|
|
|
|
|
|---|---|---|---|
| 49201 | पञ्चमकार | ना. | वाममार्गीहरूका मतअनुसार मद्य, मांस, मत्स्य, मुद्रा र मैथुन- यी पाँच शब्दका सुरुसुरुका पाँचोटा म; यी पाँच मकारबाट बन्ने वस्तु। |
| 49202 | पञ्चमहापातक | ना. | ब्रह्महत्या, सुरापान, चोरी, गुरुस्त्रीगमन र ती चार महापातकीको सहवास गरी पाँच किसिमका पातक वा पाप। |
| 49203 | पञ्चमहाभूत | ना. | पृथ्वी, जल, तेज, वायु र आकाश- यी पाँच तत्त्व; पञ्चतत्त्व। |
| 49204 | पञ्चमहायज्ञ | ना. | स्वाध्याय (ब्रह्मयज्ञ), होम (देवयज्ञ), वलवैश्वदेव (भूतयज्ञ), पिण्डक्रिया (पितृयज्ञ) र अतिथिपूजा (नृयज्ञ) गरी जम्मा पाँच किसिमका यज्ञ; गृहस्थीका घरमा नित्य रूपले गरिने उपर्युक्त पाँच महायज्ञ। |
| 49205 | पञ्चमहाव्याधि | ना. | अर्श, यक्ष्मा, कुष्ठ, प्रमेह र उन्माद गरी जम्मा पाँच किसिमका भयानक रोग। |
| 49206 | पञ्चमहाव्रत | ना. | अहिंसा, सुनृता (मिठो वा साँचो बोली), अस्तेय (चोरी नगर्नु), ब्रह्मचर्य र अपरिग्रह (दान नलिनु वा सङ्ग्रह नगर्नु) जस्ता मनुष्यलाई माथिल्ला तहमा पुऱ्याउने मानिएका योगशास्त्रमा उल्लिखित जम्मा पाँचोटा महाव्रत। |
| 49207 | पञ्चमाङ्ग | ना. | १. आधुनिक राजनीतिमा शत्रुका राज्यमा उपद्रव मच्चाउन र त्यहाँको गोप्य रहस्य थाहा पाउनका निम्ति तयार पारिएको वा नियुक्त गरिएको विशेष प्रकारको दल। |
| 49208 | पञ्चमाङ्ग | ना. | २. स्वदेशका विरुद्ध विदेशको दलाली गर्ने दल वा व्यक्ति। |
| 49209 | पञ्चमाङ्गी | वि. | १. पञ्चमाङ्गको; पञ्चमाङ्गसम्बन्धी। ना. |
| 49210 | पञ्चमाङ्गी | वि. | २. पञ्चमाङ्ग। |
| 49211 | पञ्चमी | ना. | चान्द्र मासका आधारमा प्रत्येक मासमा आउने शुक्ल एवं कृष्ण दुवै पक्षको पाँचौँ तिथि; चौथीपछिको तिथि; शुक्ल वा कृष्ण पञ्चमी। |
| 49212 | पञ्चमी विभक्ति | ना. | व्याकरणमा देखि, देखिन्, बाट आदि विभक्ति। |
| 49213 | पञ्चरङ्ग | ना. | १. पाँच प्रकारका रङ वा वस्तु। वि. |
| 49214 | पञ्चरङ्ग | ना. | २. पाँच रङ वा वस्तुले युक्त। |
| 49215 | पञ्चरङ्ग | ना. | ३. धेरै प्रकारका रङले युक्त; रङ्दार। |
| 49216 | पञ्चरत्न | ना. | १. नीर, हीरा, पद्मरागमणि, मोती र मुगा गरी जम्मा पाँच रत्न। |
| 49217 | पञ्चरत्न | ना. | २. सुन, चाँदी, तामा, पित्तल र फलाम गरी जम्मा पाँच धातुहरूको संयोग । |
| 49218 | पञ्चराशिक | ना. | जानिएका चार राशिहरूद्वारा नजानिएको पाँचौँ राशि पत्ता लगाउन सकिने एक खालको हिसाब। |
| 49219 | पञ्चलौह | ना. | १. सुन, चाँदी, तामा, फलाम र पित्तल - यी पाँच धातु। |
| 49220 | पञ्चलौह | ना. | २. ती पाँच धातुका योगबाट बनेको धातु। |
| 49221 | पञ्चवर्षीय | वि. | पाँच वर्षमा हुने वा गरिने; पाँच वर्षको अवधिमा पूरा हुने। |
| 49222 | पञ्चवर्षीय योजना | ना. | खास-खास योजना वा लक्ष्यको पूर्ति र समस्याहरूको समाधानका निम्ति पाँच वर्षको अवधिभित्र सम्पन्न गरिने कार्यक्रम। |
| 49223 | पञ्चबलि | ना. | कुनै किसिमको भाकल पूरा गर्नका निम्ति देव- देवीलाई दिइने पाँच जातका पशुपक्षीहरूको बलि। |
| 49224 | पञ्चशस्य | ना. | धान, मुगी, तिल, मास र जौ- यी पाँच अन्न। |
| 49225 | पञ्चशील | ना. | १. हिंसा नगर्नू, चोरी नगर्नू, झुट्टो नबोल्नू, रक्सी आदि नखानू, ब्रह्मचर्यमा रहनू भनी बौद्ध धर्मअनुसार गृहस्थीमा रहेका बौद्ध उपासकहरूले पालन गर्नुपर्ने पाँच नियम। |
