|
|
|
|
|
|
|---|---|---|---|---|
| 18251 | कौशिक | ना. | २. विश्वामित्र। | |
| 18252 | कौशिक | ना. | ३. इन्द्र देवराज। | |
| 18253 | कौशिक | ना. | ४. लाटोकोसेरो। | |
| 18254 | कौशिक गोत्र | ना. | कौशिक ऋषिको कुल वा वंशको परिचयात्मक नाम कुशिक वंशबाट प्रवर्तित रेग्मी, विणारी, रिमाल, ढुड्गाना, तिवारी, लुइँटेल, पुडासैनी, रघुवंशी, भँडारी, खप्तरी विष्ट, खप्तरी बुढाथोकी, खप्तरी खड्का, रायमाझी, खप्तरी बस्नेत र बानियाँहरूको गोत्र। | |
| 18255 | कौशिकी | ना. | कोशी नदी, सप्तकोसी। | |
| 18256 | कौशेय | वि. | १. रेसमको धागोबाट बनेको; रेसमी। | |
| 18257 | कौशेय | वि. | ना. २. रेसम नामको किराबाट बनेको एक प्रकारको तन्तु, रेसम। | |
| 18258 | कौस | वि. | रेसमको धागोबाट बनेको रेसमी। | |
| 18259 | कौस | वि. | कुशबाट निर्मित; कुशसम्बन्धी; कुशको। | |
| 18260 | कौसल | ना. | १. नेपालमा राणाकालताका कुनै जल्दोबल्दो विषयमा विशेष विचार पुयाई निर्णयमा पुग्न खड़ा गरिएको सभा वा शासकलाई शासनसम्बन्धी सरसल्लाह पुयाउने त्यस्तो अड्डा। | |
| 18261 | कौसल | ना. | २. कानुनविद्हरूको सभा, कानुन तथा न्यायसम्बन्धी काम गर्ने अड्डा। | |
| 18262 | कौसल्या | ना. | दक्षिण कोसलकी राजकुमारी तथा उत्तर कोसलका राजा दशरथकी जेठी रानी, रामचन्द्रकी आमा। | |
| 18263 | कौसी | ना. | घरका तलाहरूमा खास गरी बुइँगल तलामा घाम ताप्न वा गर्मी छल्न छाना नहाली बनाइएको खुला ठाउँ, अटाली वा बुजविशेष। | |
| 18264 | कौसी | ना. | सरकारी आम्दानीखर्चको फाँटवारी हिसाबसमेत राख्ने नेपालको पुरानो सरकारिया ढुकुटी। | |
| 18265 | कौसी तोसाखाना | ना. | एकतन्त्री जहानियाँ शासनकालसम्म कायम रहेको र विभिन्न प्रकारका व्यावसायिक ब्याङ्कहरू चल्तीमा आउनुभन्दा पहिले नै नेपालको चल धनसम्पत्ति राख्ने जिल्ला जिल्लाको र सदरको ढुकुटी अड्डा। | |
| 18266 | कौस्तुभ | ना. | समुद्रमन्थनमा निस्केको, विष्णुको वक्षस्थलमा लाइने एक प्रसिद्ध मणि वा रत्न। | |
| 18267 | क्या | निपा. | उदेक, खुसी, झर्को, सम्भावना, शङ्का आदि जनाउने वा कुनै कुरामा जोड दिन प्रयुक्त हुने अव्यय, के कस्तो; कत्तिको; खुप। | |
| 18268 | क्या | निपा. | (उदा.- बिनसित्ति पनि क्या झमेला आइलाग्यो बा ! आज फुटबल हेर्दा क्या मजा भयो ! मैले अस्ति नै भनेको कुरो क्या, बिस्य कि कसो ? )। | |
| 18269 | क्याँक्नु | स. क्रि. | अर्द्धचन्द्राकार हत्केलाले पछाडिपट्टि घाँटी समातेर अँचेट्नु, घोक्रो समाउनु, उँधो मुन्टो पारी पिठ्यूँबाट याक्नु। | |
| 18270 | क्याँकक्याँक | ना. | हाँस, मुजुर, सुगा आदि चरा कराउँदा निस्कने शब्द वा बोली। | |
| 18271 | क्याँकिनु | क.क्रि. | क्याँक्ने काम गरिनु। | |
| 18272 | क्याँकी | ना. | १. मानिस वा पशुको गलो; घोक्रो, घाँटी। | |
| 18273 | क्याँकी | ना. | २. एक जातको चरो। | |
