|
|
|
|
|
|
|---|---|---|---|---|
| 42351 | दशनामी | ना. | वि. २. दशनाममध्येको; दशनामसम्बन्धी। | |
| 42352 | दशनावली | ना. | हार मिलेका दाँतको पङ्क्ति; दाँतको लहर;दन्तपङ्क्ति। | |
| 42353 | दशपोट | ना. | पासाका खेलमा दुई पासामा पाँच पाँच र एक पासामा पोट मात्र पर्दा हुने एक दाउ; पासाका खेलको एघार सङ्ख्याको एक दाउ। | |
| 42354 | दशपोल | ना. | नापोको प्रणालीमा एक धार्नीको आधा भागमध्ये साढे चार भागलाई बुझाउने परिमाणवाचक शब्द। | |
| 42355 | दशभूमि | ना. | १.बौद्ध धर्मको महायान सम्प्रदायका अनुसार मुदिता वा प्रमुदिता, विमला, प्रभाकरी, अर्चिष्मती, सुदुर्जया, अभिमुक्ति वा अभिमुखी, दूरङ्गमा, अचला, साधुमती र धर्ममेधानामक ध्यानका दश अवस्था। | |
| 42356 | दशभूमि | ना. | २. चैत्यको शिरोभागभन्दा तल र गर्भभन्दा माथि रहने भाग। | |
| 42357 | दशम | वि. | गन्तीमा दसौँ स्थानमा परेको; दसौँ। | |
| 42358 | दशमलव करण | ना. | गणितमा कुनै एकाइभन्दा कम मान सूचित गर्ने अंशलाई दशमलवको रूप दिने काम। | |
| 42359 | दशमलव | ना. | १.कुनै एकाइको दसौँ, सयौँ आदिका बिचको कुनै अंश सूचित गर्नाका निम्ति त्यसको पहिले लगाइने कुनै गणितीय बिन्दु ( . ६ = ६ / १० भाग, .०६ = ६/१०० भाग इ.)। | |
| 42360 | दशमलव | ना. | २. सो चिह्न लगाएर सूचित गरिने सङ्ख्या। | |
| 42361 | दशमलव | ना. | ३. दश वा दशले विभाजित हुने हर भएको भिन्न। | |
| 42362 | दशमहाविद्या | ना. | तन्त्रशास्त्रमा उल्लिखित दश देवी; तन्त्रसाधना गर्दा आराधना गरिने दशवटी देवी (काली, तारा, षोडशी, भुवनेश्वरी, भैरवी, छिन्नमस्ता, धूमावती, बगलामुखी,मातङ्गी र कमलात्मिका। | |
| 42363 | दशमांश | ना. | कुनै वस्तुमा दश समान भागमध्ये कुनै एक भाग; दसौँ भाग वा हिस्सा। | |
| 42364 | दशमासा | ना. | दाँत खिइन लागेको अवस्था। | |
| 42365 | दशमिक प्रणाली | ना. | १.नाप, तौल, मान आदि स्थिर गराउने गणितीय प्रणाली वा प्रचलन (डेसिमल सिस्टम )। | |
| 42366 | दशमिक प्रणाली | ना. | ( यसको मान आफ्नो निकटस्थ ठुलो मानको दसौँ भाग र नजिकको सानो सङ्ख्याको दश गुना हुन्छ। यदि दश पैसालाई एक ढ्याक र दश ढ्याकलाई एक रुपियाँ मानेमा त्यो दशमिक प्रणाली हुन्छ। ) २. दशले गुन्दा र भाग गर्दा पूरै खलो उठ्ने सङ्ख्यालाई एक एकाइ मान्ने चलन। | |
| 42367 | दशमिक | वि. | १.दशमलव अर्थात् दशमांशसित सम्बन्ध भएको। | |
| 42368 | दशमिक | वि. | २. दशले भाग लाग्ने वस्तु वा क्रियासित सम्बन्ध भएको। | |
| 42369 | दशमी | ना. | १.चान्द्रमासको प्रत्येक पक्षको दसौँ तिथि। | |
| 42370 | दशमी | ना. | २. विजयादशमी। | |
| 42371 | दशमी | ना. | ३. धर्मशास्त्रअनुसार मानिसको दसौँ वा अन्तिम अवस्था; मरण; मृत्यु। | |
| 42372 | दशमी | ना. | ४. मुक्ति; मोक्ष। | |
| 42373 | दशमुख | ना. | रावण। | |
| 42374 | दशरथ | ना. | अयोध्याका एक प्रसिद्ध सूर्यवंशी राजा; राम, लक्ष्मण, भरत र शत्रुघ्नका पिता। | |
