|
|
|
|
|
|
|---|---|---|---|---|
| 21051 | गङ्गाजमुना | ना. | १. महाभारत वा अन्य पुराणले र भारतवर्षको प्राचीन इतिहासले चर्चा गर्दै आएका, पुण्यका स्रोत मानिने, प्रयागमा मिलेका दुई नदी; गङ्गा र जमुना नदी; पाण्डवहरूको तीर्थयात्रामा चर्चित गङ्गा र कृष्णको कालीयदमनमा चर्चित नदी। | |
| 21052 | गङ्गाजमुना | ना. | २. कुनै पनि जुम्ल्याही दिदीबहिनी (नाम राख्ने चलनअनुसार)। | |
| 21053 | गङ्गाजमुनी | ना. | १. नित्यकर्म तथा पूजाआजामा पानी चढाउन प्रयोग गरिने, तामो, पित्तल आदि धातु मिसाएर बनाइएको (जलपात्र)। | |
| 21054 | गङ्गाजमुनी | ना. | २. पित्तल वा ढलोट र फलाम गाँसी सितारमा जड्नका लागि बनाइएको पर्दा। | |
| 21055 | गङ्गाजल | ना. | गङ्गा नदीको पानी; भागीरथीको जल (प्रायः देव-पितृकार्यमा प्रयोग गरिने वा स्वच्छता, पवित्रता र निर्मलताको सङ्केत दिने अर्थमा, उदा.- गङ्गाजलले सूर्यलाई अर्घ। - उखान)। | |
| 21056 | गङ्गा दशहरा | ना. | ज्येष्ठ शुक्ल प्रतिपदादेखि आरम्भ भई नियमित रूपमा स्नान गरी दशमीका दिन पापविमोचनका निम्ति हुने उत्सव ; दशहरास्नानको समापन समारोह; दशहरा। | |
| 21057 | गङ्गाद्वार | ना. | गङ्गा नदीले पहाडको बाटो छिचोली तराई प्रवेश गर्न लागेका ठाउँमा पर्ने तीर्थ; हरिद्वार। | |
| 21058 | गङ्गाधर | ना. | शिरमा गङ्गाको वेग वहन गर्ने महादेव, शिव। | |
| 21059 | गङ्गापुत्र | ना. | १. शन्तनु तथा गङ्गाका छोरा ; भीष्म। | |
| 21060 | गङ्गापुत्र | ना. | २. गङ्गातटमा बसेर दान-दक्षिणा लिने ब्राह्मण; पण्डा। | |
| 21061 | गङ्गामाटी | ना. | गङ्गा नदीका स्पर्शले बराबर पखालेर पवित्र बनाइएको माटो; नदीका तटको माटो। | |
| 21062 | गङ्गायात्रा | ना. | १. मरण निश्चय भइसकेपछि बिरामीलाई जिउँदै घाटमा लैजाने काम। | |
| 21063 | गङ्गायात्रा | ना. | २. मृत्यु; मरण; परलोकको यात्रारम्भ। | |
| 21064 | गङ्गालहरी | ना. | हावाका वेगले उठ्ने गङ्गाको तरङ्ग वा लहर। | |
| 21065 | गङ्गालहरी | ना. | २. महाकवि जगन्नाथरचित गङ्गाविषयक प्रसिद्ध स्तुति-साहित्य। | |
| 21066 | गङ्गालाभ | ना. | हिन्दू-संस्कारअनुसार मोक्षपद प्राप्तिको कारण मानिने पवित्र स्थल, पुण्यनदी आदिमा भएको मरणः गङ्गातटको मृत्यु। | |
| 21067 | गङ्गासागर | ना. | समुद्रमा गङ्गा मिलेको ठाउँ, हिन्दूहरूको एक प्रख्यात तीर्थ जनकपुरको एक प्रसिद्ध ताल। | |
| 21068 | गच्कनु | अ.क्रि. | मनको खुसी वा फुर्ती देखाउने गरी गजक्क पर्नु गम्कनु। | |
| 21069 | गच्काइ | ना. | गच्कने क्रिया वा प्रक्रिया। | |
| 21070 | गच्काइनु | क.क्रि. | गच्कने पारिनु। | |
| 21071 | गच्काउनु | प्रे.क्रि. | गम्काउनु। | |
| 21072 | गच्किनु | अ.क्रि. | गच्कनु। | |
| 21073 | गच्छ्गच्छ | ना. | १. जानुपर्ने ठाउँमा जाने वा आफ्नोआफ्नो बाटो लाग्ने काम; लाखापाखा ; यत्रतत्र। | |
