|
|
|
|
|
|
|---|---|---|---|---|
| 1901 | अतिरञ्जन/अतिरञ्जना | ना. | २. उडन्ता वा तिलस्मी किसिमले कुनै घटना वा पात्र आदिको वर्णन गर्ने काम। | |
| 1902 | अतिरञ्जित | वि. | अतिरञ्जन गरिएको; वास्तवमा भएभन्दा बढाईचढाई बयान गरिएको। | |
| 1903 | अतिरथी | ना. | रथीहरूमा सबभन्दा ठुलो पद; नेपाली सैनिकमा अङ्ग्रेजी सेनाको फिल्डमार्सल तह बराबरको पदवी। | |
| 1904 | अतिरिक्त | वि. | १. भएकामा अरू थप। | |
| 1905 | अतिरिक्त | वि. | २. चाहिँदोभन्दा बढ्ता ; फाल्तु। | |
| 1906 | अतिरिक्त | वि. | ३. उब्रिएको; उब्रने। | |
| 1907 | अतिरिक्त | वि. | ना. यो. ४. बाहेक। | |
| 1908 | अतिरिक्त | वि. | क्रि.वि. ५. बेसीमा; बढीमा। | |
| 1909 | अतिरिक्त आय | ना. | नियमित आम्दानीभन्दा बेसी आम्दानी | | |
| 1910 | अतिरिक्त कर | ना. | सामान्य करभन्दा बढी कर। | |
| 1911 | अतिरिक्त क्रियाकलाप | ना. | शिक्षणसंस्थामा विद्यार्थीका लागि निर्धारित पाठ्यवस्तुभन्दा बाहिरको क्रियाकलाप ( खेलकुद, नाटक, वादविवाद इ.)। | |
| 1912 | अतिरिक्त न्यायाधीश | ना. | काममा तैनाथ मुख्य न्यायाधीशको मातहतमा नियुक्त थप न्यायाधीश | | |
| 1913 | अतिरिक्त पत्र | ना. | प्रमुख पत्रसँगै थपिएको अर्को पत्र। | |
| 1914 | अतिरिक्त बजेट | ना. | सामान्य बजेटदेखि भिन्न थप बजेट; विकास बजेट | | |
| 1915 | अतिरिक्त भार | ना. | सामान्य काम, खर्च आदिभन्दा बढी पर्न गई हुने बोझ। | |
| 1916 | अतिरिक्त लाभ | ना. | सामान्यभन्दा धेर मात्रामा प्राप्त हुन आएको लाभ वा लाभांश। | |
| 1917 | अतिरिक्त व्यय | ना. | निर्धारितभन्दा धेर खर्च; सामान्यभन्दा धेर खर्च। | |
| 1918 | अतिरिक्त हुलाक | ना. | सरकारबाट स्वीकृति प्राप्त गरी स्थानीय जनसहयोगबाट सञ्चालित हुलाक; छोटी हुलाकभन्दा तल्लो तहको हुलाक। | |
| 1919 | अतिरिक्ताङ्क | ना. | १. नियमित समयमा प्रकाशित हुने पत्रपत्रिकाको अङ्कबाहेक खास अवसरमा निकालिने थप अङ्क। | |
| 1920 | अतिरिक्ताङ्क | ना. | २. पत्रपत्रिका आदिले खास दिन वा अवसरमा थपेर निकालेको अतिरिक्त पृष्ठ (जस्तो -शनिवासरीय अतिरिक्ताङ्क)। | |
| 1921 | अतिरुचिरा | ना. | जगण, भगण, सगण र जगणद्वारा बन्ने बाह्र अक्षर भएको र चौथो अक्षरमा यति भएको वार्णिक छन्द। | |
| 1922 | अतिरेक | ना. | १. आवश्यकताभन्दा बढी मात्रामा भएको स्थिति। | |
| 1923 | अतिरेक | ना. | २. हुनुपर्नेभन्दा बढी भएको अवस्था। | |
| 1924 | अतिरेक | ना. | ३. अतिरिक्त प्रचुरता; आधिक्य; पउल (भावातिरेक, हर्षातिरेक इ.)। | |
