|
|
|
|
|
|
|---|---|---|---|---|
| 22451 | गिडान | ना. | रुख काटिसकेपछि हाँगाबिँगा छिमलेर ठाउँ-ठाउँमा गिँडी गिँड बनाउने काम। | |
| 22452 | गिताङ्गे | ना. | गीत गाउने व्यक्ति; गानबजान गर्ने मानिस; गायक। | |
| 22453 | गितार | ना. | सारङ्गीका आकारको सितार जस्तै गरी रेटेर बजाइने छवटा तार लागेको एक बाजा । | |
| 22454 | गितारु | वि. | गायक। | |
| 22455 | गिद | ना. | हे. गी। | |
| 22456 | गिदाउडी / गिदाउडो | ना. | तन्नेरी गायक; गिताङ्गे युवक; तन्नेरी र खाइलाग्दो गायक नेता (प. ने.)। | |
| 22457 | गिदी | ना. | १. टाउकामा खप्परभित्र रहने र चेतनाको सृजक तत्त्व मानिने मासीजस्तो पदार्थ; मथिङ्गल; मगज; मस्तिष्क। | |
| 22458 | गिदी | ना. | २. सोचविचार तथा तर्क, निर्णय आदि गर्ने शक्ति; बुद्धि। | |
| 22459 | गिदेरी | ना. | केही लाम्चा र नरम पात हुने, गाईबस्तुलाई घाँस खुवाइने, बिछ्यौनामा च्याप्दा उडुस, उपियाँको औषधी हुने बुटो; सेतो, खैरो र कालो तीन किसिमका हुने सेतो गिदेरी, खैरी गिदेरी र कालो गिदेरी नामको बोट। | |
| 22460 | गिद्ध | ना. | १. मरेका प्राणीहरूको मासु खाने, धेरै टाढाको सिनो पनि देख्ने, प्रायः गर्मी प्रदेशमा बस्ने मांसाहारी ठुलो पक्षी। | |
| 22461 | गिद्ध | ना. | वि. २. मासु खान भनेपछि मरिमेट्ने; मासुको साह्रै लोभी। | |
| 22462 | गिद्धे | वि. | १. मासु खान ज्यादै मरिमेट्ने; मासु खानमा असाध्यै लोभी। | |
| 22463 | गिद्धे | वि. | २. गिद्ध जस्तो; गिद्धका आकारको। | |
| 22464 | गिद्धे एकादशी | ना. | (एकादशी नै भए पनि प्रायः बचेखुचेको मासु खाइने हुनाले) दसैंको टीकाका भोलिपल्टको एकादशी। | |
| 22465 | गिद्धे पहरो | ना. | १. गिद्ध बस्ने वा गिद्ध जस्तै देखिने पहरो। | |
| 22466 | गिद्धे पहरो | ना. | २. दार्जिलिङ जाने बाटामा पर्ने खर्साङका छेउको प्रसिद्ध पहरो। | |
| 22467 | गिद्धे प्रेस | ना. | नेपालका प्रधानमन्त्री जङ्गबहादुर राणाले बेलायतबाट फर्कंदा वि. सं. १९०८- मा सँगसँगै ल्याएको भन्ने विश्वास गरिएको गिद्ध-चिह्नअङ्कित प्रेस वा मुद्रणयन्त्र। | |
| 22468 | गिद्री | ना. | घुँडासम्मको भित्री नाप। | |
| 22469 | गिद्री लम्बाइ | ना. | पाइन्टको भित्री लम्बाइ वा टाङको लम्बाइ। | |
| 22470 | गिद्रो | ना. | १. काँक्रा, फर्सी, घिरौंला, लौका आदि फलफूलको गुदी। | |
| 22471 | गिद्रो | ना. | २. बाँस, मालिङ्गो, निगालो आदि वस्तुको भित्री भाग। | |
| 22472 | गिनिफोर | ना. | निलो अकासे रङमा कालो रङ मिसिएको र केही सेता टीका देखिने पखेटा भएको एक जातको पाल्तु चरो; लौकाट। | |