| 42375 | दशरूपक | ना. | १.नाटकलाई दश भेदमा वर्गीकरण गरी तिनको लक्षणसमेत बताइएको, संस्कृत साहित्यमा चर्चित, धनञ्जयकृत,काव्यशास्त्र। | |
| 42376 | दशरूपक | ना. | २. रूपकका दश भेद (नाटक, प्रकरण, भाग,व्यायोग,समवकार, डिम, ईहामृग, अङ्क, वीथि र प्रहसन )। | |
| 42377 | दशहरा | ना. | १.दश प्रकारका पाप नाश हुने भनी गङ्गा स्नान गरिने ज्येष्ठ शुक्ल दशमीको दिन; गङ्गा दशहरा; ज्येष्ठ शुक्ल दशमी। | |
| 42378 | दशहरा | ना. | २. गङ्गा नदीको पूजाआराधना गरिने उत्सव। | |
| 42379 | दशा | ना. | १.अवस्था; हालत; परिस्थिति। | |
| 42380 | दशा | ना. | २. ज्योतिषशास्त्रअनुसार नवग्रह र योगिनीले भोग गर्ने समय; नवग्रह र योगिनीको भोगवर्ष। | |
| 42381 | दशा | ना. | ३. विपत्तिको समय; खराब दिन; अनिष्ट फलदायक ग्रहको समय; नराम्रो फल; दुर्दिन। | |
| 42382 | दशा | ना. | ४. पूर्वरागका दशवटा दशा (अभिलाषा,चिन्ता, स्मरण, गुणकथन, उद्वेग, प्रलाप, उन्माद, व्याधि, जडता र मरण)। | |
| 42383 | दशा | ना. | ५. विप्रलम्भ शृङ्गारका दश कामदशा (असौष्ठव, ताप, पाण्डुता, दुर्बलता, धैर्यको अभाव, अनालम्बनता, तन्मयता, उन्माद, अरुचि र मूर्च्छा।)। | |
| 42384 | दशाङ्ग | ना. | मह, ठुलो खालको मोथे, घिउ, चन्दन, गोकुलधूप, अगरु, शिलाजित, सखर, शालधूप र पहेँलो सर्स्युँ गरी दश प्रकारका सुगन्धित द्रव्य मिलाएर बनेको धूप। | |
| 42385 | दशानन | ना. | दशमुख; रावण। | |
| 42386 | दशाब्द | ना. | दश वर्षको समूह; दशक। | |
| 42387 | दशावतार | ना. | विष्णुका दश अवतार (मत्स्य, कूर्म, वराह, नरसिंह, वामन, परशुराम, राम, कृष्ण, बुद्ध र कल्कि )। | |
| 42388 | दशाह | ना. | १.दश दिनको अवधि; दश दिन। | |
| 42389 | दशाह | ना. | २. मृतकका उद्धारको उद्देश्यले मृत्युको दसौँ दिनमा गरिने संस्कार कार्य। | |
| 42390 | दशाह | ना. | ३. मृतसूतकको दसौँ दिन। | |
| 42391 | दशाहा/दसाहा | ना. | १.मरेका दिनदेखि दसौँ दिनसम्म जुठो बार्नुपर्ने नातेदार व्यक्ति; जुठो सूतक लाग्ने बन्धुवर्ग। | |
| 42392 | दशाहा/दसाहा | ना. | वि. २. दश दिनसम्म जुठो लाग्ने (दाजुभाइ);दशदिने। | |
| 42393 | दस | ना./वि. | हे. दश। | |
| 42394 | दसाङ | वि. | अङ्कको पहाडा वा दुनोट अध्ययन गर्दा दसौँ दोबरलाई बुझाउने; दश दोबरको (पाँच दसाङ पचास, दश दसाङ सय इ.)। | |
| 42395 | दसी | ना. | १.अपराधीबाट बरामद भएको चोरीका वा यस्तै कुनै अपराधका मालसामान; सबुद प्रमाणका लागि ग्राह्य वस्तु। | |
| 42396 | दसी | ना. | २. सबुद; प्रमाण। | |
| 42397 | दसी | ना. | ३. साक्षी; गवाह। | |
| 42398 | दसी | ना. | ४. चिह्न; निसान। | |
| 42399 | दसैँ गीत | ना. | बडादसैँको पर्वमा गाइने एक गीत; मालसिरी; मालश्री। | |
| 42400 | दसैँ | ना. | १.आश्विन शुक्ल पक्षमा प्रतिपदादेखि दशमी र त्यसपछि कोजाग्रत पूर्णिमासम्म पनि मानिने विशेष पर्व वा उत्सव। |