|
|
|
|
|
|
|---|---|---|---|---|
| 76801 | राफसाफ | ना. | ६. झन्जट नरहेको; झमेला हटाइएको। | |
| 76802 | राफसाफ | ना. | ७. समस्या समाधान भएको। | |
| 76803 | राबडी | ना. | १.दुधको तर र चिनीबाट बनाइने एक प्रकारको खानेकुरो। | |
| 76804 | राबडी | ना. | २. खावा घोटेको दुध; दुधको खावा। | |
| 76805 | राम्नु | अ.क्रि. | गाई, भैँसी आदि खुसी भएर उफ्रँदै कराउनु। | |
| 76806 | राम | ना. | १.अयोध्याका राजा दशरथ र उनकी पटरानी कौशल्याका जेठा छोरा; रामचन्द्र। | |
| 76807 | राम | ना. | २. ईश्वर; भगवान्। | |
| 76808 | राम | ना. | ३. प्रसिद्ध तीन रामका नाम (मर्यादापुरुषोत्तम राम, परशुराम र बलराम )। | |
| 76809 | राम | ना. | ४. माना- पाथी आदिले अनाज भर्दा गन्तीको शुभारम्भका रूपमा एक जनाउने शब्द। | |
| 76810 | राम | ना. | ५. जात्रा; रमाइलो। | |
| 76811 | रामकडेरा | ना. | मकैका जस्ता लामालामा पात र त्यसकै जस्ता बोट हुने बुटीविशेष। | |
| 76812 | रामकली | ना. | १.श्यामकलीका जातको रातो भेट्नु हुने बुटोविशेष वा त्यसको सेतो फूल। | |
| 76813 | रामकली | ना. | २. सङ्गीतमा हिण्डोल रागको एक रागिनी। | |
| 76814 | रामकसुर | ना. | लाम्चा कुनाकुना परेका पात हुने, निला फूल फुल्ने र मुगीका जस्ता लामा कोसा हुने एक जातको लहरो वा त्यसैको सखरखण्डजस्तो गानु। | |
| 76815 | रामकहानी | ना. | रामको जस्तो दुःखद कहानी भएको, कुनै पनि व्यक्तिका जीवनमा घटेका घटनाको वृत्तान्त; गथासो; दुखेसो। | |
| 76816 | रामकृष्ण कुँवर | ना. | नेपालको राणापरिवारका पूर्वज, पृथ्वीनारायण शाहका एक प्रसिद्ध सेनापति। | |
| 76817 | रामचन्द्र | ना. | विष्णुका दश अवतारमध्ये एक; राम। | |
| 76818 | रामछायाँ | ना | थोरै समयको आनन्द; क्षणिक सुख; मायाजाल। | |
| 76819 | रामझुपडी | ना. | सानो छाप्रो; सानो भए पनि रामकृपाले पाएको, आरामदायी ठानिएको आफ्नै घर। | |
| 76820 | रामतिलक | ना. | १.सपेता, कमेरो आदिमा मिसाएर घरमा रङ लाउने आदि काम लिइने एक किसिमको पहेँलो माटो। | |
| 76821 | रामतिलक | ना. | २. वैष्णवहरूले टीका लाउन प्रयोग गर्ने चन्दन; रामरज। | |
| 76822 | रामतोरियाँ | ठुलठुला पाँचचोसे पात हुने, सेता र कलेजी रङका फूल फुल्ने एक प्रकारको बोट वा त्यसैको तरकारी खाइने खस्रो कोसा (फल);भिण्डी। | ||
| 76823 | रामदल | ना. | १.रामचन्द्रलाई सहयोग गर्ने वानरी सैन्य। | |
| 76824 | रामदल | ना. | २. नेपालका प्रहरीको पुरानो एक विभाग। | |
| 76825 | रामदाना | ना. | लट्टे। | |
