Dictionary

All Word
12251 ऐँठे ना. गहुँका पिठाको बाक्लो लेदोलाई बाङ्गोटिङ्गो वा घुमर्किएका आकारको बनाई घिउमा पकाएर पाकमा डुबाएको एक प्रकारको हलुवाई रोटी।
12252 ऐँठ्याइ ना. ऐँठने भाव, क्रिया वा प्रक्रिया |
12253 ऐँठ्याइनु क.क्रि. ऐँठन लाइन; निमोठ्याइनु ।
12254 ऐँठ्याउनु स.क्रि. १. ऐँठन लाउनु; ऐँठने पार्नु ।
12255 ऐँठ्याउनु स.क्रि. २. निमोठ्न लाउनु; बटार्न लाउनु ।
12256 ऐँसेलु ना. पातला काँडा र बाक्लो झुस हुने, पोथ्रामा फल्ने, काफलका जत्रा दाना हुने र चैत, वैशाखतिर पहेँलो भएर पाक्ने, गुलियो स्वादको नरम फल ।
12257 ऐकमत्य ना. एक मत हुनाको भाव वा अवस्था; मतैक्य |
12258 ऐकान्तिक वि. १. एकान्तमा हुने वा सम्बन्ध राख्ने ।
12259 ऐकान्तिक वि. २. विशेष रूपले कुनै एक विषय, व्यक्ति आदिसित सम्बन्धित ।
12260 ऐकान्तिक वि. ३. सम्पूर्ण; पूरा ।
12261 ऐकान्तिक वि. ४. निश्चित; विश्वस्त ।
12262 ऐकान्तिक समाचार ना. १. कुनै संवाददाताले कतैबाट खोजमेल गरी वा निकाली अन्यत्र प्रकाशित हुनुभन्दा पहिले आफ्नो पत्रलाई दिएको समाचार, कुनै स्रोतबाट आफैं प्राप्त गरेको मौलिक समाचार |
12263 ऐकान्तिक समाचार ना. २. विशेष महत्त्वको समाचार |
12264 ऐकान्तिकता ना. एकान्त हुनाको भाव वा अवस्था ।
12265 ऐकार ना. १. 'ऐ' अक्षर ।
12266 ऐकार ना. २. व्यञ्जनवर्णमाथि लाग्ने 'ऐ' को चिह्न; दोलख (ै ) |
12267 ऐक्य ना. एकता, एकत्व; मेल।
12268 ऐक्षव ना. १. उखुबाट बन्ने वा बनेको पदार्थ (सखर, चिनी आदि) ।
12269 ऐक्षव ना. २. एक प्रकारको रक्सी |
12270 ऐच्छिक वि. १. इच्छानुसारको चिताएजस्तो; इच्छामुताबिक |
12271 ऐच्छिक वि. २. दुइटामध्ये इच्छानुसार कुनै रोज्न सकिने; इच्छाधीन; वैकल्पिक |
12272 ऐच्छिक विषय ना. अभिरुचि, झुकाव तथा क्षमतानुसार शिक्षार्थीले कुनै एक वा दुई विषय आफ्नो स्वेच्छाले छान्ने व्यवस्था भएको विषय वा पाठ्यवस्तु ।
12273 ऐजन अव्य. माथि लेखिएअनुसार; माथि लेखिएबमोजिम उक्त; सो; निज।
12274 ऐजेरु / ऐरु ना. १. अर्कै रुखको कापमा उम्रने, लाम्चा पात हुने, रातो फूल फुल्ने, गुलिया ससाना फल फल्ने बुटी; बन्दाक ।
12275 ऐजेरु / ऐरु ना. २. शरीरमा फुकुन्डा उठ्ने रोगविशेष |
12276 ऐटन ना. सैनिक सेवामा लप्टनभन्दा मुनिको अधिकृत; लप्टनको सहायक पल्टनियाँ अफिसर |
12277 ऐतिहासिक वि. १. इतिहासमा उल्लेख भएको इतिहासमा वर्णन गरिएको ।
12278 ऐतिहासिक वि. २. इतिहाससम्बन्धी; इतिहासको ।
