|
|
|
|
|
|
|---|---|---|---|---|
| 76901 | राशि | ना. | १.कुनै वस्तुको रास वा थुप्रो। | |
| 76902 | राशि | ना. | २. क्रान्तिवृत्तमा रहेका मेष, वृष, मिथुन, कर्कट, सिंह, कन्या, तुला, वृश्चिक, धनु, मकर, कुम्भ र मीन- यी बाह्र ताराहरूको समूह। | |
| 76903 | राशि | ना. | ३. सङ्ख्या; अङ्क। | |
| 76904 | राशिचक्र | ना. | मेष, वृष, मिथुन आदि राशिहरूको चक्र वा मण्डल। | |
| 76905 | राशिनाम | ना. | जन्मेका समयको नक्षत्रअनुसार जुराई राखिएको नाउँ; चिह्नाको नाम। | |
| 76906 | राष्ट्र | ना. | १.जनता, सरकार तथा सार्वभौमसत्तासम्पन्न भएको कुनै देश; मुलुक। | |
| 76907 | राष्ट्र | ना. | २. एकै देशका एउटै संस्कृति तथा अर्थव्यवस्थामा आबद्ध समस्त नागरिक; जनता। | |
| 76908 | राष्ट्रऋण | ना. | विभिन्न योजना चलाउनका निम्ति तोकिएको समयसम्ममा उचित ब्याज दिने गरी राष्ट्रले सर्वसाधारण जनतासँग लिने ऋण। | |
| 76909 | राष्ट्रघातक | वि. | राष्ट्रको हत्या वा ठुलो हानि हुने काम गर्ने। | |
| 76910 | राष्ट्रघाती | वि. | राष्ट्रको हत्यारो; राष्ट्रघातक। | |
| 76911 | राष्ट्रनायक | ना. | कुनै राष्ट्रका प्रमुख नेता। | |
| 76912 | राष्ट्रनिर्माण | ना. | नयाँ राष्ट्र बनाउने वा कुनै राष्ट्रको उन्नति- प्रगति गर्ने काम। | |
| 76913 | राष्ट्रनिर्माता | ना. | नयाँ राष्ट्रको सङ्गठन वा संरचना गर्ने व्यक्ति। | |
| 76914 | राष्ट्रनिर्माता | ना. | पृथ्वीनारायण शाहलाई दिइएको उपाधि। | |
| 76915 | राष्ट्रपति | ना. | गणतान्त्रिक शासन प्रणालीअनुसार बहुमतद्वारा निर्वाचित कुनै राष्ट्रका सर्वप्रधान शासक वा प्रतिनिधि। | |
| 76916 | राष्ट्र परिषद् | ना. | राष्ट्रका प्रमुख समस्यामा सल्लाह तथा सहयोग लिन गठित राष्ट्रका प्रतिनिधिहरूको परिषद्। | |
| 76917 | राष्ट्रपाल | ना. | १.राजा; नृप। | |
| 76918 | राष्ट्रपाल | ना. | २. राष्ट्रपति। | |
| 76919 | राष्ट्रपिता | राष्ट्रको स्वतन्त्रता, स्वाधीनता र लोकतन्त्रका लागि विशिष्ट योगदान गर्ने महान् व्यक्तिलाई सम्मानस्वरूप दिइने उपाधि। | ||
| 76920 | राष्ट्र बैङ्क | ना. | १.राष्ट्रका मुद्राको प्रचलन तथा नियन्त्रण गर्ने, आफ्नो राष्ट्रमा रहेका अन्य बैकहरूको पुँजी सुरक्षाका निम्ति जम्मा गर्ने, सरकारी ऋणपत्रको प्रबन्ध गर्ने आदि कार्य गर्नगराउन विशेष अधिकारप्राप्त प्रधान ब्याङ्क, केन्द्रीय बैङ्क। | |
| 76921 | राष्ट्र बैङ्क | ना. | २. नेपालको ऐनबमोजिम गठन भएको नेपाल राष्ट्र बैङ्कका नामले नेपाल अधिराज्यमा उपर्युक्त काम गर्ने प्रसिद्ध तथा प्रमुख बैङ्क। | |
| 76922 | राष्ट्रभाषा | ना. | १.राष्ट्रको भाषा; कुनै राष्ट्रमा प्रचलित भाषा। | |
| 76923 | राष्ट्रभाषा | ना. | २. कुनै राष्ट्रका बहुसङ्ख्यक जनताले बोल्ने, व्यवहार गर्ने र सरकारी अड्डाखानामा लेखापढी आदिमा चलेको प्रमुख भाषा। | |
| 76924 | राष्ट्रमण्डल | ना. | समान भाव वा हितका दृष्टिले परस्पर आबद्ध हुने राष्ट्रहरूको मण्डल वा समूह (कमनवेल्थ)। | |
| 76925 | राष्ट्रवाद | ना. | १.आफ्नो राष्ट्रको उन्नति र हितलाई सर्वोपरि मान्ने सिद्धान्त वा राष्ट्र र राष्ट्रियताप्रतिको विशेष भक्तिभावना। | |
| 76926 | राष्ट्रवाद | ना. | २. मध्ययुगीन सामन्ती निरङ्कुशताका विरुद्धमा वा औपनिवेशिक दासताबाट मुक्तिका लागि उठेको राष्ट्रिय स्वतन्त्रताको आवाज; त्यसैसँग सम्बन्धित चिन्तन वा विचारधारा। | |
| 76927 | राष्ट्रवादी | वि. | राष्ट्रवादको मत मान्ने; राष्ट्रवादसित सम्बन्ध भएको। | |
