|
|
|
|
|
|
|---|---|---|---|---|
| 17101 | क्याकक्याकी/क्याकक्याकती | क्रि.वि. | त्यसरी नै सास रोकिएर छिटो छिटो शब्द निस्कने किसिमसँग। | |
| 17102 | क्याक्क | क्रि.वि. | घाँटी अँठ्याउँदा सास रोकिनाले शब्द निस्कने किसिमले; किक्क; किक्लिक्क। | |
| 17103 | क्याचक्याच | क्रि.वि. | लगातार थिचिरहने किसिमले। | |
| 17104 | क्याचक्याची/क्याचक्याच्ती | क्रि.वि. | त्यसरी नै अझ छिटो थिच्ने किसिमसित। | |
| 17105 | क्याचुक | ना. | १. ढुङ्गेन जग्गाको ढिस्कोमा उम्रने सिउँडीको एक जात। | |
| 17106 | क्याचुक | ना. | २. शारीरिक अवयव ठिक ठिक नभएको व्यक्ति। | |
| 17107 | क्याच्च | क्रि.वि. | कसैलाई थेप्चो पारेर थिच्ने चाल वा किसिमले। | |
| 17108 | क्याजुयल | वि. | पहिले थाहा नपाएको तर अपर्झट परिआउने; आकस्मिक; खण्डे। | |
| 17109 | क्याजुयल कनेक्सन | ना. | आकस्मिक वा अस्थायी रूपमा जडिने टेलिफोनको जडान। | |
| 17110 | क्याजुयल बिदा | ना. | आकस्मिक बिदा; भइपरिआउने बिदा। सङ्क्षे.- क्या. बि.। | |
| 17111 | क्यान | क्रि.वि. | के कारणका लागि; किन ( उदा.- क्या भन्छन् ति कि राम ईश्वर भया शोक् क्यान तिन्ले गऱ्या। - भानुभक्तको रामायण)। | |
| 17112 | क्यानरी | ना. | प्राय: पहेँलो रङको, मिठो बोली बोल्ने, भँगेराजत्रो सानो एक जातको चरो। | |
| 17113 | क्यान्सर | ना. | हाड, मासु, रगत आदिमा असर गरेर बिस्तारै बढ्दै जाने वा शरीरबाहिरको मासुमा खटिराको रूपमा निस्की काउलीको फूल जस्तै बढेर अन्तमा मृत्युसम्म गराउन सक्ने भयङ्कर रोग। | |
| 17114 | क्याप्टेन | ना. | हे. कप्तान। | |
| 17115 | क्याप्प | क्रि.वि. | हात, सनासो आदिले समाउने वा दाँतले एकैपल्ट टोक्ने किसिमले; ट्याप्प। | |
| 17116 | क्याबात | वि. बो. | कुनै राम्रो काम वा बहादुरीका निम्ति पिठ्युँमा धाप मारेर र त्यसै पनि प्रोत्साहन दिँदा प्रयोग गरिने शब्द; स्याबास। (उदा.- क्याबात, वीरहरूले देशका निम्ति खुप लडेछन्!)। | |
| 17117 | क्याबिन | ना. | १. अस्पतालमा रोगीलाई राख्न व्यवस्था गरिएको छुट्टै विशेष कोठो। | |
| 17118 | क्याबिन | ना. | २. व्यक्तिगत कोठो। | |
| 17119 | क्याबिन | ना. | ३. जहाजमा बस्नसुत्न हुने सानो कोठो। | |
| 17120 | क्याबिनेट | ना. | १. प्रमुख मन्त्रीहरू बसेर आवश्यक र महत्त्वपूर्ण विषयमा निर्णय लिने बैठक; मन्त्रीहरूको सभा। | |
| 17121 | क्याबिनेट | ना. | २. मन्त्रिमण्डल; मन्त्रिपरिषद्। | |
| 17122 | क्यामकल | ना. | औँठी, फुली, ढुङ्ग्री आदिमा जडिने टल्कने पत्थरविशेष। | |
| 17123 | क्यामरा | ना. | कुनै व्यक्ति, दृश्य वा स्थलको दुरुस्त चित्र आउने गरी फोटो खिच्ने यन्त्र; छायाङ्कन गर्ने वा तस्बिर खिच्ने वैज्ञानिक उपकरण। | |
| 17124 | क्यामुनु | ना. | तीन अङ्गुलजति फराक र एक कुरेतबराबर लामा चिल्ला पात हुने, पहेँलो फूल फुल्ने र बोक्रा नसको काममा एक प्रकारको रुख। | |