| 18274 | क्याँकी | ना. | वि. ३. निम्नस्तरीय, सामान्य सुझबुझ पनि नभएको। | |
| 18275 | क्याँट | ना. | १. कागजी मुद्रा वा नोटको बिटो गड्डागड्डा पारिएको कागजी मुद्रा। | |
| 18276 | क्याँट | ना. | २. मोटो रकम पुँजी, जेथा। | |
| 18277 | क्याटवाल | वि. | धनी, पैसावाल। | |
| 18278 | क्याउँक्याउँ | ना. | १. नचाहिंदो वा नहुने कुरामा पनि झर्कोलाग्दो गरी कराउने काम, कचकच। | |
| 18279 | क्याउँक्याउँ | ना. | २. सामान्य कुरामा पनि हल्ला हुने गरी भएको खलबल, ख्याउँख्याउँ। | |
| 18280 | क्याकक्याक | क्रि.वि. | घाँटी अँठ्याउँदा सास रोकिएर एकनासले शब्द निस्कने किसिमले। | |
| 18281 | क्याकक्याकी/क्याकक्याकती | क्रि.वि. | त्यसरी नै सास रोकिएर छिटो छिटो शब्द निस्कने किसिमसँग। | |
| 18282 | क्याक्क | क्रि.वि. | घाँटी अँठ्याउँदा सास रोकिनाले शब्द निस्कने किसिमले किक्क, किक्लिक्क। | |
| 18283 | क्याचक्याच | क्रि.वि. | लगातार थिचिरहने किसिमले। | |
| 18284 | क्याचक्याची/क्याचक्याच्ती | क्रि.वि. | त्यसरी नै अझ छिटो थिच्ने किसिमसि। | |
| 18285 | क्याचुक | ना. | १. ढुङ्गेन जग्गाको ढिस्कोमा उम्रने सिउँडीको एक जा। | |
| 18286 | क्याचुक | ना. | २. शारीरिक अवयव ठिक ठिक नभएको व्यक्ति। | |
| 18287 | क्याच्च | क्रि.वि. | कसैलाई थेप्चो पारेर थिच्ने चाल वा किसिमले। | |
| 18288 | क्याजुयल | वि. | पहिले थाहा नपाएको तर अपर्झट परिआउने; आकस्मिक; खण्डे। | |
| 18289 | क्याजुयल कनेक्सन | ना. | आकस्मिक वा अस्थायी रूपमा जडिने टेलिफोनको जडान। | |
| 18290 | क्याजुयल बिदा | ना. | आकस्मिक बिदा भइपरिआउने बिदा। | |
| 18291 | क्याजुयल बिदा | ना. | सङ्क्षे.- क्या..। | |
| 18292 | क्यान | क्रि.वि. | के कारणका लागि किन ( उदा.- क्या भन्छन् ति कि राम ईश्वर भया शोक् क्यान तिन्ले गया। - भानुभक्तको रामायण)। | |
| 18293 | क्यानरी | ना. | प्राय: पहेँलो रङको, मिठो बोली बोल्ने, भँगेराजत्रो सानो एक जातको चरो। | |
| 18294 | क्यान्सर | ना. | हाड, मासु, रगत आदिमा असर गरेर बिस्तारै बढ्दै जाने वा शरीरबाहिरको मासुमा खटिराको रूपमा निस्की काउलीको फूल जस्तै बढेर अन्तमा मृत्युसम्म गराउन सक्ने भयङ्कर रोग। | |
| 18295 | क्याप्टेन | ना. | हे. कप्तान। | |
| 18296 | क्याप्प | क्रि.वि. | हात, सनासो आदिले समाउने वा दाँतले एकैपल्ट टोक्ने किसिमले ट्याप्प। | |
| 18297 | क्याबात | वि. बो. | कुनै राम्रो काम वा बहादुरीका निम्ति पिठ्यूँमा धाप मारेर र त्यसै पनि प्रोत्साहन दिँदा प्रयोग गरिने शब्द, स्याबास। | |
| 18298 | क्याबात | वि. बो. | (उदा.- क्याबात, वीरहरूले देशका निम्ति खुप लडेछन्!)। | |
| 18299 | क्याबिन | ना. | १. अस्पतालमा रोगीलाई राख्न व्यवस्था गरिएको छुट्टै विशेष कोठो। | |
| 18300 | क्याबिन | ना. | २. व्यक्तिगत कोठो। |