|
|
|
|
|
|
|---|---|---|---|---|
| 25301 | घोडचढी | वि. | १. घोडा चढ्ने; घोडा चढेर सवार हुने; घोडसवार। | |
| 25302 | घोडचढी | वि. | ना. २. त्यस्तो व्यक्ति। | |
| 25303 | घोडचढी रिसल्ली | ना. | विदेशमा रहने वा विदेशबाट आएका राजदूतहरूले प्रमाणपत्र पेस गर्न जाँदा घोडा चढेर अगाडि पछाडि लाग्ने घोडचढी सिपाही; रिसल्ला। | |
| 25304 | घोडचढी सबार | ना. | घोडचढी रिसल्ला। | |
| 25305 | घोडताप्रे | ना. | तिच्छरो स्वादका पात हुने, घोडाका टापका आकारका राता फूल फुल्ने, आँख्ला - आँख्लाबाट जरा निस्कने, आयुर्वेदमा स्मृति र मेधा बढाउने मानिएको एक प्रकारको लहरे भुइँकार, माण्डूक- ब्राह्मी। | |
| 25306 | घोडदौड | ना. | १. बाजी राखेर वा बाजी जित्न घोडा दौडाउने खेल। | |
| 25307 | घोडदौड | ना. | २. घोडेजात्रामा काठमाडौंको टुँडिखेलमा दौडाइने र देखाइने घोडाको प्रसिद्ध दौड। | |
| 25308 | घोडसवार | ना. | घोडचढी। | |
| 25309 | घोडा | ना. | घोडो। | |
| 25310 | घोडाख | ना. | सुक्खा ठाउँमा उम्रने, आँपका जत्रा ससाना नरम पात हुने, मकैका ढोडको जस्तो गुदी हुने, हातले पात चलाउँदा सेतोसेतो हुने एक प्रकारको सानो बोट। | |
| 25311 | घोडागाडी | ना. | घोडाले तान्ने गाडी बग्गी, एक्का, टमटम। | |
| 25312 | घोडेजात्रा | ना. | १. चैतको कृष्णपक्षको चतुर्दशीका दिन काठमाडौंको टुँडिखेलमा सार्वजनिक प्रदर्शनका उद्देश्यले देखाइने घोडदौडको प्रसिद्ध जात्रा। | |
| 25313 | घोडेटो | ना. | घोडा चढेर हिँड्न सकिनेसम्मको बाटो, चौपाया जनावर आदिमा मालसामान लदाएर आवतजावत गर्न हुने खालको बाटो। | |
| 25314 | घोडे दुबो | ना. | कुशका जस्ता फूल फुल्ने साहो र ठुलो एक जातको दुबो। | |
| 25315 | घोडे बन्सो | ना. | लामा लामा पात हुने, टुप्पामा एक प्रकारको फूल फुल्ने र मसिना गेडा पनि लाग्ने बन्सो घाँस। | |
| 25316 | घोडे लात | ना. | बालकहरूले लात्ती उचाल्दै हान्दै गरी खेल्ने एक प्रकारको खेल। | |
| 25317 | घोडे साबुन | ना. | लुगा धुने डल्लो आकारको एक थरी साबुन। | |
| 25318 | घोडो | ना. | १. चार खुट्टामा नफाटेका खुर हुने, गर्धनमा लामा लामा भुत्ला हुने, सवारीको काममा आउने तथा मालसामान बोकाउन र गाडीमा जोत्नसमेत हुने प्रसिद्ध घरपाला पशु। | |
| 25319 | घोडो | ना. | २. बन्दुकको गोली चलाउँदा खिचिने एक पुर्जा। | |
| 25320 | घोडो | ना. | ३. बुद्धिचालको खेलमा चालिने एक गोटी। | |
| 25321 | घोडो | ना. | स्त्री. घोडी। | |
| 25322 | घोत | ना. | १. किरियापुत्रीहरूलाई भेट्न आउँदा सम्झाउनी र सघाउका निम्ति ल्याइने चामल, चिनी, घिउ, मरिच आदि वस्तु बिचार। | |
| 25323 | घोत | ना. | २. घत; बिचार। | |
| 25324 | घोत्लिनु | अ.क्रि. | १. ज्यादै पिर परेका बखतमा मुन्टो निहुराएर बस्नु, झोक्राउनु। | |
| 25325 | घोत्लिनु | अ.क्रि. | २. चिन्ताले घोरिनु; सोचाइमा पर्नु। | |
| 25326 | घोत्ल्याइँ | ना. | घोत्लिनेपन वा अवस्था, घोत वा विचारका विभिन्न तत्त्वको समीक्षण विचारमग्नता; सोचधर्मिता। | |
| 25327 | घोत्ल्याइ | ना. | घोत्लिने भाव, क्रिया वा प्रक्रिया। | |
| 25328 | घोत्ल्याइनु | क.क्रि. | घोत्लिने पारिनु। | |
| 25329 | घोत्ल्याउनु | प्रे. क्रि. | घोत्लिन लाउनु। | |
| 25330 | घोत्ल्याहट | ना. | घोत्लिने अवस्था वा काम। | |
| 25331 | घोत्ल्याहा | वि. | घोत्लिने, घोत्ल्याइँ भएको। | |
| 25332 | घोप्नु | स.क्रि. | १. काँढा, सियो आदिले घोच्नु, खोप्नु, रोप्नु। | |
| 25333 | घोप्नु | स.क्रि. | २. अरिङ्गाल, बारुलो आदिले खिल्नु, छेड्नु। | |
| 25334 | घोप | ना. | १. घोपेको वा घोचेको डोब, डाम; घाउको चोट। | |
| 25335 | घोप | ना. | २. पहाडका फेदीमा रहेको जङ्गलले छेकेको ठाउँ। | |
| 25336 | घोपाइ | ना. | घोप्ने क्रिया वा प्रक्रिया। | |
| 25337 | घोपाइनु | क.क्रि. | घोप्न लाइनु। | |
| 25338 | घोपाउनु | प्रे. क्रि. | घोप्न लाउनु, घोचाउनु। | |
| 25339 | घोपाहा | वि. | घोप्ने खालको। | |
| 25340 | घोपिनु | क.क्रि. | घोप्ने काम गरिनु। | |
| 25341 | घोपिलो | वि. | घोप्ने खालको। | |
| 25342 | घोपुवा | वि. | घोप्ने, घोप्ने काम गर्ने। | |
| 25343 | घोप्टिनु | अ.क्रि. | १. जमिनतिर मुख फर्काएर पस्रनु; घोप्टनु। | |
| 25344 | घोप्टिनु | अ.क्रि. | २. उभिन्डो पर्नु, उभिन्डिनु। | |
| 25345 | घोप्टे | ना. | १. भर्याङको मुखमा घोप्टो पारेर लगाइने वा भर्याङको सिरान थुन्ने खापा। | |
| 25346 | घोप्टे | ना. | वि. २. घोप्टो परेको; उभिन्डिएको। | |
| 25347 | घोप्टे | ना. | ३. घोप्टो अनुहार भएको। | |
| 25348 | घोप्टे | ना. | ४. जति दिए पनि नपुग्ने वा सबै आफैं खाऊँ भन्ने। | |
| 25349 | घोप्टे | ना. | स्त्री. घोप्टी। | |
| 25350 | घोप्टो | वि. | १. तलतिर मुख पारेर लडेको वा पछारिएको। |