|
|
|
|
|
|
|---|---|---|---|---|
| 14151 | करौंते | ना. | १. खसा र लामा पात हुने, सेतो फूल फुल्ने, भुईंमा वा पानीमा लहरा फैलने दुबोजातको एक प्रकारको भार, पानीदुबो। | |
| 14152 | करौंते | ना. | २. पात ज्यादै खस्रो हुने सानो खालको एक प्रकारको बाँस। | |
| 14153 | करौंते | ना. | वि. ३. करौंतीजस्तो रेट्ने वा अर्कालाई निर्दयी चालले दुःख दिने स्वभावको, करौंतीजस्तो। | |
| 14154 | करौंते झार | ना. | पातका दुई छेउमा करौंतीका जस्ता मसिना काँढा हुने र (घाँस)। | |
| 14155 | करौंदा | ना. | १. ससाना पात, सेतो फूल, साना गोल फल लाग्ने एक प्रकारको काँडे रुख। | |
| 14156 | करौंदा | ना. | २. त्यसैको फल, करमर्द। | |
| 14157 | करौंदा | ना. | ३. सेतोरातो मिसिएको अमिलो फल करञ्ज। | |
| 14158 | कर्कनु | अ.क्रि. | १. सोझो भएर ठडिनुपर्ने वस्तु (घरको गाह्रो, लिङ्गो, बाँस, खामो आदि) बाङ्गिनु, टेढिनु, कर्के हुनु। | |
| 14159 | कर्कनु | अ.क्रि. | २. कसैलाई देखेको नदेख्यै गरी अर्कातिर लाग्नु, बाटो छलेर हिँड्नु। | |
| 14160 | कर्कट | ना. | १. बाह्र राशिमध्ये चौथो राशि, कर्क राशि, कर्कट राशि। | |
| 14161 | कर्कट | ना. | २. छिपछिपे पानी भईकन ढुङ्ग्यान ठाउँमा बस्ने छ खुट्टाजति भएको र अघिल्तिर केही मोटा, चिम्टे, धारिला, चेपुवाजस्ता दुई नङ्ग्रा हुने एक जलजन्तु, गँगटो। | |
| 14162 | कर्कट | ना. | ३. मालसामान जोख्ने तराजुको तेर्सो डाँठको दुवैतिर घुमुर्किएको, पल्ला थाली झुन्ड्याइने टुप्पो। | |
| 14163 | कर्कट राशि | ना. | कर्कट। | |
| 14164 | कर्कटपाता | ना. | घर छाउने काममा प्रयोग हुने, डिल र खोल्सी वा डाँडी र डोल्सीहरू परेको टिन वा जस्ताको पाता ; जस्तापाता। | |
| 14165 | कर्कटरेखा | ना. | हे. कर्करेखा। | |
| 14166 | कर्कटशृङ्गी | ना. | लाम्चा पात, खैरा रङका लाम्चिला फल फल्ने, अर्को कुनै पनि वृक्षका साथ जोडिएर फस्टाउने एक प्रकारको परजीवी वृक्ष, हिक्का, वायु, अतिसार र रक्तदोषमाहित गर्ने गुण बताइएको त्यसैको फल। | |
| 14167 | कर्कटिका | ना. | मानिसको जन्मदेखि जीवनपर्यन्त शरीरका विभिन्न अङ्गमा रहने, कारणवश बढेर उग्र रूप लिएमा ज्यानै जाने सम्भावना पनि हुने मांसकोषको गिर्खा वा ग्रन्थि, अर्बुद। | |
| 14168 | कर्करेखा | ना. | भूगोलको विषुवत्रेखा वा भूमध्यरेखादेखि २३ / ० अंश उत्तरतिर भएको भूमध्यरेखाको समानान्तर रूपमा रहेको कल्पित भौगोलिक रेखा। | |
| 14169 | कर्कली | ना. | कर्कलाको लघु रूप, कर्कलो। | |
| 14170 | कर्कली | ना. | (खाऊँ त कर्कली पेट फर्कली, नखाऊँ कर्कली सासू झर्कली। - उखान।)। | |
| 14171 | कर्कलो | ना. | छाता जस्तै ठुलठुला नरम पात हुने, पहेँलो घोगाजस्तो फूल फुल्ने र धेरै सेला भएको कन्द हुने एक बोट; पिँडालुको बोट। | |
| 14172 | कर्कश | वि. | १. रुखो मिजास भएको, टर्रो स्वभावको। | |