12279 ऐतिहासिक वि. ३. इतिहास जान्ने; इतिहासको ज्ञाता; इतिहासविद् ।
12280 ऐतिहासिकता ना. १. ऐतिहासिक हुनाको भाव वा अवस्था ।
12281 ऐतिहासिकता ना. २. इतिहासका दृष्टिले प्रसिद्ध हुनाको भाव वा अवस्था ।
12282 ऐतिहासिक भौतिकवाद ना. वाद र विवादको अन्तर्द्वन्द्वद्वारा दुवैको अस्तित्व समाप्त भई संवादको प्रादुर्भाव हुन्छ भन्ने हेगेलको द्वन्दात्मक दर्शन र लुडविग फेरवाकको भौतिकवादी दर्शनको सम्मिश्रण गरी मार्क्सले प्रतिपादन गरेको द्वन्द्वात्मक भौतिकवादलाई ऐतिहासिक कसीमा लागु गरी निर्माण गरिएको तथा त्यसै आधारमा समाजलाई हेरिने दर्शन ।
12283 ऐन वि. ठिक; उपयुक्त (उदा. ऊ ऐन मौकामा हामीकहाँ आयो ) ।
12284 ऐन ना. कुनै विषयलाई व्यवस्थित रूपमा गर्न, गराउन बनेको सरकारी नियम; कानुन; विधान ।
12285 ऐन कानुन ना. सरकारका तर्फबाट बनेको नियम, कानुन वा विधिविधान ।
12286 ऐनको उल्लेख ना. १. अड्डा वा अदालतबाट कुनै कामकुराका सम्बन्धमा लेखापढी वा निर्णय गर्दा प्रमाणका निम्ति दिइने कानुनी महल, दफा, उपदफा आदिको हुलिया ।
12287 ऐनको उल्लेख ना. २. फलाना ऐनको फलानो नम्बर (दफा, उपदफा) ले यस्तो भएको र यस्तो हुनुपर्छ भनी देखाइएको ऐनको नजिर; नजिरको उल्लेख |
12288 ऐनको म्याद ना. कुनै विषयमा कानुनी कामकारबाही कहिले सुरु गर्ने वा समाप्त गर्ने भनी ऐनमा तोकिएको समय ।
12289 ऐनखाना ना. कानुनविभाग ।
12290 ऐन बर्खिलाप वि. १. ऐन, कानुनविरुद्ध ।
12291 ऐन बर्खिलाप वि. २. कानुनका दृष्टिले आपत्तिजनक ।
12292 ऐन सवाल ना. १. ऐन, कानुन र त्यसअन्तर्गत बनेका नियम, उपनियम आदि।
12293 ऐन सवाल ना. २. अड्डा अदालतलाई जारी गरिएको सवाल र ऐन ।
12294 ऐना ना. पृष्ठ भागमा पारो लगाएर अनुहार आदि हेर्नका लागि अपारदर्शी बनाइएको सिसा; दर्पण |
12295 ऐनाघर ना. दियो छोप्ने लम्फाका आकारको ऐनाको घर ।
12296 ऐन्द्र वि. १. इन्द्रसम्बन्धी; इन्द्रको ना. २. पाणिनिपूर्वका संस्कृत व्याकरणको परिपाटीमध्ये एक ।
12297 ऐन्द्रकूट वि. इन्द्रकूट पर्वतसम्बन्धी ।
12298 ऐन्द्रजाल ना. चटकीको विद्या; इन्द्रजालीको विद्या; जादु; टुनामुना ।
12299 ऐन्द्रजालिक वि. इन्द्रजाल विद्या जान्ने; जादु विद्या जान्ने; चटक गर्ने; चटकी ।
12300 ऐपन ना. १. प्रायः कूर्माञ्चलका बासिन्दाहरूले विवाह, व्रतबन्ध आदि र अन्य धार्मिक कृत्य गर्दा चामलका पिठाको लेदो बनाई हाल विभिन्न बुट्टाका आकारका रेखी ।