किसिमको। |
| 46212 | नामुद | वि. | नाउँ चलेको; नामी। |
| 46213 | नामुद्दार | वि. | प्रसिद्ध भएको; नाम चलेको; नामी; नामुद; प्रसिद्ध। |
| 46214 | नामेट | वि. | १. नामनिसाना नै नरहने गरी सिद्धिएको; पूर्णतया अस्तित्वविहीन भएको; पूरै रूपमा विनष्ट; सखाप। ना. |
| 46215 | नामेट | वि. | २. सर्वनाश; बरबादी। |
| 46216 | नाम्ग्याल गुम्बा | ना. | नेपालको मुस्ताङ जिल्लाको लो मान्ताङदेखि उत्तरपट्टिका डाँडाहरूको सिरानमा अवस्थित, मुस्ताङ राज्यका प्रथम संस्थापक राजा अभिपालद्वारा निर्मित मानिएको एक गुम्बा। |
| 46217 | नाम्जा | ना. | नेपालको मुगु जिल्लामा पर्ने, भोटतिर आवतजावत गर्ने १६,२२० फिट अग्लो एक भञ्ज्याङ। |
| 46218 | नाम्जो | ना. | १. पाटबाट बनाइएको धोक्रो वा थैलो।२. बाँझो जमिन। |
| 46219 | नाम्ले | वि. | १. नाम्लोजस्तो; नाम्लाका ढाँचाको। |
| 46220 | नाम्ले | वि. | २. एक नाम्लाको लमाइको फेरो बराबर मोटाइ वा परिमाण भएको। ना. |
| 46221 | नाम्ले | वि. | ३. नाम्लो लिएर ज्यालामा भारी बोक्ने मान्छे; डोरी नाम्लाका भरमा जीविका चलाउने व्यक्ति। |
| 46222 | नाम्ले किरो | ना. | १. लगभग तीन सेन्टिमिटर लामो थ्याप्चो पातजस्तो जिउ, अगाडि र पछाडि दुवैतिर चूषक भएको, भेडामा परजीवी भएर बाँच्ने र शरीरभित्र बस्तुभाउका पेटमा ज्वालाकोषका रूपमा रहने एक किसिमको किरो। |
| 46223 | नाम्ले किरो | ना. | २. सोको रोग। |
| 46224 | नाम्ले जुको | ना. | हे. नाम्ले। |
| 46225 | नाम्ले फेद | ना. | नाम्लो नलाई बोक्न नसकिने गिँड हुने ठुलो रुख वा बोट (मसला आदि) को माटामाथि जरो भएको भाग। |
| 46226 | नाम्लो | ना. | पिठ्यूँमा भारी अड्याएर बोक्नाका निम्ति पाट, चोया, छाला आदिबाट बनेको थाप्लोमा लाउने चेप्टो पातो भएको एक प्रकारको डोरी; चेप्टो पातो भएको डोरी थाप्लोमा अड्याई पिठ्यूँमा भारी बोक्ने साधन। |
| 46227 | नायक | ना. | १. कुनै लक्ष्यप्राप्तिका निम्ति समाजको नेतृत्व गर्ने व्यक्ति; कुनै दल वा समुदायलाई अगाडि लैजाने व्यक्ति; जनसमुदायको अग्रगण्य व्यक्ति; अगुवा; नाइके; नेता। |
| 46228 | नायक | ना. | २. मार्ग निर्देशन गर्ने व्यक्ति; पथप्रदर्शक। |
| 46229 | नायक | ना. | ३. कुनै घर, संस्था वा देशको सर्वोपरि व्यक्ति; स्वामी; मालिक। |
| 46230 | नायक | ना. | ४. दश सेनापति माथिको सेनापति। |