| 17125 | क्याम्प | ना. | १. कम्पाउन्ड; हाता; गिर्दा; क्याम्पा। | |
| 17126 | क्याम्प | ना. | २. सिपाहीहरू गएर बसोबास गर्ने ठाउँ; शिविर। | |
| 17127 | क्याम्प खाट | ना. | क्याम्पमा रोगीलाई अस्पताल पुऱ्याउने खाट। | |
| 17128 | क्याम्प फायर | ना. | सिपाहीहरूले विशेष उत्सवमा वा तालिम लिँदा बन्दुक आदि पड्काउने काम। | |
| 17129 | क्याम्पस | ना. | प्रमाणपत्र वा आई. ए. तह र सोभन्दा माथिको उच्च शिक्षा प्रदान गर्ने शैक्षिक संस्था; विद्यापीठ; पहिलेको कलेज वा महाविद्यालय। | |
| 17130 | क्याम्पस प्रमुख | ना. | क्याम्पसको प्रशासनिक तथा प्राज्ञिक कार्यसञ्चालन गर्ने प्रमुख व्यक्ति। | |
| 17131 | क्याम्पा | ना. | चारैतिर पर्खाल वा बारले घेरिएको घरजग्गा वा कार्यालय; गिर्दा; हाता; क्याम्प। | |
| 17132 | क्यार | निपा. | वाक्यको पछाडि लागेर संशय बुझाउने अव्यय, क्यारे। (उदा.- भाइहरू घर आएका छैनन् क्यार ! ) | |
| 17133 | क्यारम बोर्ड | ना. | दुई रङका ससाना गोटी स्टाइगरले हुत्त्याएर निर्धारित छिद्रमा पसाली घरकोठामा खेलिने खेलमा प्रयुक्त तख्ता वा बोर्ड। | |
| 17134 | क्यारी | ना. | १. ससाना बोटबिरुवा लगाउन लाम्चो ड्याङ वा खाल्डो पारी बनाइएको खलो। | |
| 17135 | क्यारी | ना. | २. बगैँचाका बाटाका दुवैतिर फूलको बिरुवा वा घारी लगाइएको त्यस्तो लाम्चो ठाउँ। | |
| 17136 | क्यारे | निपा. | शङ्का, संशय आदि बुझाउन वाक्यको पछाडि प्रयुक्त हुने अव्यय। (उदा.- तपाईंले भन्नुभएको कुरो होइन क्यारे !) | |
| 17137 | क्याल्कुलेटर | ना. | जोड-घटाउ, भाग- गुणन र वर्गमूल, प्रतिशत आदिको हिसाब तुरुन्त निकाल्न सक्ने वैज्ञानिक उपकरण; गणक। | |
| 17138 | क्यालेन्डर | ना. | वर्षभरिका महिना, गते, वार, छुट्टीका दिन तथा चाडपर्व आदि अङ्कित गरिएको, भित्तामा झुन्ड्याइने छोटकरी पात्रो; भित्तेपात्रो। | |
| 17139 | क्युरिओ / क्युरियो | ना. | १. कुनै देशको निजत्व झल्काउने मूर्ति, मुद्रा, कपडा वा यस्तै सांस्कृतिक महत्त्वका वस्तु बिक्री गरिने पसल। | |
| 17140 | क्युरिओ / क्युरियो | ना. | २. त्यस्ता सांस्कृतिक महत्त्वका वस्तु राखिने ठाउँ। | |
| 17141 | क्रकुच्छन्द | ना. | भद्र नामक कल्पका पाँच बुद्धमध्ये श्लेष्मान्तक वनमा तपस्या गर्ने भनी प्रसिद्ध एक प्राचीन मानव बुद्ध। | |
| 17142 | क्रतु | ना. | कुनै पर्व वा अन्य दिनमा गरिने धार्मिक कार्य; हवन; यज्ञ। | |
| 17143 | क्रन्दन | ना. | १. दुःखपूर्ण चिच्च्याहट; विलाप; रुवाइ। | |
| 17144 | क्रन्दन | ना. | २. युद्ध निम्ति गरिएको आह्वान; हाँक। | |
| 17145 | क्रम | ना. | १. बिचमा नरोकिई चल्दै आउने प्रक्रिया; सिलसिला; मेलो। | |
| 17146 | क्रम | ना. | २. रुल; नियम। | |
| 17147 | क्रम | ना. | ३. पाइलो चलाइ; कदम; फड्को। | |
| 17148 | क्रमबद्ध | वि. | सिलसिला मिलाइएको। | |
| 17149 | क्रमबद्धता | ना. | क्रम मिलेको अवस्था वा पन। | |
| 17150 | क्रमविहीन | वि. | क्रम नभएको। |