| 21074 | गच्छ्गच्छ | ना. | २. विसर्जन, समाप्ति; टुङ्ग्याउनी। | |
| 21075 | गच्छे | ना. | १. जुनसुकै काम गर्न आवश्यक पर्ने भौतिक वा बौद्धिक साधन; सामर्थ्य; औकात; हैसिय। | |
| 21076 | गच्छे | ना. | २. आर्थिक क्षमता; पुँजी; सम्पत्ति। | |
| 21077 | गच्छे | ना. | ३. हकदार वा प्रतिनिधिलाई हक बुझाइदिने काम जिम्मा। | |
| 21078 | गच्छ्याइ | ना. | गच्छ्याउने भाव, क्रिया वा प्रक्रिया। | |
| 21079 | गच्छ्याइनु | क.क्रि. | गँसाइनु; जोडाइनु; खप्ट्याइनु। | |
| 21080 | गच्छ्याउनु | स.क्रि. | १. एकभन्दा बढी वस्तु वा टुक्राहरू गाँस्नु जोड्नु, खाप्नु, अन्तर्भाव गराउनु; मिलाउनु; जोल्ट्याउनु; अल्झाउनु। | |
| 21081 | गच्छ्याउनु | स.क्रि. | [गच्छे+आउ+नु] २. अर्काको मालसामान बुझाउनु; नासो जिम्मा लाइदिनु। | |
| 21082 | गज | ना. | १. हात्ती। | |
| 21083 | गज | ना. | २. ज्योतिषशास्त्रमा आठको अङ्क। | |
| 21084 | गज | ना. | १.गजप्रणालीमा सोह्र गिरा वा छत्तीस इन्च अर्थात् तीन फुट लमाइको नापो। | |
| 21085 | गज | ना. | २. दुई हात लमाइ बराबरको नाप्ने डन्डी। | |
| 21086 | गज | ना. | ३. सारङ्गी, बेला आदि बजाउने साधन; कमानी; गजो। | |
| 21087 | गज | ना. | ४. घाउ-खटिरा आदिमा औषधी लगाइने सुत्लो। | |
| 21088 | गज | ना. | ५. कुनै वस्तुको चौडाइतिरको भाग। | |
| 21089 | गज | ना. | ६. भरुवा बन्दुकमा बारुद र लत्ता खाँद्ने फलामे डन्डी। | |
| 21090 | गज | ना. | वि. ७. दुई हात लमाइ भएको; तीन फुटको। | |
| 21091 | गजक | ना. | रक्सी खाइसकेपछि मुखको स्वाद फेर्न खाइने मसला जातको कुनै खानेकुरो। | |
| 21092 | गजक्क | क्रि.वि. | रिसले वा फुर्ती र धाकले गम्किने गरी; गमक्क। | |
| 21093 | गजगज | क्रि.वि. | १. गिलो वा लेदो वस्तुलाई मुछ्ने वा मथेल्ने किसिमले। | |
| 21094 | गजगज | क्रि.वि. | २. मान्छेले रोगले आक्रमण गरेका बेला अथवा बस्तुभाउले त्यस्तै साह्रो घाँस खाएका बेला मुखबाट फिँज काढ्ने गरी। | |
| 21095 | गजगजी | क्रि.वि. | शीघ्रताका साथ मुखबाट फिँज निस्कने किसिमले। | |
| 21096 | गजगिरी | ना. | पुल, साँघु आदि बनाउँदा लट्ठालाई दरो र तन्किलो पार्न वरिपरिका जमिनमा गाडी ढुङ्गा, इँट आदिले बलियो बनाइएको खम्बा; सेतुस्तम्भ। | |
| 21097 | गजघट्ट | क्रि.वि. | कुनै काम नगरी, अनावश्यक रूपमा ठाउँ ओगटेर समय बिताउने ढाँचाले ; हात्ती बसे झैँ बस्ने किसिमसँग; ढसमस्स। | |
| 21098 | गजज्ज | क्रि.वि. | १. गिलो वा लेदो वस्तुलाई मुछ्ने वा मथेल्ने किसिमले। | |
| 21099 | गजज्ज | क्रि.वि. | २. मान्छेले रोगले आक्रमण गरेका बेला अथवा बस्तुभाउले त्यस्तै साह्रो घाँस खाएका बेला मुखबाट फिँज काढ्ने गरी। | |
| 21100 | गजटो | ना. | एउटा हातले समातेर वा उभाएर झिक्दा आउन सक्ने अन्न, घाँस, पराल आदिको परिमाण। |