| 1925 | अतिवादी | वि. | १. कुनै कुरा, सिद्धान्त वा काममा पराकाष्ठामा पुग्ने; उग्र। | |
| 1926 | अतिवादी | वि. | २. ज्यादै क्रान्तिकारी; उग्रपन्थी; उग्रवादी ; चरमपन्थी। | |
| 1927 | अतिविस्तार | ना. | १. कुनै वस्तु, विषय वा कामकुराको सुहाउँदोभन्दा धेर विस्तार। | |
| 1928 | अतिविस्तार | ना. | २. कुनै कामकुरा ज्यादै लम्बेतान भएको स्थिति। | |
| 1929 | अतिविस्तार | ना. | ३. लाग्नुपर्नेभन्दा ज्यादै समयको व्यय। | |
| 1930 | अतिवृष्टि | ना. | १. चाहिनेभन्दा बढी परेको झरी। | |
| 1931 | अतिवृष्टि | ना. | २. हानिनोक्सानी पुऱ्याउने वर्षा वा झरी। | |
| 1932 | अतिव्याप्ति | ना. | १. फैलनुपर्नेभन्दा बढी फैलाइ। | |
| 1933 | अतिव्याप्ति | ना. | २. विशेष वस्तुलाई सामान्य लक्षणद्वारा परिभाषित गर्दा हुने तर्कशास्त्रीय वा न्यायशास्त्रीय दोष। | |
| 1934 | अतिशक्करी | ना. | १. साठी इन्च बराबरको परिमाण। | |
| 1935 | अतिशक्करी | ना. | २. हरेक पाउमा पन्ध्र अक्षर हुने, शास्त्रीय छन्दको एक भेद। | |
| 1936 | अतिशय | क्रि.वि. | १. ज्यादै; अत्यन्। | |
| 1937 | अतिशय | क्रि.वि. | ना. २. कुनै कुराको उत्तरोत्तर सम्भावना वा असम्भावना देखाउने एक लक्षण। | |
| 1938 | अतिशयोक्ति | ना. | वास्तविकताभन्दा बेसी बढाईचढाई राम्रो पारी भनिएको कुरामा हुन आउने एक अलङ्कार; उपमानलाई तिरस्कार गरी उपमेयलाई नै उपमानका स्थानमा प्रस्तुत गर्दा हुन आउने एक अर्थालङ्कार। | |
| 1939 | अतिशयोक्ति | ना. | (उदा.- चन्द्रमामा दुईवटा कमल हुँदा हुन् त उनको मुहुडाको उपमा दिन सकिन्थ्यो।)। | |
| 1940 | अतिसार | ना. | खाएका कुरा नपची पातलो दुर्गन्धी दिसा भइरहने रोग; आउँको रोग। | |
| 1941 | अतीत | वि. | १. बितेको; गएको; भइसकेको; भू। | |
| 1942 | अतीत | वि. | २. मरेको ; मृ। | |
| 1943 | अतीत | वि. | ना. ३. बितेको समय; गुज्रेको काल; उहिलेको काल। | |
| 1944 | अतीन्द्रिय | वि. | १. इन्द्रियको पहुँचभन्दा बाहिरको; इन्द्रियद्वारा थाहा पाउन नसकिने; अगोचर। | |
| 1945 | अतीन्द्रिय | वि. | ना. २. साङ्ख्यदर्शनका अनुसार परमात्मा। | |
| 1946 | अतीन्द्रिय | वि. | ३. वेदान्तका अनुसार मन। | |
| 1947 | अतीव | क्रि.वि. | खुबै; ज्यादै; अत्यन्त; अत्यन्तै; असाध्यै। | |
| 1948 | अतीस | ना. | लामालामा फूल फुली किम्बुको जस्तो फल लाग्ने एक प्रकारको उत्तिसजस्तो रुख। | |
| 1949 | अतुकान्त | वि. | अन्त्यमा तुक नमिलेको; अन्त्यानुप्रासविहीन। | |
| 1950 | अतुल | वि. | १. अन्दाज गर्न वा तौलिन नसकिने। |