| 22473 | गिनुङ | ना. | लिच्छविकालीन नेपालमा प्रचलित एक प्रकारको वृत्ति। | |
| 22474 | गिनेरी | ना. | सेतो रङको फूल फुल्ने र खयररङका ससाना फल फल्ने, साना-ठुला दुई भेद हुने, सानोका पात लाचा र ठुलोका पात नीमका जस्ता हुने एक वृक्ष। | |
| 22475 | गिन्ती | ना. | हे. गन्ती। | |
| 22476 | गिन्नी | ना. | सुनको एक प्रकारको सिक्का वा मुद्रा। | |
| 22477 | गिर्नु | स.क्रि. | १. तलतिर जानु; झर्नु; खस्नु। | |
| 22478 | गिर्नु | स.क्रि. | २. रुख वा भीर, पहराबाट लड्नु; खुरमुरिनु; लोट्नु। | |
| 22479 | गिर्नु | स.क्रि. | ३. आर्थिक वा मर्यादाका दृष्टिले खस्कनु; पतन हुनु। | |
| 22480 | गिर | ना. | काठको भकुन्डो। | |
| 22481 | गिर खेल्नु | टु. | आफू गरेर खान अल्छी गरी अर्काको कमाइमा मोजमज्जा गर्नु। | |
| 22482 | गिरफ्तार | वि. | कुनै अपराधको अभियोगमा पक्राउ परेको; अपराधी ठानेर अधिकारीवर्गद्वारा समातिएको। | |
| 22483 | गिरफ्तारी | ना. | गिरफ्तार हुनाको अवस्था, क्रिया वा भाव। | |
| 22484 | गिरमुङ्ग्री/गिरलौरी | ना. | टेबुल टेनिसभन्दा केही ठुलो बल एक जनाले हान्ने र अर्काले मुङ्ग्राले फर्काउँदै खेल्ने खेल; क्रिकेटको खेल। | |
| 22485 | गिरह | ना. | सवा दुई इन्च बराबरको नापो; गजको नाप प्रणाली अनुसार गजको सोह्रौं भाग। | |
| 22486 | गिरा | ना. | वाणी; भाषा; बोली। | |
| 22487 | गिराइ | ना. | गिर्ने भाव, क्रिया वा प्रक्रिया। | |
| 22488 | गिराइनु | क.क्रि. | गिराउने काम गरिनु; खसाइनु। | |
| 22489 | गिराउनु | प्रे. क्रि. | गिर्न लाउनु; खसाउनु; लडाउनु। | |
| 22490 | गिरान | ना. | १. खस्ने वा पतन हुने काम; गिराइ। | |
| 22491 | गिरान | ना. | २.टुट्टा वा घाटा पर्ने काम; हानि; नोक्सानी। | |
| 22492 | गिरानी | ना. | १. ठेक्कापट्टा वा व्यापार-व्यवसायसम्बन्धी कारोबारमा सावाँसमेत खतम हुँदै गएको अवस्था; मूल धन घटेर पर्ने घाटा; हानिनोक्सानी टुट्टा। | |
| 22493 | गिरानी | ना. | २. गिराइ । | |
| 22494 | गिरि | ना. | १. पृथ्वीको विषम धरातल भएका ठाउँको अग्लो भाग; पहाड; पर्व। | |
| 22495 | गिरि | ना. | २. सन्न्यास धारण गर्ने योगीहरूका दश मध्ये एक उपाधि । | |
| 22496 | गिरिकर्णिका | ना. | सेतो रङको फूल फुल्ने अपराजिता। | |
| 22497 | गिरिजा | ना. | हिमालय पर्वतकी पुत्री गिरितनया; पार्वती। | |
| 22498 | गिरिधर / धारी | ना. | कृष्ण। | |
| 22499 | गिरिनाथ | ना. | हिमालय पर्वत; शिव। | |
| 22500 | गिरिनु | अ.क्रि. | खसिनु; झरिनु। |