|
|
|
|
|
|
|---|---|---|---|---|
| 14051 | कर भुक्तानी | ना. | कर तिर्ने काम, करको तिरोभरो। | |
| 14052 | करमोरु | वि . | करभ (हात्तीको सुँड झैं सलक्क परेको तिघ्रा भएकी (स्त्री)। | |
| 14053 | करम | ना. | गर्मी प्रदेशमा पोखरी वा तलाउमा उम्रने, सखरखण्डको जस्तो पात, खोक्रो डाँठ र सेतो फूल हुने एक साग, करमी। | |
| 14054 | करम | ना. | २. पहेँलो काठ हुने एक वृक्ष, कर्मा। | |
| 14055 | करमपात्रो | ना. | हे. कर्मपात्रो। | |
| 14056 | करमाला | ना. | जपमन्त्र आदिको सङ्ख्या गन्ने क्रममा स्फटिक, तुलसी वा रुद्राक्षका मालाको साटो औँलाका हत्केलातिरका जोर्नीका रेखालाई गन्ने कामको आधार मान्दा तिनका निम्ति प्रयुक्त हुने सामूहिक संज्ञा। | |
| 14057 | करमाली | १. वि. करमालाका आधारमा जप आदि गर्ने (व्यक्ति)। | ||
| 14058 | करमाली | २. आफ्ना किरणलाई स्वयं आफैँले मालाका रूपमा धारण गर्ने एक देवता, सूर्यनारायण। | ||
| 14059 | करमाली | ३. सूर्य। | ||
| 14060 | करमी | ना. | हे. करम। | |
| 14061 | करयुगल | ना. | १. अभिन्न रूपमा दुई हातलाई जनाउने साझे संज्ञा। | |
| 14062 | करयुगल | ना. | २. जम्लाहात; करजोरी। | |
| 14063 | करयोग्य मूल्य | ना. | कर कार्यालयले मिनाहा गरेको करमुक्त मूल्यभन्दा बढी मूल्य; कर लाग्ने चाहिँ मूल्य (घर, जग्गा आदिको)। | |
| 14064 | करवीर, | ना. | १. सुइरे पात हुने, पहेँलो रङको फूल फुल्ने र हाडेबदामका जत्रा दानाभित्र झन्डै आरुका झैं खबटा हुने फल लाग्ने ठिक्क आकारको वृक्ष वा त्यसको फूल। | |
| 14065 | करवीर, | ना. | २. झन्डै वज्रदन्तीको जत्रो बोट हुने र त्यसरी नै झाँगिने सेतो अथवा रातो फूल फुल्ने एक वृक्ष वा त्यसको फूल। | |
| 14066 | करवीर, | ना. | नेपाली लौकिक अनुश्रुतिअनुसारको एक प्रसिद्ध मसान, काठमाडौंको विष्णुमती र भद्रमतीको दोभानमा रहेको प्रसिद्ध मसानघाट। | |
| 14067 | कर शाखा | ना. | अर्थ मन्त्रालयको मातहत रहेको करको असुलउपर गर्ने मुख्य कार्यालयभन्दा तल्लो तहको शाखा कार्यालय (जिल्लास्तरीय वा अञ्चलस्तरीय)। | |
| 14068 | करसम्पुट | ना. | अभिवादनका समयमा नमस्कार आदिमा झैँ दुई हत्केलालाई पूरै नजोडी औंलाका टुप्पा र मणिबन्ध मात्र जोडेर बुढी औंलातिर खुला राख्ने एक विशेष मुद्रा (प्रायः धार्मिक); अञ्जलिमुद्रा। | |
| 14069 | कराँत | ना. | १. समात्न वा पक्रन अनुकूल पर्ने स्थिि (कुस्ती खेल्दा, भारी बोक्ता आदि )। | |
| 14070 | कराँत | ना. | ( उदा.- राम त बलियै हो, तर कराँत नपरेकाले कुस्तीमा उसको जित हुन सकेन )। | |
| 14071 | कराँत | ना. | २. बल, तागत; शक्ति। | |
| 14072 | करौँतिलो | वि. | १. बोक्ता, समाउँदा वा अँगाल्दा प्रतिकूल नहुने। | |
| 14073 | करौँतिलो | वि. | २. बलियो शक्तिशाली, दहो; दर्बिलो। | |
