|
|
|
|
|
|
|---|---|---|---|---|
| 22851 | गुनी | ना. | गुण भएको; कृतज्ञ; गुणी। | |
| 22852 | गुनुगुनु | क्रि.वि. | स्पष्टसँग नसुनिने गरी बिस्तारै कुरा गर्ने वा गाउने किसिमले; अझ चड्का गुनगुन हुने चालमा। | |
| 22853 | गुनेरगानु | ना. | हे. गुन्दरगानु। | |
| 22854 | गुन्जाइस | ना. | हुने, रहने, राखिने वा अटाउने ठाउँ; अवकाश। | |
| 22855 | गुन्टा | ना. | हे. गुन्टो। | |
| 22856 | गुन्टागुन्टी | ना. | साना-ठुला धेरै गुन्टा; पोकोपन्तरो; कुम्लोकुटुरो। | |
| 22857 | गुन्टिनु | अ.क्रि. | १. गुन्टाजस्तो भई बेरिनु; एकै पोको परेर बेरिनु। | |
| 22858 | गुन्टिनु | अ.क्रि. | २. ग्याँचे हुनु; पुड्को हुनु। | |
| 22859 | गुन्टिनु | अ.क्रि. | ३. असफल वा फेल हुनु। | |
| 22860 | गुन्टिनु | अ.क्रि. | ४. खतम हुनु; घुसमुन्टिनु। | |
| 22861 | गुन्टे | वि. | १. गुन्टाका छाँटको; ग्याँचे; पुड्को। | |
| 22862 | गुन्टे | वि. | २. गुन्टेमार्सी। | |
| 22863 | गुन्टे मार्सी | ना. | खैरा, बाटुला गेडा फल्ने एक जातको धान; त्यसैको चामल; गुन्टे। | |
| 22864 | गुन्टो | ना. | ओढ्नेबिछ्याउने आदि बेरेर डोरीले कसेको ठुलो पोको; त्यस्ता लुगाफाटाको गुठुरो (बेडिङ)। | |
| 22865 | गुन्ट्याइ | ना. | गुन्टिने क्रिया वा प्रक्रिया । | |
| 22866 | गुन्ट्याइनु | क.क्रि. | गुन्ट्याउने काम गरिनु। | |
| 22867 | गुन्ट्याउनु | स.क्रि. | गुन्टा बनाउनु; गुन्टाजस्तो पार्नु। | |
| 22868 | गुन्ठुनिनु | अ.क्रि. | १. गाँठागाँठा पारेर बटारिनु वा साह्रो हुनु; पुक्कपुक्क परी मसिना डल्ला निस्कनु। | |
| 22869 | गुन्ठुनिनु | अ.क्रि. | २. ग्याँचे हुनु; डल्लिनु वा पु ड्किनु। | |
| 22870 | गुन्डा | ना. | हे. गुन्डो। | |
| 22871 | गुन्डागिरी | ना. | दल वा गठ बनाई सिधासाधा व्यक्तिहरूलाई ढाँट्ने, छल्ने, लुट्ने, पिट्ने आदि काम; बदमासी चाल। | |
| 22872 | गुन्डो | वि. | १. ठाँटबाँट र रवाफ देखाउने तथा बदमास स्वभाव पनि भएको। | |
| 22873 | गुन्डो | वि. | २. सजिसजाउ भएको; ठाँटिलो। | |
| 22874 | गुन्डो | वि. | ३. लाज - घिन पचेको वा स्वास्नीमानिससँग लहसिन खोज्ने; रन्डीबाज। | |
| 22875 | गुन्ड्याइँ | ना. | गुन्डो हुनाको क्रिया वा ढाँचा। | |
| 22876 | गुन्दरगानु | ना. | बाटुला पात हुने, पहेँला ससाना फूल फुल्ने, राता मसिना बाटुला फल लाग्ने, जरामा फल्ने तथा विषनाशक र सन्निपात ज्वर नाश गर्ने गुण भएको भ्याकुरजस्तो कन्द। | |
| 22877 | गुन्द्री | ना. | पराल, पाट वा बाबियाका डोरीहरूको तान लगाई गुँद, पराल आदिबाट बनेको सुकुलजस्तो ओछ्याउने। | |
| 22878 | गुन्द्रुक | ना. | सागपात आदि भुँड्काभुँड्कीमा खाँदी अमिल्याएर सुकाइएको, तिहुन वा सितन बनाएर खाइने वस्तु। | |