| 76928 | राष्ट्रविप्लव | ना. | राष्ट्रमा उत्पात मचाई मुलुक विखण्डन गर्ने प्रयास; राष्ट्र टुक्र्याउने गतिविधि। | |
| 76929 | राष्ट्रसङ्घ | ना. | प्रथम विश्वयुद्धपछि राष्ट्रहरूका बिच पारस्परिक सहयोग, सद्भावना र मित्रता कायम गरी विश्वशान्तिको स्थापना गर्ने उद्देश्यले इ. १९१९ मा खडा भएको विश्वका स्वाधीन राष्ट्रहरूको सङ्गठन। | |
| 76930 | राष्ट्रसङ्घीय | वि. | राष्ट्रसङ्घसम्बन्धी, राष्ट्रसङ्घको। | |
| 76931 | राष्ट्रसेवक | ना. | १.राष्ट्रमा सार्वजनिक उत्तरदायित्व वहन गर्ने पदप्रतिष्ठामा रहेको व्यक्ति। | |
| 76932 | राष्ट्रसेवक | ना. | २. नेपाल सरकार वा कुनै सङ्गठित संस्थाप्रति लिइने शपथ वा सर्त, कबुल वा सम्झौताअनुसार प्राप्त भएको नियुक्ति, मनोनयन वा निर्वाचन हुने कुनै लाभको पदधारण गरेको वा सो पदमा बहाल रहेसम्मका अवस्थाको व्यक्ति। | |
| 76933 | राष्ट्रिय | वि. | १.राष्ट्रसम्बन्धी; राष्ट्रको। | |
| 76934 | राष्ट्रिय | वि. | २. राष्ट्रले गर्ने वा राष्ट्रको हितका निम्ति गरिने विशिष्ट क्रियाकलाप वा उद्देश्य भएको। | |
| 76935 | राष्ट्रिय | वि. | (जस्तै- राष्ट्रिय अखण्डता, राष्ट्रिय निर्देशन, राष्ट्रिय प्रकृति, राष्ट्रिय योजना, राष्ट्रिय लगानी, राष्ट्रिय हित इ.।)। | |
| 76936 | राष्ट्रियकरण | ना. | १.सरकारले क्षतिपूर्ति गरी वा नगरी विशेष उद्योग, भूमि आदिमा अधिकार गरी सार्वजनिक पार्ने काम। | |
| 76937 | राष्ट्रियकरण | ना. | २. कुनै सरकारी उद्देश्यपूर्तिका निम्ति मुआवजा दिई वा नदिई सर्वसाधारण जनताको जग्गाजमिन आदिको अधिग्रहण गर्ने काम। | |
| 76938 | राष्ट्रियकृत | वि. | राष्ट्रिय बनाइएको; राष्ट्रियकरण गरिएको। | |
| 76939 | राष्ट्रियगान | ना. | १.राष्ट्रले मान्यता दिएको गाना; राष्ट्रको गान; राष्ट्रिय गी। | |
| 76940 | राष्ट्रियगान | ना. | २. नेपाल सरकारबाट स्वीकृत राष्ट्रिय मान्यताप्राप्त स्वदेशगान। | |
| 76941 | राष्ट्रियगीत | ना. | आफ्नो राष्ट्रप्रति सबै जनताको असीम श्रद्धा र भक्ति जनाउन कुनै राष्ट्रिय उत्सव वा सामूहिक समारोहमा गाइने, राष्ट्रको वा राष्ट्रका प्रतीकको गुणगाथाले भरिएको गीत; राष्ट्रिय गान। | |
| 76942 | राष्ट्रिय जनावर | ना. | राष्ट्रिय रूपमा मान्यता दिइएको पशु (नेपालमा गाई)। | |
| 76943 | राष्ट्रिय झन्डा | ना. | १.कुनै राष्ट्रको प्रतीक र परिचयात्मक सङ्केतका रूपमा सृजित तथा निर्मित झन्डा। | |
| 76944 | राष्ट्रिय झन्डा | ना. | २. नेपालको संविधानअनुसार, सिम्रिक रङको भुईं र गाढा निलो रङको किनारा भएको, दुई त्रिकोण अलिकति जोरिएको, माथिल्लो भागमा खुर्पे चन्द्रको बिचमा सोह्रमा आठ कोण देखिने सेतो आकार र तल्लो भागमा बाह्र कोणयुक्त सूर्यको सेतो आकार अङ्कित भएको, परम्परागत झन्डा। | |
| 76945 | राष्ट्रियता | ना. | राष्ट्रप्रतिको आस्था वा राष्ट्रहितको भावना; राष्ट्रप्रेम; राष्ट्रको स्थिति वा आफ्नोपन। | |
| 76946 | राष्ट्रिय निकुञ्ज | ना. | वन्य जन्तु र पक्षीसम्पदालाई प्राकृतिक स्थितिमा संरक्षण गर्न छुट्ट्याइएको जङ्गलको विशेष क्षेत्र। | |
| 76947 | राष्ट्रिय पञ्चायत | ना. | पञ्चायतकालीन नेपालको विधायिका। | |
| 76948 | राष्ट्रिय पन्छी | ना. | कुनै राष्ट्रले मान्यता दिएको पक्षी (नेपालमा डाँफे )। | |
| 76949 | राष्ट्रिय पुँजी | ना. | आफ्नै राष्ट्रिय उद्योग- उत्पादन वा श्रम-साधनद्वारा प्राप्त पुँजी वा धन; राष्ट्रिय आय। | |
| 76950 | राष्ट्रिय पुँजीपति | ना. | बाहिरिया पुँजीपतिद्वारा हुने शोषणद्वारा देशलाई जोगाउने खालका उद्योग खोल्ने वा बन्दव्यापार गर्ने व्यक्ति। |