|
|
|
|
|
|
|---|---|---|---|---|
| 16901 | कोर्ट | ना. | अदालत; न्यायालय। | |
| 16902 | कोर्ट फी | ना. | देवानी मुद्दा दर्ता गर्दा अदालतमा नियमसवालअनुसार टिकट वा बिगोको केही प्रतिशत धरौटी राख्नुपर्ने दस्तुर; अधिकरणशुल्क। | |
| 16903 | कोर्ट मार्सल | ना. | सैनिक अधिकारीहरूद्वारा मुद्दामामिला हेरिने अदालत; सैनिक अदालत। | |
| 16904 | कोर्ने | ना. | जमिन सम्म भएनभएको जाँच्ने एक यन्त्र। | |
| 16905 | कोऱ्याँसो | ना. | कुभिन्डो, मुला, काँक्रो, पिँडालु आदि कोरेर अचार, तरकारी बनाउन हुने गरी भुजुरी पार्ने धारिलो र ससाना प्वाल भएको धातुको दाँते साधन; कोरेँसो। | |
| 16906 | कोऱ्याककोऱ्याक | क्रि.वि. | काँक्रो, मुला, गाँजर आदि काँचैमा चपाउँदा पटकपटक आवाज निस्कने किसिमले। | |
| 16907 | कोऱ्याक्क | क्रि.वि. | काँक्रो, गाँजर, मुला आदि काँचैमा चपाउँदा अलि ठुलो आवाज आउने किसिमले; मऱ्याक्क। | |
| 16908 | कोऱ्याहा | वि. | १. कुष्ठ रोगले सताएको; कोर भएको। ना. | |
| 16909 | कोऱ्याहा | वि. | २. कसैलाई घृणापूर्वक गाली गर्दा प्रयोग हुने शब्द। स्त्री. कोऱ्याही। | |
| 16910 | कोर्रा | ना. | काठ वा बेतको समाउने मुठ भएको र छालाका लोतीहरूको चुल्ठी वा डोरी बाटिएको, घोडालाई तह लाउन वा अपराधीलाई कायल पार्न पिट्ने साधन। | |
| 16911 | कोल १ | ना. | १. गोरु वा मानिसले घुमाई उखु, तोरी, तेल आदि पेलेर तेल वा रस निकालिने काठले बनेको यन्त्र; साल । | |
| 16912 | कोल १ | ना. | २. नाइटादेखि माथि र घाँटीभन्दा तलको अङ्ग; छाती; कोख (प. ने.) । | |
| 16913 | कोल २ | ना. | तरकारी खाइने एक प्रकारको हिउँदे सिमी। | |
| 16914 | कोलम्बो | ना. | श्रीलङ्काको राजधानी। | |
| 16915 | कोलम्बो योजना | ना. | राष्ट्रमण्डलका तर्फबाट दक्षिण र दक्षिणपूर्वी एसियाका मित्र राष्ट्रहरूलाई दिइने सहायता। | |
| 16916 | कोलाँ | ना. | कोटालको माथिल्लापट्टि राखिने तेर्सो काठ; डँडाली। | |
| 16917 | कोलाकोला | ना. | १. केटाकेटीलाई नुहाउँदा चिसोले नआत्तियुन् र सातो नजाओस् भनी बालकको ध्यान आफूतिर तान्नका निम्ति भनिने शब्द। | |
| 16918 | कोलाकोला | ना. | २. कुनै काम, व्यवहारबाट आत्तिनुपर्ने स्थिति; के गरूँ, कसो गरुँ हुने सङ्कटपूर्ण अवस्था। | |
| 16919 | कोलाहल | ना. | कुनै अत्यासिलो अवस्थामा धेरै मानिसले बोलेको टाढासम्म सुनिने अस्पष्ट आवाज; अत्तालिँदो होहल्ला; कोहोलो; कोकोहोलो। | |
| 16920 | कोली | ना. | १. प्रेमीप्रेमिकाको प्रेमालापका प्रसङ्गमा काखलाई बुझाउने शब्द; ठिटाठिटीको मायालु काख। | |
| 16921 | कोली | ना. | २. नेपालीको एउटा थर। | |
| 16922 | कोली भाट | ना. | नेपालीकै एउटा थर। | |
