|
|
|
|
|
|
|---|---|---|---|---|
| 9351 | इन्द्रध्वजोत्थान | ना. | भाद्रशुक्ल द्वादशीका दिन इन्द्रजात्रा सुरु गर्दा इन्द्रको सम्मानमा लिङ्गो ठड्याउने काम (पौराणिक कालमा पनि यस्तो प्रचलन भएको पाइन्छ।)। | |
| 9352 | इन्द्रनील | ना. | निलो रङ्गको मणि; नीर; नीरमणि। | |
| 9353 | इन्द्रपुर | ना. | इन्द्रको सहर; सुखी ठाउँ। | |
| 9354 | इन्द्रप्रस्थ | ना. | महाभारतकालीन पाण्डवहरूको राजधानी (वर्तमान दिल्लीको नजिक )। | |
| 9355 | इन्द्रयात्रा | ना. | इन्द्रजात्रा। | |
| 9356 | इन्द्रराज्यलक्ष्मी प्रज्ञा पुरस्कार | ना. | कलाका क्षेत्रमा उल्लेखनीय साधना गर्ने व्यक्ति वा संस्थालाई प्रदान गर्ने गरिएको एक पुरस्कार। | |
| 9357 | इन्द्रलोक | ना. | स्वर्ग। | |
| 9358 | इन्द्रवंशा | ना. | दुई तगण, एक जगण र एक रगण हुने वार्णिक छन्द। | |
| 9359 | इन्द्रवज्रा | ना. | दुई तगण, एक जगण र दुई गुरुवर्ण हुने एक वार्णिक छन्द। | |
| 9360 | इन्द्रसभा | ना. | इन्द्रको सभा; देवसभा; सुधर्मा। | |
| 9361 | इन्द्राणी | ना. | १. इन्द्रकी पत्नी। | |
| 9362 | इन्द्राणी | ना. | २. सेता वा पहेँला धर्सा परेका निला फल फल्ने, राता, निला र पहेँला फूल फुल्ने एक लहरो। | |
| 9363 | इन्द्रायुध | ना. | १. इन्द्रधनु; इन्द्रेनी। | |
| 9364 | इन्द्रायुध | ना. | २. इन्द्रको हतियार; वज्र। | |
| 9365 | इन्द्रावती | ना. | सप्तकोसीका सातमध्ये एक नदी; पूर्वी नेपालको जुगल हिमालको पाँचपोखरीबाट उत्पन्न भई दोलालघाटनिर सुनकोसी नदीमा मिसिने एक नदी। | |
| 9366 | इन्द्रासन | ना. | १. इन्द्रको सिंहासन। | |
| 9367 | इन्द्रासन | ना. | २. राजसिंहासन; राजगद्दी। | |
| 9368 | इन्द्रासन | ना. | ३. सबै किसिमको सुख मिल्ने ठाउँ। | |
| 9369 | इन्द्रिय | ना. | १. ज्ञानशक्ति र कर्मशक्तिका मानवीय अङ्ग वा साधन; पाँच ज्ञानेन्द्रिय (आँखा, कान, नाक, जिब्रो र छाला) र पाँच कर्मेन्द्रिय (वाक्, पाणि, पाद, वायु र उपस्थ) का सामूहिक वा अलग अलग नाम। | |
| 9370 | इन्द्रिय | ना. | २. माथिका आधारमा पाँचको सङ्ख्या। | |
| 9371 | इन्द्रिय | ना. | ३. योनि वा लिङ्ग। | |
| 9372 | इन्द्रिय | ना. | ४. जननेन्द्रिय। | |
| 9373 | इन्द्रिय | ना. | ५ एक अङ्गुलको पाँच गुना बराबरको नाप; पाँच अमल बराबरको नाप; पाँच अङ्गुल। | |
| 9374 | इन्द्रियगोचर | ना. | इन्द्रियको विषय; इन्द्रियद्वारा संवेदन गर्न सकिने; इन्द्रियग्राह्य। | |
| 9375 | इन्द्रियग्राम | ना. | पाँच ज्ञानेन्द्रिय र पाँच कर्मेन्द्रियको समूह। | |
| 9376 | इन्द्रियजित् | वि. | इन्द्रियको दमन गर्न सक्ने; जितेन्द्रिय। | |
| 9377 | इन्द्रिय निग्रह | ना. | इन्द्रियलाई वशमा राख्ने काम। | |
