|
|
|
|
|
|
|---|---|---|---|---|
| 16251 | किर्किटी | ना. | हे. किरकिटी। | |
| 16252 | किर्किल | ना. | सियाँलो जग्गामा पाइने कन्दमूलविशेष। | |
| 16253 | किर्की | ना. | उखु। | |
| 16254 | किर्को | ना. | उखुको गिँड। | |
| 16255 | किर्कौले | वि. | किर्कौलाजस्तो किर्कौलाका ढाँचाको। | |
| 16256 | किर्कौलो | ना. | दानादार अन्नहरूका भित्र हुने सामान्य गेडाभन्दा सानो, साह्रो र नपाक्ने किसिमको दाना; चोर गेडो। | |
| 16257 | किर्थो | ना. | फटेङ्ग्राजस्तो सानो एक प्रकारको किरो। | |
| 16258 | किर्ते | वि. | कृत्रिम, बनावटी, झुट्ठो; नक्कली; जालसाजी; कीर्ते (कागतपत्र, कामकुरो इ.)। | |
| 16259 | किर्ते साक्षी | ना. | झुट्ठो साक्षी, मिथ्या गवाह। | |
| 16260 | किर्नु | ना. | गाईबस्तुका शरीरमा लाग्ने एक प्रकारको डल्लो किरो। | |
| 16261 | किलकिञ्चित् | ना. | संयोग श्रृङ्गारअन्तर्गत ज्यादै प्रिय वस्तु प्राप्त हुँदाको हर्षबाट नायिकामा उत्पन्न हुने मुस्कुराहट तथा हाँसो, रुदन, डर, क्रोध, भ्रम आदिको विचित्र मिश्रण; नायिकाले एकसाथ अनेक किसिमका भाव प्रकट गर्ने स्वाभाविक हाउभाव। | |
| 16262 | किलकिले | ना. | जिब्राको पछिल्लो भागमा झुन्डिएको कोमलतालुको सानो मांसल खण्ड, रुद्रघण्टी; लिगलिगे। | |
| 16263 | किलास | ना. | दुई घर एकैसाथ जोडिएको गारो वा साँध, दुई घरको एक सन्धिस्थल। | |
| 16264 | किलासको गारो | ना. | साँधको घरसँगै जोडिएको गारो। | |
| 16265 | किलिक किलिक | क्रि.वि. | पानी वा कुनै झोल पदार्थ उँभो घाँटी लगाई निल्ने गरी, किक्लिककिक्लिक। | |
| 16266 | किलिप | ना. | १. कपाल मिलाउन, तह लाउन वा सिँगार्न स्वास्नीमानिसले शिरमा लगाउने प्लास्टिक, धातु आदिका वस्तु; चिम्टी; काँटा। | |
| 16267 | किलिप | ना. | २. कागजपत्र आदि च्याप्न प्रयोग गरिने क साधन; चेपुवा। | |
| 16268 | किला | ना. | हे. किलो। | |
| 16269 | किला काँटा | ना. | जोर्ने र गाँस्ने काममा प्रयोग गरिने किला वा यस्तै अन्य सरसामान। | |
| 16270 | किले जोर्नी | ना. | हात, खुट्टा आदिका हड्डीहरू चलाउन हुने गरी खप्टिएको जोर्नी किला झैं गरेर जोडिएको हड्डीको जोर्नी। | |
| 16271 | किलो | ना. | १. हजार सङ्ख्याको समष्टि रूप। | |
| 16272 | किलो | ना. | २. एक हजार ग्राम बराबरको नापो; किलोग्राम। | |
| 16273 | किलो | ना. | ३ किलोमिटरको सङ्क्षिप्त रूप। | |
| 16274 | किलोग्राम | ना. | एक हजार ग्राम बराबरको तौल वा राशिको एकाइ। | |
| 16275 | किलोग्राम | ना. | किलोमिटर - ना. सय मिटर अर्थात् एक माइलको ५/८ भाग बराबरको नापो। | |
| 16276 | किलोवाट | ना. | एक हजार वाट बराबरको विद्युत्शक्तिको एकाइ। | |
| 16277 | किलो २ | ना. | १. कुर्सी, टेबुल आदि बनाउँदा काठका टुक्रालाई हतौडीले हानेर जोड्न वा भित्ता आदिमा कुनै वस्तु झुन्ड्याउन खुटीका रूपमा समेत प्रयोग गरिने, एक छेउ मोडिएको र अर्को छेउ तिखारिएको, फलाम, काठ आदिको लाम्चो काँटा। | |
| 16278 | किलो २ | ना. | २. सुइरो। | |
| 16279 | किलो २ | ना. | ३. जमिन, भित्ता आदिमा ठोकेर वा गाडेर बस्तुभाउ बाँधिने काठ, फलाम आदिको लाम्चो टुक्रो। | |
| 16280 | किल्ला | ना. | १. सामरिक प्रतिरक्षाका निमित्त चारैतिरबाट घेरी सुरक्षित तुल्याइएको ठाउँ वा घर, गढी, गढ, दुर्ग; खावा; कोट। | |
| 16281 | किल्ला | ना. | २. सिमाना साँध। | |
| 16282 | किल्लाबन्दी | ना. | १. किल्ला बनाउने काम; व्यूहरचना। | |
| 16283 | किल्लाबन्दी | ना. | २. बुद्धिचालको खेलमा बादशाहलाई किस्त नलाग्ने गरी राखिने गोटी। | |
| 16284 | किल्ली | ना. | १. उपाय; युक्ति। | |
| 16285 | किल्ली | ना. | २. चलाकी, बठ्याइँ। | |
| 16286 | किल्ली | ना. | ३. दाउपेच। | |
| 16287 | किशलय | ना. | १. बोटबिरुवाबाट भर्खरै पलाएको कलिलो पात; पालुवा, पल्लव। | |
| 16288 | किशलय | ना. | २. कोपिला। | |
| 16289 | किशलय | ना. | ३. मुना, अङ्कुर। | |
| 16290 | किशोर | ना. | १. पन्ध्र वर्षभन्दा कम र एघार वर्षभन्दा बढी उमेरको केटो; अवयस्क ; नाबालक। | |
| 16291 | किशोर | ना. | २. घोडाको बच्चो; बछेडो। | |
| 16292 | किशोर | ना. | ३. छोरो, पुत्र। | |
| 16293 | किशोर | ना. | ४. बालसूर्य। | |
| 16294 | किशोर | ना. | वि. ५. एघार वर्षदेखि पन्ध्र वर्षभित्रको (केटो। | |
| 16295 | किशोरी | ना. | १. एघार वर्षदेखि पन्ध्र वर्षसम्मकी बालिका। | |
| 16296 | किशोरी | ना. | वि. २. त्यस उमेरकी (केटी)। | |
| 16297 | किष्किन्धा | ना. | दक्षिणी भारतको 'किष्किन्ध' नामक देशको राजधानी। | |
| 16298 | किसमिस | ना. | प्राय: बीज नहुने सुकेको मिठो दाख, सानो दाख। | |
| 16299 | किसान | ना. | खेतीपातीको काम गरेर जीविका चलाउने व्यक्ति; खेतीवाल; कृषक; कृषिजीवी; माटीकोरे। | |
| 16300 | किसानगिरी | ना. | किसानको काम वा पेसा, किसानी। |