| 49226 | पञ्चशील | ना. | २. इन्डोनेसिया देशको बाङ्डुङ नामक सहरमा अप्रिल, १९५५ इ. मा भएको एसिया र अफ्रिकाका अनेक राष्ट्रको सम्मेलनमा राष्ट्रका पारस्परिक हितका लागि स्वीकार गरिएका, क्षेत्रीय अक्षुण्णता र सार्वभौमिकताको पारस्परिक सम्मान, पारस्परिक अनाक्रमण, एक अर्काका देशीय समस्याहरूमा हस्तक्षेप नगर्ने, समानता र पारस्परिक हित तथा शान्तिपूर्ण सहअस्तित्त्व जस्ता महत्त्वपूर्ण पाँच सिद्धान्त। |
| 49227 | पञ्चसन्धि | ना. | १. व्याकरणअनुसार स्वर, व्यञ्जन, विसर्ग, स्वादि र प्रकृतिभाव- यी पाँच किसिमका सन्धि। |
| 49228 | पञ्चसन्धि | ना. | २. नाटकका मुख, प्रतिमुख, गर्भ, विमर्श र निर्वहण गरी जम्मा पाँच किसिमका सन्धि। |
| 49229 | पञ्चसुगन्ध धूप | ना. | श्रीखण्ड, कस्तूरी, अगरु, कुमकुम, केसरीसमेत पाँचवटा वस्तु मिसाई बनाइएको सुगन्धित धूप। |
| 49230 | पञ्चस्कन्ध | ना. | बौद्ध धर्मअनुसार रूप, वेदना, संज्ञा, संस्कार र विज्ञान गरी जम्मा पाँच गुणहरूको समुदाय। |
| 49231 | पञ्चस्नान | ना. | १. दुई हात, दुई गोडा र मुखमण्डल गरी जम्मा पाँच अङ्गहरूको स्नान। |
| 49232 | पञ्चस्नान | ना. | २. स्नानको साटो मुख, हात मात्रै धुने कार्य। |
| 49233 | पञ्चाक्षर | वि. | १. पाँच अक्षर भएको। ना. |
| 49234 | पञ्चाक्षर | वि. | २. 'नमः शिवाय'- यी पाँच अक्षरको मन्त्र। |
| 49235 | पञ्चाक्षरी | वि. | १. पाँच अक्षर भएको। ना. |
| 49236 | पञ्चाक्षरी | वि. | २. पाँच अक्षर मात्र हुने मन्त्र। |
| 49237 | पञ्चाग्नि | ना. | १. अग्निहोत्रीहरूद्वारा प्रयोग गरिने अन्वाहार्य (पितृकार्यका निम्ति ), गार्हपत्य (दैवीवाक्का निम्ति ), आहवनीय (हवनका निम्ति), आवसथ्य (गृहकार्यका निम्ति) र पचन (मरणोपरान्त आत्मदाहका निम्ति) गरी पाँच प्रकारका अग्नि। |
| 49238 | पञ्चाग्नि | ना. | २. तपस्या गर्दा प्रयोग गरिने आफ्ना चारैतिर बालिएका चार अग्नि र आफूमाथिका सूर्यसमेत जम्मा पाँच अग्निको समुदाय। |
| 49239 | पञ्चाङ्ग | ना. | १. पाँच अङ्ग भएको वस्तु। |
| 49240 | पञ्चाङ्ग | ना. | २. आयुर्वेदअनुसार जरो, बोक्रो, पात, फूल र फल गरी पाँच अङ्गहरूको समूह। |
| 49241 | पञ्चाङ्ग | ना. | ३. ज्योतिषशास्त्रअनुसार प्रत्येक दिनमा पर्ने तिथि, वार, नक्षत्र, योग तथा करण- यी पाँच अङ्ग भएको पुस्तिका; पात्रो; क्यालेन्डर। |
| 49242 | पञ्चामृत | ना. | १. गाईको दुध, दही, घिउ र मह तथा चिनी मिलेर बनेको वस्तु। |
| 49243 | पञ्चामृत | ना. | २. पाँच प्रकारका अमृतहरूको समुदाय। |
| 49244 | पञ्चायत | ना. | १. नेपालको सं. २०१९ को पञ्चायतकालीन संविधानअनुसार गाउँ, नगर, जिल्ला तथा राष्ट्रको सञ्चालनका निमित्त चुनिएका वा निर्वाचित भएका पञ्चहरूको सङ्गठन; त्यसको पद्धति वा व्यवस्था; पञ्चहरूको सभा। |
| 49245 | पञ्चायत | ना. | २. कुनै विवाद वा मुद्दामामिलामा समुचित निर्णय दिनका निम्ति जम्मा भएका वा चुनिएका व्यक्तिहरूको व्यवस्था एवं कार्य। |
| 49246 | पञ्चायत उपसमिति | ना. | तत्कालीन पञ्चायतद्वारा कुनै कार्य सम्पन्न गर्न गठित समितिभित्रको अर्को समिति। |
| 49247 | पञ्चायत समिति | ना. | तत्कालीन राष्ट्रिय पञ्चायतमा नियमानुसार गठित हुने विभिन्न समितिमध्ये गृह पञ्चायत तथा स्थानीय विकास, कानुन तथा न्याय, रक्षा, सामान्य प्रशासन र लोकसेवा आयोगको वार्षिक प्रतिवेदनविषयक कार्यसँग सम्बन्ध राखी कार्यसम्पन्न गर्ने तत्कालीन समिति। |
| 49248 | पञ्चायती | वि. | १. पञ्चायतको वा पञ्चायतसम्बन्धी। |
| 49249 | पञ्चायती | वि. | २. धेरै जनाको; साझा; गोस्वाराको; सर्वसाधारणको। |
| 49250 | पञ्चायती अदालत | ना. | गाउँ पञ्चायतका पञ्चभलादमीहरू मिली सानातिना स्थानीय झगडाहरू टुङ्गो लाउनका निम्ति गठन गरिएको अदालत। |