|
|
|
|
|
|---|---|---|---|
| 151 | अकर१ | वि. | १. सरकारी वा गैरसरकारी कर, पोत, शुल्क आदि नलाग्ने; कर मिनाहा भएको। |
| 152 | अकर१ | वि. | २. हात नभएको; हातरहित। |
| 153 | अकर१ | वि. | ३. सुँड नभएको। |
| 154 | अकर२ | ना. | १. असजिलो वा अप्ठ्यारो स्थिति; अक्कर। |
| 155 | अकर२ | ना. | २. खाँचो; साह्रोगाह्रो। |
| 156 | अकरकरा/अकरकला | ना. | पिरो र परपऱ्याउने स्वाद हुने, गर्मी बढाउने, दाँत दुखेको, वात, पिनास जस्ता रोगमा ओखतीका निम्ति प्रयोग गरिने वनस्पति विशेष। |
| 157 | अकरण | ना. | १. क्रियापदको करण अर्थको विपरीत निषेध अर्थ। |
| 158 | अकरण | ना. | २. क्रियापदको करण रूपको विपरीत निषेधात्मक रूप। |
| 159 | अकरण | ना. | ३. वाक्यको उद्देश्यसँग सम्बन्धित विधेयको अर्थको खण्डन वा निषेध (जस्तो- करण : राम घर जान्छ; अकरण: राम घर जाँदैन इ.)। |
| 160 | अकरणी | ना. | गणितमा वर्गमूल नहुने सङ्ख्या। |
| 161 | अकरणी अङ्क | ना. | गणितमा वर्गमूलको हिसाबमा शेष रहने अङ्क (जस्तै- ८, १०, १५, १७, २४, २६ इ.)। |
| 162 | अकरणीय | वि. | गर्न अनुचित; गर्न नहुने; अकर्तव्य। |
| 163 | अकरुण | वि. | करुणा वा दयाको भावना नभएको; निष्ठुरी; निर्दयी। |
| 164 | अकर्ण | ना. | हे. अकर्न। |
| 165 | अकर्तव्य | वि. | १. नैतिक सीमा वा मर्यादाले गर्न नसुहाउने; गर्न नहुने; अनुचित। ना. |
| 166 | अकर्तव्य | वि. | २. नराम्रो कार्य; कुकर्तव्य। |
| 167 | अकर्न | ना. | १. मुलुकीखाना आदिमा कुनै कुरा निश्चित समयमा बुझाउँला भनी सर्तसहित अड्डाले गराएको कबुलियतको कागत। |
| 168 | अकर्न | ना. | २. कार्यालयमा साबिकवाला कर्मचारीले हालवाला वा बहालवाला कर्मचारीलाई आफ्नो जिम्माको सरसामान, कागजात आदि बुझाउँदा बुझ्नेले लेखिदिने कागज; एक किसिमको भरपाई। |
| 169 | अकर्म | ना. | १. कर्मको अभाव। |
| 170 | अकर्म | ना. | २. गर्न अयोग्य काम। |
| 171 | अकर्म | ना. | ३. खराब काम; कुकर्म। |
| 172 | अकर्म | ना. | ४. क्षुद्र कर्म; नीच कर्म; दुष्कर्म। |
| 173 | अकर्मक | वि. | व्याकरणका अनुसार अकर्मक धातु वा क्रियाको सङ्केत गर्ने। |
| 174 | अकर्मक क्रिया | ना. | अर्थ पूरा हुनाका निम्ति कर्मको आवश्यकता नपर्ने क्रिया; कर्ताको कार्यव्यापारको फल कर्तामा नै टुङ्गिने क्रिया। |
| 175 | अकर्मण्य | वि. | १. केही पनि काम नगर्ने; निकम्मा; अल्छी; निष्क्रिय। |
| 176 | अकर्मण्य | वि. | २. कुनै पनि उल्लेखनीय वा सार्थक काम गर्न नसक्ने; बेकार; व्यर्थ। |
| 177 | अकर्मण्यता | ना. | अकर्मण्य हुने चाल, अवस्था वा स्थिति; निष्क्रियता। |
| 178 | अकल | ना. | कुनै पनि काम छिटोछरितो रूपमा गर्ने वा तात्कालिक समस्या टार्न सक्ने सुझबुझ; कुशलतापूर्ण समझ; जुक्ति; अक्कल; अक्किल। |
| 179 | अकलगुम | वि. | १. होस हराएको; सुझबुझ नभएको। ना. |
| 180 | अकलगुम | वि. | २. होस हराएको वा सुझबुझ नभएको अवस्था। (उदा. अचेल उनको अकलगुम भएको छ।) |
| 181 | अकलदार | वि. | १. अकल भएको; बुद्धि पुऱ्याएर काम गर्ने। |
| 182 | अकलदार | वि. | २. सिपालु। |
| 183 | अकलमन्द | वि. | अकल भएको; अकलदार। |
| 184 | अकलुषित | वि. | १. निर्मल; स्वच्छ। |
| 185 | अकलुषित | वि. | २. कुनै प्रकारको दुर्भावना नभएको; सफा हृदयको। |
| 186 | अकल्पित | वि. | १. कल्पना नै गर्न नसकिने; कल्पनातीत; चिताउँदै नचिताइएको; सोच्तै नसोचिएको। |
| 187 | अकल्पित | वि. | २. अकाल्पनिक। |
| 188 | अकल्याण | ना. | अर्काको कुभलो चिताउने वा गर्ने काम; कष्ट वा दुःख दिने काम; कुभलो। |
| 189 | अकस्मात् | क्रि.वि. | के कसरी भएको हो थाहा नपाई; अचानक; एकाएक; अपर्झट। |
| 190 | अकाट्य | वि. | १. खण्डन गर्न नसकिने। |
| 191 | अकाट्य | वि. | २. असत्य नठहरिने। |
| 192 | अकाट्य | वि. | ३. काट्न नसकिने। |
| 193 | अकाम | ना. | १. गर्न नहुने काम; कुकर्म; खराब काम। वि. |
| 194 | अकाम | ना. | २. राग, द्वेष आदि कुनै पनि पक्षको चाहना नभएको; वीतरागी; वैरागी; निष्काम। |
| 195 | अकाय | वि. | १. शरीर नभएको; निराकार। ना. |
| 196 | अकाय | वि. | २. अनङ्ग; कामदेव। |
| 197 | अकार | ना. | १. 'अ' स्वरवर्ण। |
| 198 | अकार | ना. | २. 'अ' स्वरवर्णको उच्चारण। |
| 199 | अकारण | क्रि.वि. | १. कुनै पनि कारणविना; बिनसित्ति। वि. |
| 200 | अकारण | क्रि.वि. | २. कारण नभएको; निराधार। ना. |