| 76826 | रामनरवानर | ना. | नृतत्त्वका अनुसार अश्मीभूत अस्थि अवशेषका रूपमा पाइएको नरवानर; शुष्कनरवानरको समसामयिक नरवानर। | |
| 76827 | रामनवमी | ना. | रामको जन्म भएको दिन; चैत्र शुक्ल नवमी। | |
| 76828 | रामनामी | ना. | रामनाम छापिएको एक प्रकारको पछ्यौरा। | |
| 76829 | रामपत्री | ना. | काफलका जस्ता साधारण पात हुने, छ मिलिमिटर लामा फूल फुल्ने, बियाँ औषधीमा काम लाग्ने एक जातको सानो रुख। | |
| 76830 | रामपुरी | ना. | प्राय: पहेँलो रङ्गको ऊनी पछ्यौरीविशेष। | |
| 76831 | रामफटाका | ना. | वैष्णवहरूले निधारमा लाउने ठाडो तीनधर्के टीका वा तिलक; श्रीतिलक। | |
| 76832 | रामफल | ना. | केराका पातजस्ता भालाकार र तिखा टुप्पा हुने दाँतीदार किनारा भएको, बास्ना आउने ठुलो सेतो फूल फुल्ने, ठुला फल लाग्ने, मृगौलाजस्ता बिउ हुने एक जातको रुखविशेष। | |
| 76833 | रामवाण | ना. | १.अजीर्ण रोग भएकालाई खुवाइने रसादि औषधीविशेष। | |
| 76834 | रामवाण | ना. | वि. २. रामले हानेको वाण जस्तै खेर नजाने वा तुरुन्त पूरा हुने; अचुक; अमोघ। | |
| 76835 | रामभरोसा | ना. | रामको मात्र भरोसा वा आधार। | |
| 76836 | रामभरोसे | वि. | अरू कसैको आधार नभई रामको मात्र भरोसा भएको। | |
| 76837 | रामभिँडा | ना. | गोलभेँडा। | |
| 76838 | राममन्दिर | ना. | १.नेपालको प्रसिद्ध तीर्थस्थल जनकपुरमा रहेको रामको प्रसिद्ध मन्दिर। | |
| 76839 | राममन्दिर | ना. | २. रामको मूर्ति प्रतिष्ठापित भएको मन्दिर। | |
| 76840 | राममाटी | ना. | काठबाट बन्ने सामान दराज, मेच आदि चिल्ल्याउन दलिने एक किसिमको माटो। | |
| 76841 | रामरउस | ना. | आनन्द र रमाइलो; रामरमिता। | |
| 76842 | रामरगेडा | ना. | असाध्य परिश्रम; चर्को मिहिने। | |
| 76843 | रामरज | ना. | टीका लगाउन हुने एक प्रकारको पहेँलो माटो; रामतिलक। | |
| 76844 | रामरमिता | ना. | आनन्ददायी उत्सवको रमिता; रमाइलो; रमझम। | |
| 76845 | रामरस | ना. | १.मनलाई सुख दिने वस्तुको उपभोग; सुखचैन। | |
| 76846 | रामरस | ना. | २. नुन वा लवणका निम्ति प्रायः जोगीहरूले प्रयोग गर्ने शब्द। | |
| 76847 | रामराज्य | ना. | १.देशका सबै जनतालाई सुखशान्ति परिपूर्ण हुने रामको जस्तो शासनव्यवस्था भएको आदर्श राज्य। | |
| 76848 | रामराज्य | ना. | २. मनमोज; ढलीमली। | |
| 76849 | रामराम | ना. | १.भेटघाट वा बिदावारीका क्षणमा भनिने एक किसिमको ढोगभेट जनाउने शब्द। | |
| 76850 | रामराम | ना. | २. कुनै कुराको नाश हुँदा र कसैको दुःख-कष्ट देख्ता वा सुन्दा सहानुभूतिपूर्वक निस्कने शब्द;कठैबरा। |