| 22879 | गुन्द्रुके | वि. | १. गुन्द्रुकसँग सम्बन्धित; गुन्द्रुक जस्तै। | |
| 22880 | गुन्द्रुके | वि. | २. गुन्द्रुक खाएर जीवन-निर्वाह गर्नुपर्ने (मानिस)। | |
| 22881 | गुन्द्रुके | वि. | ३. निम्न स्तरको; रद्दी। | |
| 22882 | गुन्द्रुङ्ग / गुन्द्रुङ्ङ | क्रि.वि. | कुनै प्राणी वा वस्तु फाल हाल्दा वा खस्दाको आवाज आउने गरी। | |
| 22883 | गुन्न | क्रि.वि. | १. मौरी, भमरा आदि भुनभुनाएको स्वर आउने किसिमले। | |
| 22884 | गुन्न | क्रि.वि. | २. धेरै जनाले एकै साथ बिस्तारै कुरा गर्दा आवाज आउने चालमा। | |
| 22885 | गुन्यु | ना. | १. आइमाईले कम्मरभन्दा मुनि लाउने सानो फरिया। | |
| 22886 | गुन्यु | ना. | २. पेटीकोटजस्तो दुई छेउ गाँसेर इँजार हाली लाइने सानो खालको फरिया। | |
| 22887 | गुन्यु | ना. | ३. साधारण खालको वा जडाउरी फरिया। | |
| 22888 | गुन्यु चोलो | ना. | १. गुन्यू र चोलो। | |
| 22889 | गुन्यु चोलो | ना. | २. परम्पराअनुसार कन्न्या पाँच वर्षकी हुँदा विधिपूर्वक दिइने धोती र चोलो (उदा.- भैलिनी आइन् आँगन, गुन्यू चोलो मागन (लोकगीत)। | |
| 22890 | गुन्यू | ना. | हे. गुन्यु। | |
| 22891 | गुपचुप | ना. | १. बाहिर प्रकट नहुने गरी भित्रभित्रै कुनै काम-कुरो दबाउने चाल वा स्थिति; ढाकछोप; चुपचाप। | |
| 22892 | गुपचुप | ना. | २. खुवा र मैदा मिसाएर डल्लो पारी घिउमा पकाएर चिनीको चास्नीमा डुबाइएको, भित्र खोक्रो भएको गुलाफजामुनका किसिमको मिठाई। | |
| 22893 | गुप्त | वि. | १. बाहिर प्रकट वा व्यक्त नभएको; भित्रभित्रै छिपेर रहेको; लुकेको; भित्री; नदेखिने; अदृश्य। | |
| 22894 | गुप्त | वि. | २. सुरक्षित गरिएको; जोगाइएको (गुप्त धन, गुप्त प्रेमी इ.)। | |
| 22895 | गुप्त | वि. | ३. मुस्किलले जानिने; गूढ। | |
| 22896 | गुप्त | वि. | ना. ४. मध्यकालीन भारतको मगध राज्यको एक नामुद राजवंश (गुप्तवंश); एक प्रकारको थर। | |
| 22897 | गुप्तचर | ना. | गोप्य तरिकाले सक्रिय भई कुनै कुराको भेद पत्ता लगाउने काममा खटिएको व्यक्ति; गोप्य रूपमा स्वदेशभित्र वा बाहिरका विभिन्न कामकुरा, व्यक्ति, संस्था आदिको भेद, रहस्य वा विशेष जानकारी प्राप्त गर्न खटाइएको व्यक्ति; गुप्त दूत; जासुस; भेदिया; गुप्ती प्रहरी वा पुलिस (सी.आई.डी)। | |
| 22898 | गुप्तचर विभाग | ना. | सरकारका तर्फबाट गुप्तचरसम्बन्धी कार्यको परिचालन गर्ने जिम्मेवारी सुम्पिएको प्रशासनिक निकाय; गुप्तचरहरूमार्फत कुनै खास अपराध, भ्रष्टाचार वा मामिलाको छानबिन गर्ने अड्डा; जासुसको काम गर्ने सरकारी अड्डा। | |
| 22899 | गुप्तचरी | ना. | १. गुप्तचरको काम वा भाव। | |
| 22900 | गुप्तचरी | ना. | २. गुप्तचरको काममा नियुक्त स्त्री; आइमाई जासुस। |