| 9378 | इन्द्रिय संवेद्य | वि. | इन्द्रियद्वारा छिटै ग्रहण गरिने। | |
| 9379 | इन्द्रियातीत | वि. | इन्द्रियद्वारा ज्ञान गर्न नसकिने; अगोचर। | |
| 9380 | इन्द्रियार्थवाद | ना. | इन्द्रियहरूको अनुभूतिद्वारा नै सबै किसिमको ज्ञान प्राप्त हुन्छ भन्ने दार्शनिक सिद्धान्त; इन्द्रियद्वारा सुखभोग गर्ने काम। | |
| 9381 | इन्द्रेनी | ना. | घामपानी भएको बेला घामको विपरीत दिशातर्फ देखिने अस्मानी, निलो, हरियो, पहेँलो, रातो बैजनी र सुन्तला रङ हुने, धनुका आकारको अर्धवृत्त; इन्द्रधनु; इन्द्रधनुष। | |
| 9382 | इन्धन | ना. | १. उष्णता वा तापको माध्यमबाट शक्ति प्रदान गर्ने साधन। | |
| 9383 | इन्धन | ना. | २. दाउरा वा त्यसको बदलामा अरू केही बालेर ताप वा शक्ति पैदा गर्ने उपकरण ( मट्टीतेल, डिजेल, पेट्रोल, कोइला आदि)। | |
| 9384 | इन्धन संस्थान | ना. | इन्धनसँग सम्बन्धित कारोबार गर्ने तथा आवश्यक इन्धन जुटाउने अधिकारप्राप्त संस्थान। | |
| 9385 | इन्साफ | ना. | १. सम्बन्धित क्षेत्रबाट गरिने सत्य वा असत्यको टुङ्गो; न्याय; निसाफ; नियाँ; निसाफ। | |
| 9386 | इन्साफ | ना. | २. अदालतबाट वादी, प्रतिवादीको पक्ष वा विपक्षमा दिइने न्याय; निर्णय; फैसला। | |
| 9387 | इन्सेट | ना. | ठुलो चित्रभित्रको सानो चित्र। | |
| 9388 | इन्स्टिच्युट | ना. | अध्ययन संस्थान। | |
| 9389 | इन्स्पेक्टर | ना. | प्रहरी सेवाको एक दर्जा; प्रहरी निरीक्षक। | |
| 9390 | इबी | ना. | मनमा गुप्त रूपमा राखिएको ईख; धेरै पहिलेदेखिको ईख; दगा। | |
| 9391 | इबी अदावत | ना. | दगा वा निहुँ झिक्ने बाटो; चुक देखाउने निहूँ। | |
| 9392 | इमर्जेन्सी | ना. | १. एकाएक आइपर्ने दुःखद घटना; आकस्मिक दुर्घटना। | |
| 9393 | इमर्जेन्सी | ना. | २. आकस्मिक दुर्घटना वा बिमारीले पीडित व्यक्तिका लागि गरिने उपचार वा त्यस्तो उपचार गरिने कक्ष। | |
| 9394 | इमर्जेन्सी लाइट | ना. | विद्युत् आपूर्ति बन्द हुँदा प्रयोग गरिने, विद्युत्तरङ्गबाटै बल्ने एक किसिमको बिजुली लालटिन । | |
| 9395 | इमान | ना. | १. लेनदेन, नियम, अनुशासन आदि व्यवहारमा गरिने सत्यता; सच्चाई; छलकपटरहित व्यवहार; असल नियत । | |
| 9396 | इमान | ना. | २. ईश्वर वा धर्मप्रति रहेको विश्वास; आस्तिक बुद्धि । | |
| 9397 | इमानजमान | ना. | बोलेअनुसार व्यवहार गर्ने प्रकृति; व्यवहारमा कामकुराको ठिक ठिक पालना; सत्यनिष्ठा; कर्तव्यपरायणता । | |
| 9398 | इमानदार | वि. | इमान भएको; निष्कपट; बोलेको कुरा पुऱ्याउने; सत्यनिष्ठ । | |
| 9399 | इमानदारी | ना. | इमानदार बन्नाको भाव वा अवस्था; सत्यनिष्ठा; सच्चाइ । | |
| 9400 | इमारत | ना. | भव्य तथा पक्की घर; विशालकाय भवन; महल । |