| 14074 | कराँते | ना. | जापान र त्यसका छिमेकका देशहरूमा प्रचलित मर्मस्थलमा प्रहार गरेर आफूभन्दा निकै बलियो विपक्षीलाई समेत पराजित गर्ने केही प्रसिद्ध दाउ, कुम्फु, कराँते, जुडो आदिमध्ये एक (जसका आधुनिक प्रवर्तक ब्रुसली मानिन्छन्।)। | |
| 14075 | कराँसो | ना. | हे. करेंसो। | |
| 14076 | कराँसो घराँसो | ना. | घरघडेरी। | |
| 14077 | कराइ | ना. | कराउने काम वा प्रक्रिया। | |
| 14078 | कराइनु | अ. क्र. | ठुलो स्वरले बोलिनु, चिच्याइनु। | |
| 14079 | कराउनु | अ.क्रि. | १. रुने, हप्काउने, विरोध जनाउने, बोलाउने आदि उद्देश्यले ठुलो स्वर गरी चिच्याउनु। | |
| 14080 | कराउनु | अ.क्रि. | २. नचाहिँदो किसिमले चर्को स्वर निकाली बोल्नु। | |
| 14081 | कराउनु | अ.क्रि. | (उदा.- माली गाईले धान खायो, नकरा कान्छी कान खायो )। | |
| 14082 | कराउनु | अ.क्रि. | ३. झर्को लाग्ने गरी बोलेर केही सुनाउनु, माग्नु, प्रशंसा गर्नु वा निन्दा गर्नु, कचकचाउनु, करकराउनु। | |
| 14083 | कराउनु | अ.क्रि. | ४. अन्याय र थिचोमिचोका विरुद्ध मर्कामा पर्नेले प्रायः मौखिक वा अलिखित रूपमा उजुर गर्नु, फिराद गर्नु। | |
| 14084 | कराकर | ना. | १. ठुलो काम वा कार्जे (बिहे, बर्तमन, रोपाइँ, मेला, जात्रा, भोज इ.) मा हुने असाधारण व्यस्तता; चटारो; लछारो। | |
| 14085 | कराकर | ना. | २. त्यस्तै अवसरमा भेला हुने समुदाय, हुल, घुइँचो, ठेलमठेल; किचाघान। | |
| 14086 | करामत | ना. | १. असाधारण वा असामान्य काम; चमत्कार, कमाल। | |
| 14087 | करामत | ना. | २. पुरुषार्थ; बहादुरी। | |
| 14088 | करायें | वि. | सलामी परेको, अलिअलि ढल्केको, करालो; थालेभन्दा कम सम्म र भिरालोभन्दा कम ढल्किएको। | |
| 14089 | करार | ना. | १. कुनै कार्य लिखत रूपमा जिम्मा लिने काम वा त्यसरी जिम्मा लिएको दायित्व। | |
| 14090 | करार | ना. | २. त्यसरी जिम्मा लिन गरिने लिखित कबुल वा प्रतिज्ञा। | |
| 14091 | करारनामा | ना. | एक पक्षले अर्को पक्षलाई कुनै सेवा, भारा, अभिभारा आदि सुम्पँदा र घर, पसल, गाडी आदि भाडामा दिँदा दुवै पक्षले करार गरी सही गरेको लिखत, कबुलनामा कबुलियतनामा। | |
| 14092 | करारपत्र | ना. | करारनामा। | |
| 14093 | करार सेवा | ना. | तलब, कार्यावधि, सेवासर्त आदि तोकिएर नियुक्त हुने कर्मचारीको पद वा सेवा। | |
| 14094 | करारोपण | ना. | सरोकारवाला सरकारी निकायले संविधान वा ऐनकानुनअनुसार नागरिकहरूलाई कर लगाउने कार्य। | |
| 14095 | कराल | वि. | डरलाग्दो, भयङ्कर; विकराल। | |
| 14096 | करालो | ना. | भिरालो जग्गा, ओह्रालो। | |
| 14097 | करालो | ना. | वि. अलि अलि ढल्किएको; करायें। | |
| 14098 | कराहट | ना. | कराउने काम, चिच्च्याहट; करकराहट; कचकचाहट। | |
| 14099 | कराही | ना. | दुईतिर कडा लागेको र मुख फरक हुने पकाउने भाँडो। | |
| 14100 | कराही | ना. | शिरीषको जस्तो बोट हुने र सेतो अपराजिताको झैँ फूल फुल्ने एक राइली वृक्ष वा त्यसको स्वादको फल। |