| 16923 | कोलोनी | ना. | १. साम्राज्यवादी देशहरूले आफ्नो व्यापार, शिक्षा, प्रशासन आदि विभिन्न प्रभाव फैलाएको क्षेत्र; उपनिवेश। | |
| 16924 | कोलोनी | ना. | २. कुनै कुनै वर्गीय वा पेसागत व्यक्तिका समुदायले बसोबास गरेको क्षेत्र। | |
| 16925 | कोलोनी | ना. | ३. सहरी क्षेत्रमा व्यवस्थित किसिमले बनाइएको वा बसाइएको बस्ती। | |
| 16926 | कोल्टे | वि . | सिधा वा आँखासोझी नभई दायाँबायाँतिर ढल्केको; कोल्टो परेको; आँखा छलिएको। | |
| 16927 | कोल्टो | ना. | १. सिधा र सरल नभई टेढोमेढो परेको ठाउँ वा वस्तु। | |
| 16928 | कोल्टो | ना. | २. दायाँ वा बायाँ कोखले टेकेर छड्के सुत्ने ढाँचा। वि. | |
| 16929 | कोल्टो | ना. | ३. आँखासोझी नभएको; पायक नपरेको; अपाही। | |
| 16930 | कोल्था | ना. | अल्लाको पाटबाट तयार पारिने बोरा वा नाम्लाजस्तो घरेलु वस्तु। | |
| 16931 | कोविद | ना. | १. विद्या र बुद्धि भएको; विद्वान्; पण्डित। | |
| 16932 | कोविद | ना. | २. अनुभवी तथा कुशल; निपुण; पोख्त। | |
| 16933 | कोविदार | ना. | कोइरालोको वृक्ष वा फूल; कोइरालो। | |
| 16934 | कोश | ना. | १. अन्नपात वा धनमाल सुरक्षित राख्ने भण्डार; ढुकुटी; खजाना; कोष। | |
| 16935 | कोश | ना. | २. कुनै निश्चित क्रमनियम तथा वर्णव्याकरणात्मक व्यवस्थाअनुसार शब्दहरू भेला पारी प्रत्येक शब्दको अर्थ लेखिएको ग्रन्थ; शब्दकोश। | |
| 16936 | कोश | ना. | ३. तरबार, खुकुरी आदि हतियारको दाप। | |
| 16937 | कोश | ना. | ४. कुनै वस्तु वा जीवको खोल (अन्नमय, प्राणमय, मनोमय, विज्ञानमय र आनन्दमय )। | |
| 16938 | कोश | ना. | ५. रुखबिरुवा वा सागपातको फूल। | |
| 16939 | कोश | ना. | ६. कोपिला; कोसो; कोयो। | |
| 16940 | कोश | ना. | ७. अण्ड; अण्डकोश। | |
| 16941 | कोशकार | ना. | १. शब्दकोशको सम्पादन गर्ने व्यक्ति वा कोशको निर्माता। | |
| 16942 | कोशकार | ना. | २. धन राख्ने भाँडो वा तरबार, खुकुरी राख्ने दाप बनाउने व्यक्ति। | |
| 16943 | कोशकार | ना. | ३. आफ्नो आवरण वा कोश स्वयम् बनाइने अर्थमा रेसमको किरो। | |
| 16944 | कोशकार | ना. | ४. स्वयम् जालो बुन्ने अर्थमा माकुरो। | |
| 16945 | कोशपाल | ना. | ढुकुटीको सुरक्षा गर्ने व्यक्ति, भँडारे; खजान्ची। | |
| 16946 | कोशविज्ञान | ना. | कोशरचनासम्बन्धी विज्ञान; शब्दकोशका निर्माणकलाको सिद्धान्त विवेचना भएको विद्या। | |
| 16947 | कोशवृद्धि | ना. | १. भण्डारको अभिवृद्धि हुने वा धनसम्पत्ति बढ्ने काम। | |
| 16948 | कोशवृद्धि | ना. | २. अण्डकोश ठुलो हुने रोग। | |
| 16949 | कोशागार | ना. | अन्नपात वा धनसम्पत्ति सञ्चय गर्ने घर; ढुकुटी; धनसार; भण्डार। | |
| 16950 | कोशाध्यक्ष | ना. | हे. कोषाध्यक्ष। |