| 46231 | नायक | ना. | ५. काव्य, नाटक आदि साहित्यिक विधामा प्रधान रूपले चरित्रचित्रण गरिएको पुरुष पात्र (काव्यशास्त्रमा मानिएका नायकका धीरोदात्त, धीरोद्धत, धीरललित र धीरप्रशान्त- यी चार प्रमुख अथवा दक्षिण, धृष्ट, अनुकूल र शठ यी चार गौण भेद गरी जम्मा सोह्र भेद र तिनका पनि उत्तम, मध्यम र अधम तीन भेदले गर्दा जम्मा हुन आउने अठचालिस भेदमध्ये कुनै एक भेद )। |
| 46232 | नायक | ना. | ६. हारका बिचमा जडिएको मणि। |
| 46233 | नायक | ना. | ७. जपमालामा राखिएको ठुलो दाना; सुमेरु। |
| 46234 | नायकत्व | ना. | नायकको स्वभाव, दायित्व वा भाव; नाइकेपन; नेतृत्व। |
| 46235 | नायखीँ | ना. | ढोलक जस्तै तर ढोलकभन्दा केही सानो एक प्रकारको बाजा। |
| 46236 | नायन | ना. | तिब्बती क्षेत्रमा पाइने ३ देखि ४ फुट अग्लो, ९० सेन्टिमिटर देखि १ मिटरसम्म लामो सिङ भएको ठुलो जङ्गली भेडो। |
| 46237 | नायब | वि. | १. काममा मद्दत पुऱ्याउने; सहायक। ना. |
| 46238 | नायब | वि. | २. मुख्य हाकिममुनिको कर्मचारी; सहायक कामदार। |
| 46239 | नायब | वि. | ३. पहिलेपहिले कुनै दर्जाको अगिल्तिर लागी त्यसभन्दा एक तह कम बुझाउने शब्द (नायब सुब्बा, नायब मुखिया, नायब गुरुज्यू इ.)। |
| 46240 | नायब | वि. | ४. कुनै पदमा काम गरिरहेको व्यक्ति कारणवश केही दिनसम्म काम गर्न नसक्ने भएमा वा अनुपस्थित रहेमा उसको प्रतिनिधि भई काम गर्ने व्यक्ति। |
| 46241 | नायब डिठ्ठा | ना. | डिट्ठाभन्दा मुनिको एक निजामती दर्जा। |
| 46242 | नायब निरीक्षक | ना. | प्रहरी सेवामा निरीक्षकभन्दा तल्लो श्रेणीको कर्मचारी; उप-निरीक्षक; सब-इन्स्पेक्टर। |
| 46243 | नायब बडागुरुज्यू | ना. | बडागुरुज्यूभन्दा एक तहमुनिको गुरुज्यू। |
| 46244 | नायब मुखिया | ना. | पूरा मुखिया भइनसकेको तर बहिदारभन्दा माथिल्लो दर्जाको कर्मचारी वा उसको पद। |
| 46245 | नायब राइटर | ना. | केही तल्लो श्रेणीको राइटर वा उसको पद। |
| 46246 | नायब सुब्बा | राजपत्र अनङ्कित प्रथम श्रेणीको एक पद। | |
| 46247 | नायिका | ना. | १. काव्य, नाटक आदि साहित्यिक विधामा मुख्य रूपले चरित्रचित्रण गरिएकी स्त्रीपात्र। (काव्यशास्त्रअनुसार स्वाधीन भर्तृका, प्रोषित भर्तृका; वासक सज्जा र विरहोत्कण्ठिता- जस्ता आठ प्रकारका नायिका)। |
| 46248 | नायिका | ना. | २. नायककी पत्नी। |
| 46249 | नायिका | ना. | ३. जनसमुदायलाई नेतृत्व प्रदान गर्ने स्त्री; नारी नेता। |
| 46250 | नार्नु | स.क्रि. | १. एक जोडा गोरु वा राँगाका काँधमा जुवा राखी जोताराले बाँधेर हल्लुडमा अल्झाई खेतबारी जोत्नका निम्ति उपयुक्त पार्नु। |