| 14173 | कर्कश | वि. | २. लोलोपोतो गर्न नजान्ने, खस्रो। | |
| 14174 | कर्कशता | ना. | रुखो मिजास, कर्कश हुने भाव वा काम; करकरेपन। | |
| 14175 | कर्काइ | ना. | कर्कने भाव, क्रिया वा प्रक्रिया। | |
| 14176 | कर्काइनु | क.क्रि. | कर्कन लाइनु, टेढ्याइनु, बङ्ग्याइनु। | |
| 14177 | कर्काउनु | प्रे. क्रि. | १. टेढो पार्नु, बङ्ग्याउनु, मर्काउनु। | |
| 14178 | कर्काउनु | प्रे. क्रि. | २. आँखा सन्काउनु। | |
| 14179 | कर्काउनु | प्रे. क्रि. | ३. काँक्रो फल आदि करक्क चपाउनु। | |
| 14180 | कर्काउली | ना. | हर्पे, चौंठो आदिबाट घिउ, तेल आदि झिक्ने सानो डाडु, करछुली। | |
| 14181 | कर्काटो | ना. | चारैतिरबाट बाटुलो रेखा खिच्ने एक साधन; पकोल। | |
| 14182 | कर्किनु | अ.क्रि. | कर्के होइनु, टेढिनु, बाङ्गिनु। | |
| 14183 | कर्के | वि. | १. करकापमा परेको अठ्याङमा परेको; द्विविधा अथवा सन्धिसर्पन आदिले गर्दा किंकर्तव्यविमूढ भएको। | |
| 14184 | कर्के | वि. | २. त्यस्तो प्रकारको स्थितिमा पार्ने (कर्के दाउ, कर्के चाल इ.)। | |
| 14185 | कर्के | वि. | ना. ३. कुस्तीको एक विशेष दाउ (विपक्षीलाई उम्कन नदिने गरी अँठ्याउने चाहिँ )। | |
| 14186 | कर्के | वि. | ४. बागो, छड्के, टेढो। | |
| 14187 | कर्कोटक | ना. | पुराणप्रसिद्ध आठ नागमध्ये एक। | |
| 14188 | कर्क्याइ | ना. | कर्क्याउने काम वा प्रक्रिया। | |
| 14189 | कर्याहट | ना. | कर्किने चाल वा भाव; सोझो स्थितिबाट झुक्ने वा ढल्न खोज्ने स्थिति। | |
| 14190 | कर्क्यौली | ना. | हे. कर्काउली। | |
| 14191 | कर्खा | ना. | १. वीरता तथा वीर पुरुषका प्रशंसा वा सम्झनामा गाइने साहस र वीरता सञ्चारित गर्ने गाथा। | |
| 14192 | कर्खा | ना. | २. वीरताको बखान गरिने र त्यस्तै वा थेगो भएको एक प्रकारको नेपाली लोकगीत र लोकगाथा, नेपालका गन्धर्व जातिले कुनै वीर पुरुषका सम्झनामा गाउने प्रसिद्ध गीत वा गाथा। | |
| 14193 | कर्खावाल | ना. | कर्खा गाउने जाति, वीरपूजक; भाट। | |
| 14194 | कर्चुलो | ना. | एकातिर डाडु र अर्कातिर पन्युँ भएको वा एकातिर पन्युँ मात्र भएको, पकाएको वस्तु चलाउने भाँडो। | |
| 14195 | कर्धुली | ना. | हर्पे, ठेकी आदिमा राखिएको वस्तु (घिउतेल आदि) झिक्ने अर्थात् घिउतेल सुमर्ने सानो डाडु, कर्क्यौली। | |
| 14196 | कर्जा | ना. | निश्चित अवधिमा ब्याजसहित वा विनाब्याज फर्काउने गरी अरूबाट लिइएको रकम रिन ऋण सापट। | |
| 14197 | कर्जा सुरक्षण | ना. | कसैलाई दिइएको रिन वा सापट नडुबोस् भनी मिलाइने चाँजो ऋणका रूपमा प्राप्त चलअचल सम्पत्ति हिनामिना हुन नदिने प्रबन्ध। | |
| 14198 | कर्जा सुरक्षण नियम | ना. | ऋण वा धितोको सुरक्षाका लागि सम्बन्धित वित्तीय निकायबाट तर्जुमा गरिएको नियम। | |
| 14199 | कर्ण | ना. | १. कान। | |
| 14200 | कर्ण | ना. | २. त्रिभुजका समकोणका सामुन्नेको रेखा। |